Туркия ташқи ишлар вазири Мавлут Чувашўғли Сурия мўътадил мухолифати сафидан танлаб олинган ҳарбийлар Туркияда ҳарбий машқдан ўта бошлаганини маълум қилди.
Номи ошкор қилинишини истамаган АҚШлик бир масъул ҳам “Reuters” ахборот агентлигига берган интервьюсида бир неча ҳафта аввал Иорданияда бошланган “ҳарбий машқдан ўтказиш” режаси Туркияда ҳам бошланганини билдирди. АҚШлик масъул ҳарбий машқдан ўтаётган сурияликларнинг кимлиги ва сони борасида аниқ маълумот бермади. Пентагон ҳам бу саволга аниқ жавоб беришдан бош тортди.
“Спутник” телеканалига интервью берган террор ва хавфсизлик бўйича мутахассис Мета Ярар “ҳарбий машқлар” борасида Туркия ҳукумати АҚШдан хабарсиз иш олиб бора олмаслигини билдирди. Унинг қайд этишича, Саудия Арабистони, Иордания ва Туркияда олиб борилаётган ҳарбий машқлар АҚШ назорати остида амалга оширилмоқда.
Ҳизб ут-Таҳрир – Туркия вилоятининг фаол аъзоси Усмон Юлдуз Сурия мўътадил мухолифатини ҳарбий машқдан ўтказиш масаласида АҚШга ёрдам кўрсатаётган Ислом ўлкаларини қаттиқ танқид остига олди. Бу борада мусулмонларни сукут сақламасликка ва ҳукумат масъулларини муҳосаба қилишга чақирди. Усмон Юлдуз АҚШ ва унга тобе бўлган коалиция кучлари ИШИД баҳонасида Сурияда аёл-гўдак демай, барча мусулмонларни қатл қилаётганини тилга олар экан, “ҳарбий машқ”дан мақсад мусулмоннинг қўли билан мусулмонни ўлдириш эканлигини таъкидлади.
“Президент Эрдоган бир мусулмон бошқа бир мусулмонни Аллоҳу акбар деб ўлдириши мумкин эмас, дея бир неча бор баёнотлар берди. Мен шундай саволни ўртага ташламоқчиман. Ҳарбий машқдан ўтаётган аскарлар Асадга қарши жанг қилмайдиган бўлса, кимга қарши жанг қилади? Ўз-ўзидан кўриниб туриптики, Сурия халқи ва Суриянинг мухлис мужоҳидларига қарши жанг қилади. Чунки Сурия халқи ва қўзғолончи мусулмонлар аввал бошданоқ АҚШнинг ва минтақа давлатларининг тузоқларига илинмадилар. Улар яна Сурия қўзғолонига нисбатан янги-янги тузоқлар қуришмоқда. ИШИДга қарши кураш номи остида коалиция ташкил қилиб, Ислом ва мусулмонларга қарши жангга кирди. Энди эса ҳарбий машқ ўтказиш номи билан ёлланма қотилларни вужудга келтириб, уларни Сурия қўзғолончиларига қарши жангга киргизишга тайёрламоқда. Сурия мусулмонлари АҚШ ва минтақа давлатлари қўли билан тайёрланаётган бу тузоққа илинмасликлари лозим. Аксинча қуролларини бир тарафга қаратмоқлари керак. Эрдоган ҳукумати ҳам бу хиёнат лойиҳасидан дарҳол воз кечиши лозим. Сурия инқилоби тарафдори эканликларини даъво қилаётганлар эса Эрдоган ҳукуматини бу борада муҳосаба қилишлари даркор. Шуни унутмаслик лозимки, бу хусусда сукут сақлаганлар ҳам бунга жавобгардир”, “Айни пайтда мусулмонларнинг қонини тўкишга ва қўзғолонни ўз мақсадидан буриб юборишга қаратилган бу режага имзо чеккан Иордания, Саудия Арабистони ва Туркия давлатларини қатъий тарзда муҳосаба қилишимиз лозим эмасми?! Туркия ҳукуматини бу хиёнатдан тийиб қўйиш керак эмасми?! Ҳарбий машқдан ўтказиш режаси АҚШ ва унинг иттифоқдошларининг режасидир. Бу лойиҳа Сурия қўзғолонини шаръий йўналишидан буриб юборишга қаратилган режадир, Мусулмонларнинг ичидан хоин чиқариш ва мусулмонни мусулмоннинг қўли билан қатл қилиш учун тузилган лойиҳадир. Ҳарбий машқдан ўтказиш режаси Аллоҳга, Росулига ва мусулмонларга суянган пок қўзғолон номига қора чоплаш режасидир. Бу режа учун дарвозаларини АҚШга ланг очган минтақа давлатлари Сурия қўзғолонига қарата энг катта хиёнатга қўл урган ҳисобланади.”, дейди Усмон Юлдуз.
