Ҳизб ут-Таҳрир – Туркия вилояти матбуот бўлими бир неча кун муқаддам “Инжирлик базаси ёпилсин, АҚШ қувиб чиқарилсин”, номли компания бошлаганлигини эълон қилиб, барча мусулмонларни ушбу компанияни дастаклашга чақирган эди. Умматнинг дардига бепарво бўлмаган Мусулмонлар дарҳол бу чақириққа ижобий жавоб беришиб, мазкур компанияни қўллаб қувватлашини билдиришди. Булар орасида кўзга кўринган етакчи шахслар ҳам мавжуд. “Hür Dava” партияси Истамбул шуъбасининг раҳбари Эрдал Элибуюк, “Yeni Akit” газетасининг журналисти Аҳмед Варол, “Kalem-Der” жамиятининг раҳбари Аҳмед Калкан, “İmkan-Der” жамиятининг раҳбари Мурат Ўзер ва “Глобал медиа”нинг бош дректори Ҳамза Эр шулар жумласидан.
“Hür Dava” партиясининг раҳбари Эрдал Элибуюк Инжирлик ҳаво базасини АҚШга топширилишини сиёсий қуллик сифатида баҳолади. Элибуюкка кўра, АҚШ қаерга кириб борган бўлса, ечим ўрнига фақат муаммо келтириб чиқарган.
“Биз Америка Ироқда, Покистонда нималар қилганлигига гувоҳ бўлдик. У тумшуғини тиққан барча ерларда муаммони ҳал қилиш ўрнига уни баттар чигаллаштиради. Шу боис “Инжирлик базаси ёпилсин, АҚШ қувиб чиқарилсин”, компаниясини қўллаб қувватлаймиз”, деди Элибуюк.
“Yeni Akit” газетасининг журналисти Аҳмед Варол АҚШнинг Инжирлик ҳаво базасидан фойладанишига азалдан қарши эканлигини билдирди. Варолнинг таъкидлашича, АҚШнинг мақсади ўз-ўзидан маълум, у ИШИДга қарши урушмаяпти. ИШИД унинг учун бир баҳонадир холос.
“АҚШ ҳам, унинг коалицияси ҳам ИШИДга қарши урушаётгани йўқ. Аслида бу уруш Суриядаги қаршилик ҳаракатини пучга чиқариш ва боши берк кўчага кириб қолган Асад режимига йўл очиш мақсадида амалга оширилмоқда. Сўнгги ҳодисаларда шуни гувоҳи бўлдикки, АҚШ Инжирлик ҳаво базасидан ИШИДга қарши эмас, Суриядаги қаршилик ҳаракатига ва тинч фуқароларга қарши ҳужумларни амалга оширди. Шунинг учун Инжирлик базаси ёпилсин, АҚШ қувиб чиқарилсин”, деди Аҳмед Варол.
“Kalem-Der” жамиятининг раҳбари Аҳмед Калкан Ҳизб ут-Таҳрир бошлаган компанияни чин кўнгилдан қўллаб қувватлашини билдирди. Туркия ҳукумати Ғарб давлатларини, хусусан Американи дўст сифатида қабул қилганлигини афсус билан тилга олган Аҳмед Калкан АҚШ Туркияга ўзининг мустамлакаси сифатида қарашига урғу бериб ўтди.
“Афсуски, мамлакатимиздаги базалар воситасида мусулмонларнинг устига бомбалар ёғдирилмоқда. Мусулмонлар эса сукут сақламоқда. Шунинг учун “Америка бу ерлардан даф бўлсин, ҳарбий базалари ёпилсин”, деган талабни эркакча, мусулмонча ҳайқириқ сифатида баҳолайман”, деди Аҳмед Калкан.
Шунингдек, “İmkan-Der” жамиятининг раҳбари Мурат Ўзер АҚШнинг Инжирлик ҳаво базасига ўрнашиб олиши ҳеч қандай шаръий сабаби йўқлигини билдирди. Мурат Ўзерга кўра, бунинг иқтисодий ва сиёсий тарафдан манфаати бор, дейиш умматни алдашдан бошқа нарса эмас.
“Ўзингизга маълумки, 1991 йилда бошланган Кўрфаз уруши оқибатида Ироқда бир ярим миллион мусулмонлар ваҳшийларча қатл қилинди. Уларни қирғин қилган самалётлар мамлакатимиздаги Коня ва Инжирликдаги ҳарбий базалардан ҳавога кўтарилди. Ўша пайтда ҳокимиятни эгаллаб турган сиёсатчилар бунинг эвазига иқтисодий ва сиёсий манфаатларни қўлга киритиш ҳақида айтишган эди. Бироқ у Туркиянинг иқтисодига юз миллиардлаган зарар келтирди. Кўриниб турганидек, бу базаларнинг Туркия сиёсатига ҳам, иқтисодига ҳам ҳеч қандай фойдаси йўқ”, “Хусусан Туркия халқи билиб қўйиши керак бўлган ҳақиқат шуки, 28 тадан ортиқ эканлиги айтилаётган бу базалар аслида Туркияни чангалда ушлаб туриш учун керакдир. Бу базалар Туркияни совет иттифоқи таҳдидидан ҳимоя қилиш учун қурилганлиги айталар эди. Ҳозирги пайтга келиб Совет иттифоқидан дарак ҳам қолмади. Шундай экан, нима учун бу базалар ҳали ҳам сақланиб турипти? Туркия ҳалқи ва ҳокимлари бу саволни ўзларига беришлари керак. АҚШнинг ва мустамлакачи давлатларнинг манфаати учун очилган бу урушларнинг инсоний ва молиявий талофатларини нима учун бизнинг мусулмон халқларимиз тўламоқда? Бугунгача 350 минг мусулмонни ваҳшийларча қатл қилган Асад режимига қарши ишга солинмаган самалётлар нима учун бугунга келиб ИШИД баҳонасида минглаган мусулмонларнинг қатл қилиниши учун ишлатилмоқда? Шу боис Инжирлик базаси ёпилсин, АҚШ қувиб чиқарилсин”, дея сўзига якун ясади “İmkan-Der” жамиятининг раҳбари.
