АҚШ президентлигига ўз номзодини қўйган Ҳиллари Клинтон ўтган ҳафта Айова штатининг Де-Мойн шаҳрида экстримистик жиҳодий фикрларни йўқ қилиш учун бутун оламни бирлашишга чақирди. Собиқ АҚШ давлат котибининг таъкидлашича, Америка Исломга эмас, балки зўравон “экстримистлар”га қарши уруш олиб бормоқда.
“Биз оламни бирлаштиришга ва экстримистик жиҳодий фикрларни йўқ қилишга бел боғлашимиз лозим. Бу экстримистик жиҳодий фикрлар ИШИД каби зўравон, ваҳший ва шафқатсиз террорчи ташкилотларни ҳаракатга келтиради”, “Биз Исломга қарши уруш очмадик, балки зўравон экстримистларга қарши уруш олиб бормоқдамиз”, деди Клинтон.
Ҳиллари Клинтон АҚШ президентлигига ўз номзодини олға сурар экан, “Бу сайлов фақатгина президентлик сайлови эмас. Балки қуролли кучларга қўмондон сайлашни ҳам ўз ичига олади”, дея қўшимча қилди.
Туркистон:
Куфр давлатларининг етакчилари яқинда Туркияда бўлиб ўтган G20 саммитида ҳам ўзларининг Ислом ва мусулмонларга қарши курашмаётганликларини даъво қилишди. Уларнинг таъкидлашларича, Ироқ ва Афғонистон каби Исломий ўлкаларда мусулмон аҳоли, жумладан, аёллар, ёш болалар ва қарияларни ўз ичига олган юз минглаган тинч фуқароларнинг қатл этилиши Ислом ва мусулмонларга қарши урушни англатмайди. Уларга кўра, мусулмонлар буни “нотўғри” тушунмасликлари лозим.
Путиннинг Сурияга сафарбар қилган кучлари тинч фуқаролар яшайдиган аҳоли пунктларини ва мактабларни ҳаводан ҳужумга тутди. Бу ҳодиса оммавий ахборот воситалари орқали кенг ёритилди. Бутун дунё бунга гувоҳ бўлди. Бироқ G20 саммитида ҳеч ким Путинни ёки рус ҳарбийларини террористликда айбламади. Аммо агар бирор мусулмон Аллоҳнинг шариати билан яшашни талаб қилса, у албатта террорист ҳисобланади. Мана шундан уларнинг кимга ва нимага қарши уруш эълон қилгани ўз-ўзидан кўриниб турипти.