“Айни вақтда барча ОАВ эгалари, мулкчиликнинг барча шакллари Қозоғистонни ривожлантиришда ўз масъулиятларини тушинишлари керак. Нима учун “мулкчиликнинг барча шакллари” деяпман? Ҳозир либерал бўлиш вақти эмас, биз мамлакатни сақлаб қолишимиз керак. Ҳозир вазият мураккаб, қозоғистонликлар Қозоғистонда Украина ходисалари бўлишини хоҳлашмайди, мен буни биламан. Ҳамма эшитиб олсин. Агар кимдир бу ерга ҳам олиб келмоқчи бўлса, биз энг қаттиқ чораларни кўрамиз. Барча билиб ва эшитиб олсин, кейин мени огоҳлантирмаган деб айтиб юришмасин”,- деди Назарбоев куннинг долзарб масалаларига бағишланган йиғилиш чоғида.
Шунингдек, Назарбоев нима учун ахборот ва коммуникация вазирлиги қайта ташкил этилаётганини тушинтириб ўтди. Унинг сўзларига кўра, вазирликни тарқатиб юборилиши хато бўлган, шунинг учун ҳам қайта ташкил этилмоқда. Вазирликка исталган мулкчилик шаклидаги ахборот фазосини, жумладан интернет-ресурслар ва ижтимоий тармоқларни энг ўткир муаммоларни тезкорлик билан аниқлаш ва уларга жавоб бериш мақсадида мониторинг қилиш бўйича вазифалар юклатилади.
Шу билан бирга янги вазирлик давлат ахборот сиёсатини ишлаб чиқиш, барча давлат органларининг ахборот фаолияти ва фаоллигини мувофиқлашгтириш ва назорат қилиш, давлат ахборот буюртмаси ва ҳукумат томонидан ажратилган маблағларнинг самарадорлигини режалаштириш ва таҳлил қилиш билан ҳам шуғулланади.
“Биз сизлар билан динамик суръатларда турли ислохотлар ўтказмоқдамиз. Яна бир бор такрорлайман бу – янги мураккаб глобал воқеликда миллатнинг яшаб қолиш масаласи. Дунё бизларни кутиб турмайди. Биз гап сотиб, митинглар билан банд бўлиб юрганимизда, дунё олдинга ўтиб кетади ва биз абадий орқада қолиб кетаверамиз”,- деди Назарбоев.
