Панама ҳужжатларининг иккинчи тўлқини дунёни ларзага соладиган сирли муносабатларни фош қилишда давом этмоқда. Фош қилинган ҳужжатларда келтирилиша Саудия Арабистони қироли Салмон бин Абдулазиз “Исроил” бош вазири Бинямин Нетаняхуга сайлов кампаниясини молиялаш учун 80 миллион доллар берган.
Туркияда чиқадиган Жумҳурият газетасининг хабарига кўра, “Исроил ишчи партия”сининг раҳбари Исаак Херзог ҳам Саудия қироли Салмон ибн Абдулазизнинг “Исроил” бош вазири Бенямин Нетаняхуга сайлов кампанияларида ҳомийлик қилганини маълум қилган.
Манба сифатида Панама ҳужжатларига таянган Херзог Қирол Салмоннинг асли Суриялик бўлган Испания фуқароси Муҳаммад Аёд Қаёли исмли шахс орқали Нетаняхуга 80 миллион доллар етказиб берганини билдирди. Хабарда атилишича, Нетаняхуга етказиб берилиши кўзланган маблағ исроиллик яҳудий милиардер Тедди Саггининг Британия Виржин Оролларидаги ширкатига ўтказилган.
Панамадаги “Mossack Fonseca” ҳуқуқ фирмаси тарафидан сиздирилган 11 миллион саҳифалик ҳужжатда мазкур ҳолатга ўхшаган бир қанча ғайриқонуний алоқалар фош қилинганлиги ҳеч кимга сир эмас.
Ўтган ой фош қилинган ҳужжатларда Англия бош вазири Дэвид Кэмерон, Россия президенти Владимир Путин, Украина президенти Петро Порошенко, Аргентина президенти Моурисио Макри, Аргентиналик футбол юлдузи Лионел Месси, машҳур актёр Жеки Чан ва Испаниялик режисёр Педро Алмодоварнинг махфий ишлари фош қилинган эди.
