Америка Қўшма Штатлари ва Қозоғистон ўтрасида ҳарбий таълим тарбия соҳаларида бир йиллик ҳамкорлик қилиш режаси ишлаб чиқилди. Бу ҳақида Қозоғистон Мудофаа вазирлиги маълум қилди.
Мудофаа вазирлигига кўра, 3 Феврал Чоршанба куни Қозоғистон ва Америка Қўшма Штатлари ўтрасида ҳарбий ҳамкорлик гуруҳининг мувофиқлаштирувчи масъуллари икки кунлик йиғилиш ўтказган. Йиғилиш сўнгида икки давлат яъни АҚШ ва Қозоғистон қуролли кучлари ўртасида 2016-2017 йиллар учун режа тайёрланганлиги эълон қилинди.
Қозоғистон ва АҚШ ҳарбий ҳамкорлигининг асосий йўналишлари – биргаликда фаолият олиб бориш, қуролли кучлар профессионаллигини ошириш, ўзаро ҳарбий кўмаклашиш ва ҳамкорликда ҳарбий машғулотлар ўтказишдан иборатдир.
Режага кўра, АҚШлик ҳарбий мутахассислар Қозоғистон ҳарбий ўқув муассасаларида таълим усулларини ишлаб чиқишлари ва ушбу доирада асцубай (қуролли кучларга қўмондонлик қиладиган, уларни машғулотдан ўтказадиган, назорат қиладиган, жангдагидек турли вазифаларни бажарадиган офицер даражасидаги ҳарбий) кучларни ташкил этишда қозоқларга ёрдам қилишлари кутилмоқда.
Қозоғистон ва Америка Қўшма Штатларининг ҳарбий ўқув муассасаларида яқин келажакда аскар алмашинуви ҳам асосий мавзу сифатида кўриб чиқилади.
Туркистон:
Шу кунларда Қозоғистонга Туркия бош вазири Довуд Ўғлининг келиши ва юқоридаги АҚШ билан Қозиғистон ўрталаридаги ҳарбий шартномалар бир бирига албатта боғлиқ. Юқорида, Қозоғистон призидентига Путиннинг Россия билан Қозоқлар тақдирини маҳкам боғлаб охиригача бирга кетавериши учун берган босимларига рад жавобини берди десак бўлади.
Украинада Россия, русийзабон ва рус халқининг миллий туйғуларидан фойдаланиб, уларга Ғарб сақофатини киргизилишига йўл бермаган эди. Натижада Украинанинг кўп қисми ҳали ҳам Россиянинг сақофий мустамлакачилиги остида қолиб турипти. Қозоғистон эса, Украинадан ҳам заифроқ ҳолатда. Қозоғистонда Ғарб сақофати ўта заиф. Қозоқларнинг миллий туйғуларини кучайтириш билан рус сақофатига қарши таёрланиш эса, ўта хавфли. Миллатчилик ривожланган вазиятдан Путиннинг ўзи Қирғизистондаги Ўш воқеаси сингари фойдаланиб қолиши мумкин.
Шунинг учун Назарбаев, АҚШдан худди Украина сингари лекин уруш бўлмай туриб олдини олиб ёрдам сўрай бошлади. Назарбаев, Путин ҳозир Сурия масаласи ва Украинадаги ҳолатда АҚШнинг деярли таъсири остида иш олиб бораётганидан бохабар. У яна, Путин ички муаммоларини бартараф этиш учун энг қулай ва тез аланга олиши мумкин бўлган уруш майдони қидираётганини ҳам яхши билади. Қозоғистон эса, худди ўша энг қулай минтақа ҳисобланади.
