Хавфсизлик идоралари ходимларининг “кароматли қўлларида” мультфильм ёзилган DVD диск ҳам экстермистик материалга айланиб қолади
Ўш шаҳрида яна бир мусулмон биродаримизга нисбатан бўҳтон қилишди. 1977 йилда туғилган, уч фарзанднинг отаси Тагаев Баҳром новвойчилик касби билан шуғулланиб, шу орқали оиласини боқиб келар эди. Бундан бир ой олдин унинг уйига Ўш шаҳар Ички ишлар бошқармаси 10 бўлими ходимлари тинтув ўтказиш учун “ташриф буюришади”. Тинтув ўтказишга эса биродаримизнинг уй яқинидан портловчи модда топилгани асос қилиб келтирилади. Тинтув натижасида ИИВ ходимлари мультфильм ёзилган уч дона ДВД дискни олишади. Биродаримизнинг диск мазмунини шу ернинг ўзида текшириб кўриш тўғрисидаги талабини рад қилган куч идора ходимлари, унга бўҳтон (подстава) қилиш ниятлари йўқ эканлиги ва уларга ишониши мумкин эканлигини айтишади. Баҳром уларнинг ваъдаларига ишониб қолаверади.
Бироқ, 13 декабр куни Баҳромни Дониёр исмли терговчи чақиртириб, теологик экспертиза натижалари ДВД диск экстремистик мазмунда эканлигини аниқлаганини айтади. Бундан хайрон бўлган Баҳром уларга Аллоҳдан қўрқишни, Қиёмат кунида ўзларига қийин бўлишини, Охират азоби олдида уларнинг жазолари ҳеч нарса эмаслигини ва мусулмон бўлгани учунгина туҳмат қилишаётганини айтади. Аммо улар Баҳромнинг сўзига эътибор ҳам бермай, қамоққа олишди.
Вақтинчалик амал курсисида ўтирган милиция ходимлари бир кун келиб барча қатори ўзлари ҳам ўлишларини ва бу қилмишлари учун Аллоҳнинг олдида жавоб беришларини унитиб қўйишган кўринади. Улар дўст киму, душман кимлигини ажрата олмай Россия ва Америка буйриқларини бажариш билан овора бўлиб, кўзлар қотиб қоладиган Кунда аҳволлари нима кечиши ҳақида ўйлаб ҳам кўришмаяпти.
“(Эй Муҳаммад), сиз ҳаргиз: “Аллоҳ золим кимсаларнинг қилаётган амалларидан ғофил” деб ўйламанг! Фақат Аллоҳ улар(нинг жазолари)ни кўзлар (даҳшатдан) қотиб қоладиган (қўрқинчли қиёмат) кунига қолдирмоқда, холос. (У куни) улар бошларини (осмонга) кўтарган ҳолларида (чорланган томонга ҳисоб-китоб учун) чопурлар. Кўзлари ўзларига қайтмайди (яъни, қўрқувдан қотиб қолиб, ўзларининг қандай ҳолда эканликларини ҳам кўрмайдилар). Диллари (даҳшатдан) бўм-бўш бўлиб қолур”. (14: 42-43)
