“Hinduсо” газетасининг хабар қилишича, Ҳиндистон бош вазири Нарендра Моди кейинги ҳафтада Марказий Осиёдаги беш республика Қозоғистон, Қирғизистон, Ўзбекистон, Тожикистон ва Туркманистон бўйлаб сафарини бошлайди.
Газетанинг маълум қилишича, Модининг Марказий Осиё бўйлаб турнеси 6 июлда бошланади ва 13 июлгача давом этади. Нарендра Моди ўзининг Ўрта Осиё турнеси давомида асосий эътиборни “Исломий давлат” таҳдидини ошиб бориши ҳамда аксилтеррорчилик технологиялари, қўшма ҳарбий машғулотлар ва радикализмга қарши курашга қаратади.
“Исломий радикализмга қарши курашда Ҳиндистоннинг саъйи ҳаракатлари эътиборга олинса, Марказий Осиё давлатлари табиий иттифоқдошлар ҳисобланишади”, – деб ёзади газета.
Туркистон:
Охирги йилларда Ҳиндистон давлати ҳам халқаро сиёсий фаоллашиб бораяпти. У Хитой сингари, иқтисодий ўникиш системасини тиклаб, дунёдаги бой давлатлар сафидан ўрин олиб бораяпти.
Лекин Ҳиндистонга ҳам бу иқтисодий ривожланиш имконияти, худди Хитой каби бир қатор шартли чегаралар қўйилиши ва у уларни қабул қилиши ортидан берилди. Бу шартларнинг қисқа ва лўндаси, у дунё давлатларини сиёсий мустамлака қилишдан тийилиши лозим.
Лекин у ҳозир, Хитой сингари бир миллиарддан зиёд аҳолиси бор, индустрияси ўта тез ривожланиб бораётган, энергетиканинг ҳар қандай турига кучли эҳтиёжи бор бўлган давлат. Шунга қарамай у, халқаро сиёсатда мустақил иш юрита оладиган қувватга эга эмас.
Ҳинд бош вазирининг келиши оротидан Марказий Осиё давлатларида, айниқса Қирғизистон ва Тожикистон каби қашшоқ ва мафкуравий мабдага эга бўлмаган давлатларда, ўз фуқороларини ёлғон айблар билан қамаб, Ҳинд бош вазиридан садақа ундириш илинжида бир қатор ясама ваҳималар келтиришга ҳаракатлар уюштирилиши кутилади.
Ўрта Осиёда “ИШИД” хавф хатари мавжуд эмас. “ИШИД” бу ўлкаларда ўз таъсир қувватига эга бўла олгани йўқ. Буни улар жуда яхши билишади. Демак Моди Марказий Осиёга АҚШ илгари сураётган “минтақада исломий тўқнашувлар пайдо қилиш учун замин яратиб олиш” мақсади сари тузилган амалиётни қувватлаш учун келяпти. Бизларнинг сиёсатчиларимизга бунинг деярли аҳамияти йўқ. Улар арзимаган манфаатлар учун ҳар қандай мушрикка таъзим бажо қилаверишади.
Россия Ҳиндистон билан алоқа тиклашдан ўта манфаатдор. У ЕИ сотиб олишдан бош торта бошлаган энергетик хом ашёларни Хитой ва Ҳиндистон томон буриб юбориш учун жуда кучли ҳаракат олиб бораяпти. Марказий Осиёдаги Россиянинг таъсири остидаги давлатлар, шу сиёсий доира асосида музокаралар олиб боришга ҳаракат қилишади.
