БМТнинг Жанубий Судан бўйича миссияси мамлакат ичкарисида давлат армияси ва унга тобе бўлган қуролли гуруҳлар амалга оширган ваҳшиёна жиноятлар ҳақида ҳисобот жорий қилди. Ҳисоботга кўра, Жанубий Суданда қатл қилишлар, тажовузлар, тириклайин ёқиб юбориш ва талон тарож қилиш ҳодисалари мисли кўрилмаган даражага кўтарилган.
Ростгўйлигига ишонч ҳосил қилинган 115 мазлумнинг сўзларига таяниб чиқарилган БМТ миссияси ҳисоботида айтилишича, давлат армияси ва унга тобе бўлган қуролли гуруҳлар жанубий Суданда тинч фуқароларни аёвсиз қирғин қилган, уйлар ва дўконларни талон тарож қилган, қишлоқларни вайрон қилиб, 100 миндан ортиқ инсонларни уй-жойларини ташлаб кўчиб кетишга мажбур қилган. “Rubkona”, “Guit”, “Koch”, “Leer” ва “Mayom” минтақаларида сон-саноқсиз хотин қизларнинг номусига тажовуз қилиб, сўнг тириклайин ёқиб юборишган.
“Таниқли кишиларнинг айтишларича, Жанубий Судан армияси жуда кўп сонли аёллар ва қизларнинг номусига тажовуз қилиб, ўз уйларида тириклайин ёқиб юборган”, дейилади БМТ миссиясининг ҳисоботида.
БМТ бош котибининг хос вакили Эллен Маргрете Лей бўлиб ўтган ҳодисаларни текшириб чиқиш ва бу даҳшатли жиноятлар устида суриштирув олиб бориш лозимлигини таъкидлади. Лейга кўра, БМТ инсон ҳуқуқлари ҳимоячиларини жиноят содир этилган минтақага киришлари учун Жанубий Судан ҳукумати имконият яратиб беришлари лозим.
Туркистон:
Баъзи статистик маълумотларга кўра, Жанубий Судан аҳолисининг 18%ини мусулмонлар, 17%ини насронийлар, 65%ини динсизлар яъни бутпараст ва арвоҳчилар ташкил қилиши айтилади. Бироқ ҳақиқий рақамларга кўра, мусулмонлар Судан жанубида 30%дан ошади. Насронийлик эса 7%дан ошмайди.
Жанубий Судан ерлари соф Исломий ер ҳисобланади. Милодий 19 аср, ҳижрий 12 асрнинг бошларида Халифалик давлати таркибига қўшиб олинган. Халифалик давлати қулатилгандан сўнг Британия мустамлакасига айланди. Сўнг уни Британиядан Америка мерос қилиб олди. АҚШ у ерда ўзининг нуфузини мустаҳкамлаш учун Судан жанубини Шимолидан ажратиб ташлаш йўлини излай бошлади. Шундан сўнг 2005 йилда Суданни парчалаш учун тузилган Найваша битимига биноан, 2011 йилнинг бошларида АҚШ бошчилигида ўтказилган референдум орқали Судан иккига бўлиб ташланди.
Маълумки, мусулмонлар Суданда ҳали бўлиниш юз бермасдан туриб ўзларига қарши қилинаётган жуда кўп қувғин ва ваҳший ҳужумларни бошидан кечирди. Қуръон ёдлатадиган баъзи маконлар ва масжидлар ароқ ишлаб чиқарадиган корхоналарга айлантирилди. Янги масжид қуриш ман қилинди ва мавжуд масжидларни куч билан черковларга айлантирилди. У ерда Мусулмонларнинг ҳаёти урушлар, жони ва ор-номусини сақлаш учун яшириниб юриш билан ўтарди. Исёнчи Жон Гаранг етакчилик қилган исёнларда мусулмонларни қувғин қилишлар янада кўпайди. Унинг исёнчилари минглаб жануб мусулмонларини қатл қилди, масжидларни ёқиб, у ерда фасод тарқатди.
Бугунги кунда Жанубий Суданда жиноят даражаси энг юқори босқичга кўтарилганлигини айтиб дод вой солаётган БМТнинг ўзи Суданнинг бўлинишига бош қош бўлган. Шу мавзуга бағишлаб ўзининг Нью-Йоркдаги қароргоҳида конференциялар ташқил қилган эди.
Умматнинг кўрар кўзи, рост сўзловчи тили ва уриб турган юраги бўлган Ҳизбут Таҳрир уюшмаси эса Судан парчаланишидан аввал «девор» ортида нима борлигини кўриб, бунинг ёмон оқибатларидан қаттиқ огоҳлантирди. Мусулмон зобитларни ва халқ ичидаги холис мусулмонларни бунга йўл қўймасликка чақирди. Миллий Конгресс аъзоларидан ихлосли мусулмонларга очиқ хат ҳам йўллади. Маккор Ғарб ҳийла найрангларини фош қилди. Чунки Ҳизбут Таҳрир бу иш шариатга асло тўғри келмаслигидан ташқари ўта аянчли оқибатларга олиб келишини ҳам олдиндан кўра билган эди.