Британияда нашр этиладиган “The Times” газетаси Россия Сурияда яна бир ҳаво базаси барпо қилаётгани ҳақида ёзиб чиқди. Газетанинг ёзишича, Ҳумс шаҳри яқинидаги Аш-Шаират ҳаво базасига Россиядан ҳарбий мутахассислар ва анжомлар олиб келинган.
“Аш-Шаират ҳаво базаси аввалдан Россиянинг қирувчи вертолётлари қўнадиган жой эди. Бироқ бир ой аввал ҳаво базага келган ҳарбий мутахассислар яна ҳам кенгроқ база қуриш учун тайёргарлик кўра бошлади” дейлади Аш-Шаират ҳаво базаси Россия учун очиб берилгани ҳақида тарқатилган хабарда.
Газетага интервю берган маҳаллий манбаларнинг айтишича, Аш-Шаират ҳаво базасида айни пайтда 50-60 рус ҳарбийлари мавжуд. “Аскарлар учун турар-жойлар тайёрланган. Лекин баъзи аскарлар базага яқин бўлганлиги сабабли Ҳомсда қолмоқда. Бизнинг билишимизча, базада 10та самолёт ва 15та вертолётлар бор”, дейди манба.
Хабарда айтилишича, мазкур янги қурилаётган база билан бир қаторда Сурияда жангавор фаолият олиб бораётган Россиянинг самалётлари икки баробарга ортади. Шунингдек махсус операциялар ходимларини ўз ичига олган 1000 нафар аскар ҳам олиб келинади.
Таймес газетасининг билдиришича, Аш-Шаират ҳаво базасида 45та самолёт ангари (саройи) мавжуд бўлиб, уларнинг ҳар бири бамбардимонларга қарши ҳимоялангандир. Хабарга кўра, Аш-Шаират ҳаво базасидаги учиш-қўниш йўлагини кўздан кечириб чиққан Россия муҳандислари ҳаво базада битта асосий учиш-қўниш йўлаги ва иккита қўниш йўлаги борлигини, улардан биттаси эҳтиёт учиш-қўниш йўлаги эканлигини айтган.