Германия ташқи ишлар вазири Франк-Вальтер Штайнмайер Bild газетасига берганинтервьюсида Россиянинг “катта саккизликка” (G8) қайтиши шартларини маълум қилди.
Унинг айтишича, агар Россия ва Ғарб Украина инқирозидаги тўсиқларни енга олса ва томонлар Сурия масаласи бўйича ечимларни излашда муваффақиятли ишласа, унда ғарб давлатларида Россияни узоқ муддатга халқаро муҳокамадан истисно қилиш учун ҳожат бўлмайди.
Штайнмайернинг айтишича, Ғарбга Россияни яккалаш ва G8’ни G7’га айлантириш варианти ҳеч қачон хуш келмаган.
Туркистон:
Париж ходисаларидан сўнг ғарб давлатлари Россия билан алоқаларини яхшилагандек кўринишаётган бўлсада, АҚШ етакчилигида бошланган Россияни яккалаш, жазо чораларини қўллаш орқали уни узил-кесил тиз чўктириш учун янгидан янги талабларни илгари суриб келишмоқда.
15-16 ноябр кунлари Анталияда бўлиб ўтган “Катта йигирматалик” (G20) саммитида АҚШ ва Европанинг етакчи давлатлари раҳбарлари Россияга қарши қўлланилаётган жазо чораларини яна олти ойга узайтиришга қарор қилишди.
АҚШ президенти Барак Обама, Германия канцлери Ангела Меркел, Буюк Британия бош вазири Дэвид Кэмерон, Италия бош вазири Маттео Ренци ва мамлакат президенти Франсуа Олланд номидан саммитда иштирок этган Франция ташқи ишлар вазири Лоран Фабиус ўртасида бўлиб ўтган учрашув чоғида Россияга қарши босимни давом эттиришга келишиб олишган эди.
