Шанхай ҳамкорлик ташкилоти бош котиби Дмитрий Мезенцевнинг РИА Новости агентлигига берган интервьюсида таъкидлашича, ташкилотни кенгайтиришнинг ҳуқуқий-меъёрий базаси шакллантирилган, шу боис ташкилотга янги давлатларнинг, жумладан, Ҳиндистон ва Покистоннинг аъзо бўлиши тез орада амалга ошиши мумкин.
Ўтган йили Душанбеда бўлиб ўтган ШҲТ саммитида президент Владимир Путин Россия ташкилотга раислик қилиши даврида унга бир қатор янги давлатларни, жумладан, Ҳиндистон ва Покистонни қўшиш бўйича иш олиб боришини маълум қилган эди.
Эндиликда, Мезенцевнинг сўзларига кўра, бу борадаги ҳуқуқий ишлар якунига етган, ва янги давлатларни ташкилот таркибига қабул қилиш ҳеч қандай қийинчилик туғдирмайди. “Ҳиндистон ва Покистон бўйича қарор қабул қилинишига умид қиламан. Бу ташкилотнинг салоҳиятини оширади, ШҲТнинг минтақадаги нуфузини кучайтиради ҳамда унинг минтақавий ва халқаро сиёсий масалалар ечимида фаолроқ иштирок этишига замин яратади”, – таъкидлаб ўтди ташкилот бош котиби.
Туркистон:
Россия, Хитой ва Хиндистон томон иқтисодий алоқалари ва шароитларини кенгайиш ниятида экани маълум. Лекин бу ишни уддасидан чиқа олмаяпти. Тўғрироғи АҚШ йўл бермаяпти. Юқоридаги баёнотлари хам ана шу мақсади сари йўналтирилаётган навбатдаги харакатларидан бири.
Россия, Европадаги улкан бир бозорини деярли йўқотиб бораяпти. Навбатда, Марказий Осиёдаги хом ашё базасини хам йўқотиб қўйиши мумкин. Чунки Ўзбекистон ва Туркманистонда фаолият олиб бораётган Россиянинг Газпром компанияси, бу давлатлар учун фойдали битимлар орқали манфаатли шароитлар яратиб бериши керак. Акс холда Европага сота олмай қолаётган нефт ва газ тармоғини, бошқа манфаатлироқ шартномар таклиф қилиш орқали, бошқа давлатлар тортиб олишлари ёки норозилик пайдо қилиш орқали ўз сиёсий мақсадларида фойдаланиб қолишлари мумкин.
Шунинг учун Россия Хитой ва Хиндистон бозорларига чиқиб олишни мақсад қилди. Лекин бир неча йиллар мабайнида шу йўналишдаги харакатларига АҚШ очиқ қаршилик қилиб келади. У Хатто Хиндистонга бир неча маротаба огохлантириш қилди. АҚШ бу икки давлат билан улкан иқтисодий ва гуманитар шартномалар имзолаган. Шунинг учун Россия АҚШнинг қаршилиги остида ёки у билан келишмай туриб, бу юртларга кириб бориши қийин. АҚШ эса Россиянинг нажот топиб кетиши мумкин бўлган бу давлатлар томон йўл бермоқчи эмас. Бунинг учун АҚШ халқаро майдондаги нуфузи синдирилиши ёки Россия ўзининг нуфузини бироз бўлса хам юқори кўтариши керак.
Россиянинг бугунги холати, Путиннинг инжиқликлари остида тоборо тубанлашиб бораяпти. Россия ўз тизгинини Путиннинг қўлидан тортиб олиб, ўз ахволига риал кўз билан қараб, халқаро майдондаги ўзининг хақиқий ўрнини эгалламаса, ахволи ёмонлашиб бораверади. Россиянинг бугунги ўрни, ошиб борса иккинчи нуфузли давлатлар сафида.