Сурияда мусулмон аҳолини аёвсиз қирғин қилаётган Башар Асад режими тарафида туриб Мужоҳидларга қарши жанг олиб бораётган Ҳизбуллоҳ гуруҳи сафида парокандалик юзага келгани ҳақида хабарлар юзага чиқди.
Ҳизбуллоҳ гуруҳи Сурияда Мухолиф кучлар назорати остида бўлган Забадоний минтақасини қўлга киритиш учун жангга кирди. Чунки Сурия ва Ливан ўртасида кўприк ҳисобланган Забадоний минтақасининг мужоҳидлар назорати остида бўлиши Асад режими учун катта таҳдид ҳисобланади. Ҳизбуллоҳ жангчилари бор кучини тўплаб, кетма кет ҳужумлар уюштирган бўлса-да, бироқ улар мужоҳидлардан оғир зарбаларга дуч келди ва ортга чекинишга мажбур бўлди. Хабарга кўра, Забадоний минтақасига ҳужум бошлагандан то бугунга қадар Ҳизбуллоҳ гуруҳи сафидан 120 нафар жангари ўлдирилган, 210 жангари оғир тан жароҳати олган.
“Eldorar” ахборот агентлиги тарқатган хабарда айтилишича, Ҳизбуллоҳ гуруҳи оғир зарбага учраб, Забадонийдан чекинишга мажбур бўлгандан сўнг унинг жангчилари орасида парокандалик юзага кела бошлаган. Мужоҳидларга қарши жангда мағлубиятга учрагандан сўнг 175 киши Ҳизбуллоҳ армияси сафидан қочиб кетган. Қочган аскарлар Ҳизбуллоҳ тарафидан қўлга олингани айтилмоқда. Хабарда айтилишича, жангчилар сафида ўлимнинг ортиб бориши ва хотиржамликнинг бузилиши ҳарбийларнинг уруш майдонини ташлаб қочишларига сабаб бўлмоқда.
Асад армиясининг уларга ёрдам бермай қўйганлиги сабабли мағлубиятга учраганликларини даъво қилган Ҳизбуллоҳ гуруҳининг қўмондонлари Асад армияси билан Ҳизбуллоҳ жангчилари ўтрасида катта жарлик юзага келганлигини айтишмоқда.
