2015 йил 20 августда Ставрополь ўлкасидаги Иргакли қишлоғи имоми Замирбек Махмутовга суиқасд амалиёти содир этилди. Жамият фаоли, мўмин биродарлари муаммоларига қайғурувчан, Ислом асосларини рус ҳукумати ҳужумларидан ҳимоя қиладиган имомни шундоқ масжид майдонида отиб кетишди. Россия сиёсати таянаётган исломофобияга қарши курашаётган холис бир инсон Аллоҳнинг изни билан ҳалок бўлди. Юртдаги ёш муслима қизларнинг рўмол ўрашдан ман этилишига қарши курашда бошланиш нуқта, дея баҳоланаётган қишлоқда ҳалок бўлди.
Тергов хулосасидаги расмий эртак ҳеч кимни қизиқтирмайди, чунки суиқасд қурбони бўлган имомнинг яқинларидан бири жаноза пайтида «бошқа ўлдирилган мусулмонлар қатори Замирбекнинг қотили ҳам рус режимидан бошқаси эмас», деб айтди.
Мусулмонлар қандай душманга дуч келганларини аллақачон тушунганлар: имомларнинг ва фаол мусулмонларнинг суиқасдга учрашлари оддий ҳолга айланиб қолган. Айниқса, сўнгги икки ҳодиса ҳам Ставрополь ўлкасида юз берган эди: 2014 йилнинг 14 июнида Замир Таибов хавфсизлик ходимлари томонидан терговга чақирилиши ортидан ўлик ҳолда топилди. 2014 йил 21 июлда хавфсизлик хизмати ходимлари «қаршилик кўрсатди», деган дастак билан ҳуқуқ фаоли Алмаз Абдулнасыровни ўлдиришди. Бу икки жасадда ҳам оғир қийноқ белгилари бор эди. Бу ва бошқа ишларнинг кўриб чиқилишига ҳеч ким умид қилмайди ва шундоқ ҳам, нималар бўлаётганини ҳамма яхши тушуниб турибди.
Айни минтақага хос бўлган бундай сиёсат экспертларга яхши маълум ва Кремль томонидан қўллаб-қувватланган. Биз фақат бир ҳисоботни эслаб ўтмоқчимиз, холос. Бу ҳисобот 2013 йил миллий стратегиялар Институти ишчилар гуруҳи томонидан М. В. Рамизов муҳаррирлиги остида тайёрланган. «Миллий ва диний таҳдид харитаси», дея номланган бу ҳисоботда жанубий минтақага нисбатан «жанубдан келувчи этник сиёсий таҳдидларни тушуниб етиш ва уларга қарши мудофаа чизиғи сифатида курашиш» таклиф қилинган. Бу таҳдиднинг қандайлиги ҳисоботнинг ўзида қуйидагича очиқланган: «Бу талабларга нисбатан ҳукуматнинг ён бериши самарасиздир, чунки (исломий бўлмаган бу минтақадаги катта-катта шаҳарлар марказларида масжидлар қурилиши, жамоат жойларида рўмол ўрашга йўл қўйилиши ва у ёки бу шаклда шариат қонунларининг татбиқ қилинишига рози бўлиш сабабли) жамият исломлашиб кетмоқда».
Ставрополдаги мусулмон фаолларга қарши суиқасд қилинишига ҳеч бир сабаб топилмаётган бир пайтда, у ерда айнан исломофобия стратегик сиёсати қўлланаётгани шундоқ маълум. Масалан, анъанавий исломий республикалардан ташқарида Исломнинг ёйилишига йўл қўйилмайди, Ставрополь бу республикалар ичида алоҳида чегарадир. Рус ҳукумати содир этган ва содир этиши мумкин бўлган энг ифлос иш, хавфсизлик хизматларига мана шундай ифлос амалиётларни топшираётганидир. Бу хавфсизлик хизматлари тақиқлашни, ўғирлаб кетишни, қийноққа солишни ва ўлдиришни қойилмақом қилиб бажаришяпти. Бу сиёсат муслима ўқувчи қизларга қарши қўлланмоқда ҳамда ақлга сиғмайдиган ва Кремль томонидан бошқарилаётган бундай сиёсат унга рози бўлмаётган мусулмонларга қарши қўлланмоқда.
Ҳизб ут-Таҳрирнинг
Россиядаги матбуот бўлими
Расмий сайт: www.hizb-russia.info
Электрон почта: mediaoffice.htr@gmail.com
