Қирғизистонда ушбу йил мамлакат ҳудудида Шанхай ҳамкорлик ташкилоти (ШҲТ) “Тинчлик миссияси-2016”га аъзо давлатлар бўлинмалари билан қўшма ҳарбий амалиётлар ўтказиш учун тайёргарлик ишлари бошланди.
“Бугун (15 март, 2016) республика қуролли кучлари жанговор тайёргарлик Маркази базасида Қозоғистон, Хитой, Қирғизистон, Россия ва Тожикистон ҳарбий кучлари вакиллари иштрокида терроризмга қарши қўшма ҳарбий амалиётлар ўтказиш учун тайёргарлик кўриш масаласида музокаралар бошланди”, – деб маълум қилди Қирғизистон қуролли кучлари Бош штаби.
Режа бўйича, Бишкекдаги штаб музокаралари 17 март куни учрашув якуний протоколи билан ниҳоясига етади.
“Тинчлик миссияси-2016” терроризмга қарши қўшма ҳарбий-штаб ўқув амалиётлари бу йил Қирғизистон ҳудудида 5 сентябрдан 13 сентябргача 20636 ҳарбий қисм базасида бўлиб ўтади.
Туркистон:
Россия президенти Владимир Путин 15 мартдан Суриядан Россиянинг асосий кучларини олиб чиқишни бошлашга буйруқ берди. Гарчи Путин Сурияда ҳаво ҳужумларини бошлашдан олдин асосий мақсад “ИШИД” ташкилотини йўқ қилиш эканлиги тўғрисида жар солган бўлсада, рус учувчиларининг асосий нишони мактаб, болалар боғчаси, нонвойхона ва касалхоналар бўлди. Рус учувчилари Сурияда минглаб ҳарбий парвозларни амалга ошириб, юзлаб марраларни йўқ қилганини даъво қилган бўлишига қарамай, бу ҳужумлардан “ИШИД” деярли зарар кўрмади. Чунки, Россияга бомбаланиши ва яксон қилиниши керак бўлган нуқталар АҚШ томонидан қатъий белгилаб берилган эди. Россия Сурияга АҚШ кўрсатмаси асосида кирди ва унинг топшириғига асосан у ерда жанг олиб борди. Бундан кўзланган мақсад эса беш йилдан буён куфрга қарши мардоновор курашиб келаётган исломий кучларни тиз чўктириш эди.
Бугунга келиб, Россия АҚШ изни билан Суриядан чиқиб кетишга қарор қилди. Рус ҳукумати Суриядан сўнг асосий эътиборини Марказий Осиё мамлакатларига қаратиши аниқ. Россия учун бу минтақада ўз нуфузини сақлаб қолшни ягона йўли ҳарбий босим ўтказишдан иборат холос. Шу сабабли ҳам бу минтақада бирин-кетин ҳарбий машғулот ва тайёргарликлар ўтказиб келмоқда. Айни кунларда, яъни 15 мартдан 20 мартга қадар Тожикистоннинг Хатлон гарнизонида кенг кўламли Тожикистон-Россия ҳарбий ўқув машғулотлари бошлаб юборилди. Ҳар қандай ҳамкорликда ўтказиладиган ҳарбий машғулотлар эса муайян мақсадлар сари йўналтирилган бўлади.
