Эрон ядровий дастури бўйича келишувга эришилди

492
0

Австрия пойтахти Вена шаҳрида узоқ давом этган музокаралардан сўнг Эрон ва “олтиталик” давлатлари (АҚШ, Франция, Буюк Британия, Германия, Хитой ва Россия) Теҳрон ядровий дастури бўйича келишувга эришди. Унга кўра, Эрон ўз ядровий дастурини унга нисбатан қўлланилган санкцияларнинг бекор қилиниши эвазига тўхтатади.

Россия ташқи ишлар вазири Сергей Лавровнинг айтишича, Европа Иттифоқининг Эронга нисбатан жорий қилган санкциялари бирданига, АҚШнинг фуқаролик авиацияси ҳамда бошқа бир қатор соҳаларда киритган санкциялари ҳам бекор қилинади. Теҳронга нисбатан жорий қилинган қурол-яроғ эмбаргоси эса сўнгги беш йил давомида ўз кучини йўқотади.

Ўз навбатида, Эрон келгуси 15 йил давомида уранни бойитишни 3,67 фоиздан оширмаслиги керак. Шартнома шартларига кўра, Эрон халқаро атом энергияси бўйича агентлик вакилларини ўз ядровий объектларини текширишга рухсат берди. Аммо текширувчилар истаган пайтда истаган жойда пайдо бўлиб қолиш ҳуқуқига эга эмас.

Келишув билан бир вақтнинг ўзида БМТ Хавфсизлик кенгаши резолюцияси лойиҳаси ҳам тасдиқланган.

Эрон бойитилган уран захирасини 10 тоннадан 300 килограммгача камайтиради. Бойитилган уранни Россия ўз ҳудудига олиб чиқиб кетади. Эрондаги қатор ядровий объектлар ўз фаолият йўналишини ўзгартиради ёки фаолиятини тўхтатади.

LEAVE A REPLY

Please enter your comment!
Please enter your name here