“Sharh.uz” сайтининг хабар қилишича, АҚШнинг харбий мутахассислари гуруҳи Украинага 20 апрелда ташриф буюради. Бу ҳақда Украина президент маъмурияти раҳбари ўринбосари Валерий Чалий маълум қилган.
У шунингдек, АҚШ ҳамкорлигидан мамнунлигини, гарчи Украина бундан ҳам кўпроғини кутганини айтиб ўтган.
Украина ҳудудида 2015 йил бир қатор украин-америка ўқув машғулотлари ўтказилиши режалаштирилган бўлиб, улар қаторида “Fearless Guardian -2015” (2,2 минг иштирокчи, улардан 1 мингги АҚШ ҳарбийлари), “Sea Breeze – 2015” (2,5 минг иштирокчи, шундан 1 мингги АҚШ ҳарбийлари ва 500 нафари НАТО ҳарбийлари) ва “Saber Guardian/Rapid Trident – 2015” (2,1 минг иштирокчи, улардан 500 нафари АҚШ ҳарбийлари ва 600 нафари НАТО ҳарбийлари) каби ўқувлардир.
Туркистон:
Россия томонидан Қримни аннексия қилиб олиниши, Донецк ва Луганскдаги айримачиларни махфий равишда қўллаб-қувватлаши ортидан АҚШ конгресида Украинага ҳарбий кўмак кўрсатиш масаласи тез-тез кўтарила бошланган ва ҳатто конгресс президент Барак Обама маъмуриятига Украинага қурол етказишни тавсия этувчи резолюцияни қабул қилган эди.
Бундан ташқари АҚШ ҳукумати Россия ва Украина билан чегарадош бўлган Шимолий Атантик иттифоқи (НАТО)га аъзо бўлган давлатларни рус босқинидан ҳимоя қилиш баҳонаси билан Европа ҳудудида ўз ҳарбий иштирокини янада кучайтириб олишга ҳаракат қилиб келаётган бўлиб, ўтказиладиган мазкур ҳарбий машғулотлар ҳам шу режани бир қисми ҳисобланади.
Ўз навбатида АҚШ бошчилигида Россияга қарши жорий этилган иқтисодий чекловлардан кўпроқ Европа давлатлари зиён кўришаётгани сабабли, Россия билан келишган ҳолда АҚШнинг кўзига чўп солмоқчи бўлишди. 16 март куни Санкт-Петербург шаҳрида президент Путин билан учрашган Алмазбек Атамбаев 23 мартдан 1 апрелга қадар Европа давлатлари бўйлаб иш сафарини бошлаб юборди. Атамбаев бу сафарда Путин топшириғини бажаргани ҳамда Европа билан Россия ўртасида кўприк вазифасини бажариб Россияга сотиш ёки сотиб олиш мумкин бўлмаган махсулотларни Қирғизистон орқали амалга олиш режаси учун замин ҳозирлаб олмоқчи бўлишди.
Россия ва Европа давлатлари томонидан содир этилган ўзбошимчаликдан ғазабланган АҚШ Эронга нисбатан 12 йилдан бери қўлланиб келинаётган жазо чораларини бекор қилиш таклифини илгари сура бошлади ва гўёки Эрон ҳукумати “олтилик”давлатлари томонидан қўйилган талабларни бажаришга рози бўлгани, ядро дастуридан воз кечганлиги учун жазо чораларини аста секинлик билан бекор қилишиликка келишиб олинди.
Эронга нисбатан жорий этилган жазо чоралари, шу жумладан Эрон нефти эмбаргоси бекор қилиниши тўғрисидаги хабар маълум бўлиши билан жаҳон бозорида нефт нархи 5 фоизга арзонлади.
“Bloomberg” нашри маълумотига кўра, Эрон нефт қазиб олиш бўйича дунёда тўртинчи ўринни эгаллайди ва жазо чоралари жорий этулгунга қадар экспорт учун кунига 2,5 миллион баррел етказиб бериб келган. Жазо чоралари жорий этилгандан кейин эса нефт қазиб олиш кунига 1 миллион баррелга тушиб кетган. Эрон ҳукумати чекловлар бекор қилинадиган бўлса нефт етказиб беришни аввалги миқдорга чиқаришга тайёр эканлигини маълум қилди. Мутахассисларнинг фикрича, Эронга қарши жорий этилган нефт эмбаргосини бекор қилиниши нефт нархини ҳар баррелига 10-20 долларга арзонлашишига олиб келади. Бу эса ўз навбатида иқтисоди нефтга боғлиқ бўлиб қолган ва шундоқ ҳам молиявий қийинчиликлар исканжасида қолган Россия учун кўнгилсиз натижаларни вужудга келтиради.
