Туркия бош вазири Ражаб Тоййиб Эрдуғон турк ҳаво ҳудудини бузганлиги сабабли уриб туширилган Россия самолёти ҳақида гапирар экан, самалёт уриб туширилаётган пайтда қайси давлатга тегишли эканлиги ноаниқ бўлганлигини маълум қилди. Россия самолётининг уриб туширилиши белгиланган қоида асосида амалга оширилганлигини билдирган Эрдуғон “чегараларимизни ҳимоя қилиш ҳуқуқимизни ҳамма ҳурмат қилиш керак”, деди.
Туркия президентининг бу сўзларини залда ўтирганлар қарсаклар билан олқишлар экан, Эрдуғон бу олқишдан хурсанд бўлмаганлигини яширмади.
“Биродарларим! аслида бу масала олқишланадиган масала эмас. Биз бундай вазиятга гувоҳ бўлишни истамаймиз. Шундай ҳолатга тушиб қолганимиздан изтиробдамиз” дея олқишларни рад қилди Эрдуғон.
“Туркия аввалдан эълон қилгани каби рус самолётининг уриб туширилиши белгиланган қоида асосида амалга оширилган. Бу ерда мутлақо душманлик йўқ”, дея қўшимча қилди у.
Эрдуғон Истанбулда сўзлаган нутқида “Воқеа атрофида жанжал, адоват аланга олишини истамаймиз”, “Россия билан муносабатларимиз бузилишини хоҳламаймиз”, “Туркия Россия билан орани бузишни истамайди”, “Туркия доим тинчлик, диалог ва дипломатия тарафида бўлган, адоват, таназзул ва ғанимлик томонида эмас”, дея қайта-қайта такрорлади.
Оқ уйда нутқ сўзлаган Америка президенти Барак Обама ҳам Эрдуғоннинг фикрини маъқуллади. Обамага кўра, бу борада дипломатия йўлидан юриш зарурдир.
“Туркия ҳар қандай мамлакат каби ўз ҳудуди ва ҳаво сарҳадларини ҳимоя қилиш ҳуқуқига эга. Ҳозир муҳими – Россия ва Туркия ўзаро мулоқотни давом эттиришига ишонч ҳосил қилишдир. Воқеани тергов қилиб, нима бўлганини аниқлаш ва адоватга берилмаслик керак”, деди Обама.
АҚШ Давлат котиби Жон Керри ҳам рус ҳамкасби Сергей Лавров билан телефон орқали суҳбатлашиб, уни ҳушёрликка чақирди.
“Керри Туркия ва Россия расмийларини босиқликка ва ўзаро мулоқот ўтказишга чақирди. Керри хусусан бу воқеа тарафлар ўртасида тангликнинг авж олишига иккала тараф ҳам рухсат бермаслик зарурлигига эҳтиёж борлигини таъкидлади”, дейилади АҚШ Давлат департаменти тарафидан чиқарилган баёнотда.
НАТО самолёт ҳаво ҳудудини бузганлигига оид Туркия тақдим қилган маълумотларнинг тўғрилигини билдирди.
Туркистон:
Россиянинг Су -24 русумли самолёти Суриядаги тинч аҳолини бомбардимон қилиб, ўнлаган балки юзлаган бегуноҳ заиф ва заифа Мусулмон ва муслима ота-оналаримизни, сингил-қизларимизни ва фарзандларимизни ўлдириб, уйларини вайрон қилиб қайтаётган вақтида, Турк армияси у “бечора” самалёт экипажини уриб туширибди.
Россияда Путин бу ҳодисадан, рус халқининг инсонпарварлик туйғуларини жунбушга келтириш мақсадида фойдаланиб, пашшадан фил ясаяпти. Эрдагон эса, ўз ишидан фахрланиш ва давом эттириш ўрнига, куфр олами олдида оқланишга ҳаракат қилаяпти.
Аслида Сурия бўладими ёки бошқа зулмл чекаётган Мусулмонлар бўладими, ҳар қандай исломий ёки Мусулмонлардан ташкил топган армияларнинг барчасининг ҳимояси остида бўлишлари керак. Ҳар бир Мусулмоннинг покиза қони, ҳеч бўлмаганда юқоридаги кофир бўлган қотил самалёт экипажининг қони ҳимоя қилинаётганидек ҳимояланиши вожиб эмасми! Агар Турк армияси НАТОдан ёки АҚШдан эмас Оллоҳдан қўрққанида эди. Шу кунидаги каби ҳор бўлмаган бўлар эди. Бу қолган исломий юрт армияларига ҳам тегишли!
