Рошод қори Камолов ҳақидаги мақола Озодлик сайтининг бош саҳифасидан нега ярим соатда олиб ташланди?
Туркистон:
1 март куни Озодлик янгиликларида Рошод Камоловни қамоқхонада ноқонуний ва мажбурий равишда сақолини қириб юборишгани ҳақида мақола тарқади. Қизиғи шундаки бу мақола тахминан ярим соат вақт ўтмай Озодлик сайтининг бош саҳифасидан олиб ташланди.
Маълум бўлишича, 19 феврал куни Ўш вилоятининг Қорасув шаҳрида бўлиб ўтган ўзларини қамоққа топшириш акцияси вақтида, Озодликнинг мухбири ҳам ўша ерда бўлган. Юзлаган акция иштирокчилари гувоҳлигида, милиция ходимлари мухбирнинг электрон мосламаларини тортиб олишган. Озодлик мухбирини ўзини эса, хорлаш ва зўравонлик билан қўлга олиб маҳкама ичкарисига судраб олиб кириб кетишган. Бўлиб ўтган ҳодиса ҳақида на Озодликнинг ўзи на бошқа матбуот воситалари хабар ёки норозилик баёнотлари тарқатишганлари йўқ.
Юқорида, Озодликнинг ўз мухбирига нисбатан бўлган муомилага лоқайд қарашлари ва Рошод қори Камоловга нисбатан олиб борилаётган зўравонликлар ҳақидаги баёнотини тезлик билан саҳифаларидан олиб ташлашга мажбур бўлишлари Озодликнинг эркин матбуот тармоғи эмас эканини яна бир маротаба исботлайди. У АҚШнинг 100% таъсири остида фаолият олиб боради.
Охирги вақтларда, АҚШнинг Қирғизистон билан ўз аро алоқалари қайтадан бир мунча мустаҳкамлана бошлади. Бу Россиянинг иқтисодий ҳолати кризисга учраб, тезлик билан қулаб бораётганига боғлиқдир. АҚШ вазиятдан фойдаланиб, Қирғизистондаги ўзининг ҳолатини аввалги қолипига келтириб олмоқчи. У Қирғизистонда инсон ҳуқуқлари ҳимоячилари ниқоби остидаги ўзининг айғоқчилар армиясини кучайтиради. Лекин, юқоридаги Озодлик радиосининг ҳаракатларини кўриб, шуни айтиш мумкинки, инсонларнинг ҳуқуқлари бир қанча стондартларга бўлинган ҳолда ҳимоя қилинади.
Биринчи ўринда, АҚШ ва қисман Россиянинг таъсирлари остида ишлаб чиқилиб, Қирғизистонда татбиқ қилинаётган Ислом ва мусулмонларга қарши лоиҳаларни ҳимоя қилишга эътибор қаратилади. Шу йўналиш бўйлаб бораётган барча ҳаракатлар учун атайин кенг шароитлар яратиб берилади. Бунга Чувак ҳожи ёки муфтиёт вакилларининг чиқишлари бўладими фарқи йўқ, улар учун матбуотда кенг йўл очиб берилади. Шарти шуки, Ислом ва мусулмонларга қарши бораётган умумий йўналишларга мувофиқ ҳаракат ёки фикрлар баён қилиниши керак. Масалан, яқинда бўлиб ўтган, депутат Салянованинг никоҳ ҳақидаги парламентга таклиф этмоқчи бўлаётган ғойриисломий лоиҳасини, ўзларини Қирғиз исломий элитаси деб номлайдиган бир гуруҳ шахслар томонидан бир овоздан қўллаб берилди.
Лекин, 19 феврал куни бўлиб ўтган куч органининг муслималарга қарши юришлари ҳақида, у ясама элитанинг бирортаси ўзининг шаръий муносабатини билдиргани йўқ. Наҳот, Рошод қорининг ҳозирги ҳолати, бу донишманларни иймонларидан кечиб юбориш даражасигача қўрқитиб юборган бўлса. Наҳот, АҚШ олиб бораётган Ғарбнинг куфр системаси оламий матбуотни ўз назорати остида қандай ушлаб келаётган бўлса, бу исломий зиёлий шахсларни ҳам худди улардек назоратлари остига олишга маваффақ бўлишса.
Озодлик ҳар хил тилларда гапирадиган куфрнинг матбуот машиналаридан биридир. Унга қаттиқ назорат ва тиниқ йўналишлар бериб турилади. Лекин куфрнинг шу таъсир қуввати Чубак ҳожи сингари Аллоҳ Таоло обруй берган исломий уламоларга ҳам таъсир қила бошлагани ўта ачинарли ҳолат. Бу хусусда, исломий позициядан қараганимизда, Рошод қорининг ҳолати уларникидан бир мунча манфаатлироқ ҳисобланади. Аёлларнинг ҳимояси учун ўзларини қамоққа топширган ҳақиқий эркак мусулмон биродарларимиздан Аллоҳ рози бўлсин. Куфрнинг қўлидан манфаатланадиган ва мусулмонларнинг кулфатларига бефарқ қарайдиган ҳар қандай олиму уламолар Аллоҳнинг наздида муслима аёлларни ҳимоя қилиб чиққан юқоридаги мусулмонларнинг тўпиғига ҳам тўғри келмайди.
Инсон ҳуқуқлари ҳимоячилари ҳам Ғарбнинг манфаатлари асосида юришга мажбур. Улар асло ўз хожалари чизиб берган чизиқдан четга чиқа олишмайди. Кимларни ва қачон ҳимоя қилишлари керак ёки кимларни умуман ҳимоя қилиб бўлмайди, шуларнинг ҳаммасини куфр системаси томонидан белгилаб берилади.
Бу бир катта куфр тармоғи бўлиб, бу тармоққа олиб кириш қийин бўлган соҳа вакиллари диндорлар ҳисобланади. Чунки диний шахслар куфр манфаатларига аввал исломий тус бериб олишлари керак бўлади. Яъни ҳаромларни ҳалол қилиб олишлари керак бўлади. Бунинг учун улар Оят ва Ҳадисларни таъвил қилишиб, уларга нотўғри маънолар беришлари керак. Кейин у исломий уламолар куфрнинг барча ифлос ҳаракатлари учун кенг исломий йўллар очиб бериш учун бор кучларини аяшмайдиган манқуртларга айланишади. Улар ҳам худди Озодлик радиоси сингари куфр системаси тармоғини ривожлантирувчи қувват ва ғойриисломий ҳаракатларнинг асосий ҳимоячиларига айланиб қолишади. Уларнинг кўзлари фақат исломий қаршилик ҳаракатларинигина кўра олади. Фоҳшахона, қиморхона, ароқхоналардан тушадиган пуллардан имомларнинг луқмасини бузиш мақсадида степендия тўлаб бераётган ҳукуматнинг қабиҳ ишларини кўришмайди ёки кўрсалар, бу ишларга қандай қилиб исломий тус берсак экан деган фикрлар ҳақида бош қотирадиган куфрнинг қуролига айланиб қолишади.
Фурсатдан фойдаланиб, Қирғизистон уламолари ва расмий диний ходимларига мурожат қилиб ўтмоқчимиз. Фурсат бор, эсинларни йиғинглар. Иймонингларни куфрга гаровга қўйманглар. Улар билан ҳатто ёлғон ҳамкорлик қилишга ҳам ҳаракат қилманглар. Чунки иймонни ҳимояси ўта нозик ва эҳтиёткорликни талаб қилади. Маломатчининг маломатидан қўрқманглар, чунки барча вазият ва тақдир ёлғиз Аллоҳнинг қўлида. Куфрнинг моддий манфаатларидан умидвор бўлманглар, чунки ризқ Аллоҳдан ва у ҳар биримиз учун уни белгилаб қўйган. Балодан куфр қувватлари бизни сақлаб қола олмайди, чунки қазо ва қадар фақат Аллоҳдан эканини унутмайлик. Ҳақ устида маломатчининг маломатидан қўрқмайлик, чунки азоб ва қийинчиликлар Пайғамбарларнинг, хоссатан пайғамбаримиз Муҳаммад САВнинг қисматлари бўлган.
Аллоҳдан енгиллик сўраймиз. Лекин у бизни балолаш билан синай бошласа, сабр ва сабот билан туриб бериш орқали ундан ажрларимизни янада зиёда қилиб беришини сўраймиз. Чунки биз унинг қулларимиз.
