А.Атамбаев: Европа Иттифоқи ва Россия етакчиларининг Украина ва Молдова борасидаги нуқтаи назарларини яқинлаштиришга муваффақ бўлдим.
CA-NEWS – Кеча, 26 март куни Қирғизистон президенти Алмазбек Атамбаев ишчи ташриф билан Бельгия Қироллигига келди ва шу куни Европа парламенти раиси Мартин Шульц билан учрашди.
Учрашувда Қирғизистон ва Европа Иттифоқи ҳамкорлигининг долзарб масалалари муҳокама этилди.
Музокаралар якунида Алмазбек Атамбаев ва Мартин Шульц оммавий ахборот воситалари учун баёнот берди.
“Ушбу учрашувдан кейин Европа Иттифоқи ва Қирғизистон ўртасидаги ҳамкорлик янада кўпроқ аҳамият касб этади. Жаноб президент, ишонтириб айтаманки, Европа парламенти сизни ҳар доим қўллаб-қувватлайди. Йилнинг иккинчи ярмида мен Қирғизистонга бораман ва музокраларимиз давом этишига умид қиламан”, – деди Мартин Шульц.
Ўз навбатида Алмазбек Атамбаев Франция президенти Франсуа Олланд ва Европа парламенти раиси Мартин Шульц билан учрашувдан кейин Европа Иттифоқининг ушбу етакчилари ва Россиянинг Украина ва Молдова борасидаги нуқтаи назарларини қандайдир маънода яқинлаштиришга муваффақ бўлинганини айтди.
Туркистон:
Атомбаевнинг Европа иттифоқи давлатлари бўйлаб турнесидан, кимларнинг қандай мақсад ва манфаатлари кўзланган?
Атамбаев, хар бир янги учрашувида, ўзини Россия билан ЕИ ўрталаридаги муаммоларни бартараф этиб, уларни бир бирлари билан яқинлаштириш миссияси билан келгандек кўрсатишга харакат қилмоқда. Бу билан у икки томонни, Россия ва Ғарб етакчи давлатлари билан тенг хамкорлик олиб бориш сиёсатидан хали юз ўгирмаганини таъкидламоқчи бўлади.
Россияни ЕИга ўртада кўприк бўлиб бериш миссиясини бажариш эса, Атамбаев учун эмас. У бу миссияни ўз зиммасига олгандек кўриниш билан, ўзининг сиёсий мавқеъини кўтариб олмоқчи. Аммо Атамбаевнинг Қирғизистонни ЕвроАзес ташкилотига кириб бораётиб, ЕИдан инвестиция чақириши, бу фақа Россия билан келишилган холда бўлиши керак.
Лекин Путин унга шу кўрсатмани берган бўлса Демак Россия ЕвроАзес ташкилотини хозир иқтисодий таъминлай олмайди. Балки унга аъзо Россиянинг ўзини хам. Унинг ишлаб чиқариш саноъати кордан чиққан, яқин ўртада юриб кетишидан умид йўқ деган хулосага келиш мумкин.
Россия, ташқи инвестицияни Қирғизистон орқали бутун Евро Азес ташкилоти учун жалб қилмоқчи бўлиши мумкин. Атамбаев Европадаги учрашувларида,” Қирғизистоннинг 6 миллион ахолиси бўлгани билан, 200 миллионли истеъмолчиси бор” деган маънодаги гапларни бир неча маротаба қайтарди. Путиннинг рухсатисиз бу каби йирик ваъдаларни Атамбаев расман бериб юбора олмаса керак. Демак Атамбаевнинг Путин билан учрашувида бу масала кўриб чиқилган.
Путин Қирғизистонни ЕИ томон бу харакатидан хавотирда эмасми деган савол туғилади. Қирғизистон давлати, хозир ўз юрти учун мустақил бирор ишни ташқи давлатларнинг аралашуви ёки қўлловисиз амалга ошириб юбора оладиган ахволда эмас. У хатто минглаган шартномаларни имзолаб келиши мумки. Лекин уларни амалга ошириш ва ташқи инвесторлар учун гаров бўлиб туриб бера оладиган давлат деярли йўқ хесобда. Шунинг учун Россия Қирғизистондан унча хавотирланмайди. Фақат Атамбаевни сиёсий хатоларидан хавотирланиши мумкин. Масалан, Ғарбнинг асосий қуроллари бўлмиш “нодавлар ташкилотлари” учун кенг имтиёзлар яратиб берувчи шартнома ва келимимларни имзолаб юбориши мумкин. Бу эса, Ғарб давлатларини, Қирғизистоннинг ички ишларига аралашуви учун янада кенг йўллар очиб беради.
Садақа мисоли ваъда қилинаётган миллионлаган пуллар, айнан шу мақсадларни имзолар билан тасдиқланиши ортидан берилади.
