Президент матбуот хизматининг хабар қилишича, Алмазбек Атамбаев 22 май куни БМТ бош котиби Пан Ги Мун таклифига биноан Бутунжаҳон гуманитар саммитда иштирок этиш учун Туркияга учиб кетди.
БМТ тарихида илк бор ташкил этилаётган Бутунжаҳон гуманитар саммитида кўплаб давлатлар етакчилари, гуманитар соҳадаги нодавлат ташкилотлар, халқаро ташкилотлар вакиллари иштирок этади ва унда глобал муҳожирлар муаммоси муҳокама этилади. Сиёсий келишмовчиликлар қурбони бўлаётган одамлар тақдири ёдга олинади ва бу саммит тарихда илк шундай тадбир бўлиб қолиши хабар қилинмоқда.
Ташриф давомида Алмазбек Атамбаевни бошқа делегация раҳбарлари билан иккитомонлама учрашувлари режалаштирилган.
Саммитда Германия канцлери Ангела Меркел, Қувайт амири Сабоҳ ал-Аҳмад ас-Сабоҳ, Нидерландия бош вазири Марк Рютте, Нигер президенти Муҳаммад Юсуф, Ливан бош вазири Тамом Салом ва бошқа давлат раҳбарлари иштирок этади.