Қирғизистон ҳукумати матбуот хизматининг хабар қилишича, бош вазир Темир Сариев бошчилик қилаётган делегация 14 декабр куни Хитойнинг Чжэнчжоу шаҳрига етиб борган. Темир Сариев бу ерда 15 декабр куни бўлиб ўтадиган Шанхай ҳамкорлик ташкилотига аъзо мамлакатлар ҳукумат раҳбарлари (бош вазирлар) кенгашининг 14-мажлисида иштирок этади.
Бундан ташқари Темир Сариев ХХР раҳбарияти билан ҳам учрашув ўтказади.
“Сариевнинг ташрифи ХХР Давлат Кенгаши бош вазири Ли Кэцяннинг таклифига кўра амалга оширилади. Музокаралар якунларига кўра ҳамкорлик бўйича бир қатор ҳужжатларнинг имзоланиши кутилмоқда”, – дейилади хабарда.
17 декабрга қадар давом этадиган сафар доирасида Темир Сариев халқаро интернет-конференция ва Қирғизистон-Хитой инвестицион форумида иштирок этиши ҳам режалаштирилган.
