Франция ва Германия махфий тарзда “Европа ислоҳоти” устида иш олиб бораётгани ва бу ислоҳот доирасида иқтисодий ҳамкорликни кучайтириш олға сурилаётгани ҳақида хабарлар тарқалди. Германия матбуотидан ўрин олган хабарларда айтилишича, Европанинг бу икки давлати махфий ислоҳотлар учун тайёргарлик кўриш билан бир қаторда Еврогуруҳда тубдан ўзгаришларни вужудга келтириш истагида фаолият юритмоқда. Германиянинг “Zeit” газетаси ҳам Еврогуруҳга аъзо давлатлар янада кучли сиёсат олиб бориши ҳақида ёзиб чиқди.
Германия канцлери Ангела Маркел билан Франция президенти Франсуа Олланд тарафидан тайёрланган ислоҳот лойиҳасида муҳим ўзгаришлар киритилган. Масалан Европа иттифоқига аъзо бўлган давлатларнинг даврий учрашувлари, Еврогуруҳ раҳбарлигининг ва унга боғлиқ бўлган бўлимларнинг яна-да кучли ҳолга келтирилиши, Еврогуруҳга хос тузилмаларнинг Европарламентдан ўрин олиши шулар жумласидан. Шу зайлда демократик назорат таъминланиши режалаштирилмоқда.
Тайёрланган бу режанинг Еврогуруҳга аъзо давлатлар учун робита бўлиши шарт қилинмоқда. Шунингдек, Еврогуруҳга аъзо бўлиш истагида бўлган давлатлар учун ҳам ўзларини бу режага мослаб тайёрлашлари ҳам шартдир. Шунга кўра, Еврогуруҳга аъзо бўлмаган Британия каби давлатлар Европа иттифоқига алоқадорликларини яна ҳам кенгайтириб олиши имконияти туғилади.
Маркел ва Ҳолланд тарафидан тайёрланган уч саҳифалик ҳужжатда Еврогуруҳда амалга ошириладиган иқтисодий сиёсатнинг Европа иттифоқи комиссияси тарафидан белгиланиши олға сурилади. Ҳар йил белгиланадиган асосий чизиқлар Еврогуруҳга аъзо давлатлар раҳбарлари учрашадиган йиғилишда тасдиқланади.
