2016 йил17 феврал куни пешин намозидан сўнг соат 3лар чамасида Қорасув шаҳрининг Нурохунов кўчасидаги бир мусулмоннинг уйидан 20та муслима аёлни орган ходимлари ушлаб олиб чиқиб кетишган. Аёллар у хонадонда меҳмон бўлишгани ва у ерда ўзбек урф-одатларига айланиб кетган зиёфат ўтириши бўлаётганини айтишган. Зиёфатга йиғилган аёлларнинг орасида 55 ёшга кирган онахонлар бўлишларига қарамай, ҳаммасини Қорасув шаҳар ИИБсига куч билан олиб боришган. Аёлларнинг айтишларича уларга жуда қўпол муомилада бўлишган. Уларни ярим кечагача ушлаб туришган ва кечаси қўйиб юборишган.
Феврал ойининг бошидан бошлаб Қорасув туман ИИБ 10-бўлим ходимлари мактабларда рейд ва мажлислар уюштириб, ўзбек миллий урф-одатларининг энг қадимийларидан ҳисобланган навбатли зиёфат ўтиришини ман қилинганлиги ва ёшларни бу ишни қилишлари мумкин эмаслигини айтишган. Яна мактаб ўқувчиларини жума намозига боришлари тақиқлангани айтиб, болаларга таҳдид ва қўрқитиш охангида амалиётлар уюштиришган. Орган ходимлари зиёфатлар уюштирилиши одат бўлиб қолган чойхоналарга ҳам боришган ва у ердаги ошпазларни қўрқитишга ҳаракат қилишган.
Қирғизистон ҳукумати ўз халқига зулмни шунчалар кўп қилдики, энди бу зулмларини яшириш ва фуқароларни чалғитиш мақсадида мусулмонларнинг ор-номусига тегиб, уларни ўзига қарши провокация қилиш, халқни матбуот ҳужуми билан алдамоқчи бўлишяпти. Ҳукуматнинг зулми албатта жисмоний бўлиши шарт эмас, у халқнинг мулкини совуриш, ер ва иншоатларни сотиб юбориш, халққа тўлов солиқларини ошириш, куфр ташкилотларига мамлакатни ўлжа қилиб юбориш…ва ҳоказо бўлиши мумкин. Турмадаги маҳбусларни атайин қочириш сўнг уларни қувиб юриб, отиб ташлашлари каби зулмлари жуда кўп. Энди шу ифлос амалиётларда билвосита иштироки бор министр ва бошқа қувват эгалари, ўз салохияти ва таъсири остидаги қувватлардан фойдаланиб, юқоридаги чалғитиш ишларини олиб боришаяпти.
Энди баҳор яқинлашиб кунлар исий бошлаши билан ҳокимият ҳам аввалгилари каби ўз халқидан қўрқиб, тек турган мусулмонларни ўзига қарши гиж-гижлай бошлашди. Куч органлари Суриядаги воқеаларни рўйкач қилиш орқали юзлаб мусулмонларни ҳибсга олмоқда ва бир неча минг доллар пора эвазига қўйиб юборишяпти. Буларнинг барчаси рўйхат ва ҳужжат билан маълум.
Лекин юқорига ҳисобот беришаётганларида Ҳизб ут-Таҳрир аъзоларини бир чеккадан уйларини босиб, ҳатто ўнлаб муслима опа-сингилларимизни Ҳизб аъзоси деган гумон билан узоқ муддатларга қамаб юборишди. Ҳатто Бишкекда бир онахонимизни ногирон қизи бўлишига қарамай 8 йилга кесиб юборишди. Бир синглимизни ҳам гумон билан бир ёшга тўлмаган чақалоғи билан қамаб қўйишгача боришди. Яна бир синглимизни, Новқатдаги хайит маросими воқеъаси чоғида хибсга олишиб, бир малун терговчи томонидан уриб қорнидаги боласи атайин тушуриб юборилган эди. Чунки қорнидаги фарзанди қонун бўйича у синглимизни қамоқ жазосидан сақлаб қолиши мумкин эди.
Кечаги 20та опа-сингилларимизнинг бирортасини ҳам Ҳизбга алоқаси йўқлиги аниқланган эмиш. Лекин муслималарга бўлган бу тажовузлар, таҳдидлар биз эркак мусулмонларни ҳамиятимизга тегиш мақсадида атайин уюштирилди. Ҳукумат Ўзбекистон ва Россия босимлари остида, мусулмонларга худди улар сингари таҳдид қилишмоқчи. Ғарбдан келиши кутиладиган Ислом ва мусулмонларга қарши кураш учун ажратилган садақа пулларини олиш илинжида ҳар бирининг биттадан 10тагача фарзанди бўлган юқоридаги аёлларимизга тажовуз қилишга журъат қилиб келишаяпти.
Шулардан келиб чиқиб, Қирғизистон Ҳизб йигитларининг ҳозирча фақат Қорасув шаҳридаги аъзолари ўзларини куч органларига ихтиёрий топшириш акциясини бошлаб юборди. Йигитлар қўллари боғлиқ ҳолда, “биз бундай ҳаёт тарзида яшашга рози эмасмиз, муслима опа сингилларимиздан ифлос қўлларингни торт, бизни ҳибсга ол, Ҳизбни дастак қилиб мусулмонларга озор беришдан тўхта”, деб ўзларини маҳкамага топширишади. Бу иш бир нечта босқич билан куфрнинг юришлари тўхтатилгунига қадар давом этади. Аллоҳ биродарларимизни собит қадам қилсин. Уларга журъатлари учун бериладиган ажрларни бир неча минг баробар қилиб берсин.
Норозилик акциясига нафақат Ҳизб аъзолари, балки куфр малайларининг зулмидан тўйган барча фуқаролар қатнашишлари мумкин. Агар куч органлари расмий чиқишлар билан юқоридаги қилмишларидан тавба қилиб, куфрнинг юришларини тўхтатишмас эканлар, акция давом эттирилаверади.
Ҳизб ут-Таҳрирнинг Қирғизистондаги матбуот бўлими раиси
