Баъзи Ғарб давлатлари Туркияга зид равишда Суриядаги демократик иттифоқи партияси (PYD)ни террорчи ташкилот сафига қўшмайди. АҚШ ҳам мазкур давлатлар қаторида PYDни террорчи ташкилот деб эътибор қилмайди, аксинча уни турли шаклда дастаклаб келади. Туркия президенти Ражаб Тоййиб Эрдуғон курд ишчилар партияси (PKK) билан унинг Суриядаги ҳарбий қаноти бўлган демократик иттифоқи партияси (PYD)ни ўртасини ажратиб, “PYD террорчи ташкилот эмас”, деган давлатларга қарата ўзининг қарши муносабатларини яна бир бор изҳор қилди.
“Биз уларга айтамизки, сиз ёрдам бераётган ташкилот террорчи ташкилотдир. Ҳа, PKK (курд ишчилар партияси), PYD (демократик иттифоқи партияси), DHKP (инқилобий халқ ҳаракати партияси), буларнинг бир биридан ҳеч қандай фарқи йўқ. Булар бир дарахтнинг шохларидир. Илдиз битта, тана битта бўлгандан кейин қандай қилиб, “бу бошқа шох, наригисига ўхшамайди, террорчи ташкилот ҳисобланмайди”, дея оласиз. Мана сизнинг еру-кўкка қўймай мақтаган ташкилотингиз Анқарада худкуш ҳужумини уюштириб, бегуноҳ одамларни ўлдирган террорчининг расмини плакатлар қилиб, ўзларининг назорати остида бўлган ҳудудлар деворларига осиб ардоқлашмоқда. PYDни террорчи ташкилот сифатида кўрмаслигингиз – бу Анқарадаги портлашни террорчилик хуружи сифатида кўрмаслигингиз маъносини англатади”, “Биз терроризмга қарши ҳамкорликда кураш олиб боришимиз керак эмасмиди? Қайси ташкилот террорчи ва қайсиниси террорчи эмаслиги ҳақида бир тўхтамга кела олмасак, қандай қилиб терроризмга қарши ҳамкорликда кураша оламиз?” деди Туркия президенти.
Туркистон:
Маълумки, PYD (демократик иттифоқи партияси) АҚШнинг Суриядаги энг яқин иттифоқчиларидан биридир. Оқ уй расмийлари Туркиянинг қаршилигига қарамай, PYDни террорчи ташкилот сифатида кўрмаслиги ҳақида бир неча бор баёнот беришди.
Дарҳақиқат АҚШ ва Туркия терроризмга қарши курашда ўзларини ҳамкор деб билишади. Аммо Туркия PYDни террор ташкилоти деб билса, Америка Қўшма Штатлари буни очиқ рад этади. Чунки АҚШ Сурия масаласида ўзининг сиёсий режаларини амалга ошириш учун PYDга эҳтиёжи бор. Шунинг учун уларни сиёсий ва ҳарбий жиҳатдан очиқчасига қўллаб-қувватлаб, ёрдам бериб келмоқда.
Туркия ҳукумати Анқарадаги террорчилик ҳужумларини PYD амалга оширганлигини расман тасдиқлади. Энди бу ташкилотнинг АҚШ томонидан аниқ тарзда қўллаб-қувватланиши аслида Анқара террори орқасида ким турганлигини кўрсатади. Демак, ўз-ўзидан кўриниб туриптики, Америка ўзининг манфаатига зид келганда яқин ҳамкорини ҳам заррача эътиборга олмайди.
Ҳизб ут-таҳрир – Туркия вилояти расмий ҳукуматни тинимсиз огоҳлантириб, АҚШ ва Ғарб давлатларини дўст тутишдан ва азизликни уларнинг ёнидан излашдан қайтариб келади. Унинг охирги баёнотларининг бирида жумладан шундай дейилади:
“Туркия президентига қўйидаги муҳим эслатмаларни айтиб ўтиш Исломий ва сиёсий жавобгар сифатида бизнинг зиммамиздаги бурчимиздир. Халифалик бекор қилингандан сўнг, Ислом дунёси аввало Британиядан, кейин эса Америка Қўшма Штатларидан кўп азиятлар чекди. Куфр давлатлари талон-тарож қилинмаган, эксплуатация қилинмаган бир қарич ермизни ҳам қолдирмади. Исломий ўлкалардаги раҳбарлар эса Англия ва Америкага итоат қилиб, мусулмонларга хиёнат қилди. Бугунги кунда, ортга бир назар ташласак, уларнинг барчаси хиёнат билан эсланади. Америка ва Британия ишлари битгандан сўнг ўзларига хизмат қилган раҳбарларнинг юзларига ҳам қарамайди. Шуни ҳеч қачон унутмангки, Америка ҳеч қачон дўст бўлмайди. Аллоҳни дўст тутган кишининг ёнида ҳар доим Мусулмонлар бордир. Аммо Американи дўст тутган киши эса, бир кун келиб дўстсиз қолади”.
