2015 йил 11 феврал куни Ҳизбут Таҳрир марказий матбуот бўлимининг аёллар қисми кенг кўламли компания бошлаган эди. Бу компания Аллоҳнинг изни ила 28 март куни “Аёл ва Шариат: Ҳақиқатни ноҳақдан ажратиш” номли халқаро аёллар конференцияси билан тамомига етади.
Мазкур конференцияни ўтказиш учун ажойиб услуб танланди. Конференция Шарқдан Ғарбгача айнан бир вақтнинг ўзида бешта давлатда ўтказилади. Улар ўртасини электрон алоқалар боғлаб туради. Нотиқлар жонли чиқишлари билан бутун дунёга хитоб йўллашади.
Конференцияда Исломий шариатни аёлларга зулм дея тавсифлаган Ғарб ёлғонлари фош қилинади ва Ислом тарафидан тан олинган аёлларнинг ҳуқуқлари ва ҳаётдаги роллари Исломий далиллар, тарихий намуналар ёрдамида тақдим қилинади. Шунингдек, конференцияда аёлларга хос Исломий ҳукмларга қаратилган таъна маломатлар муҳокама қилиниб, ижтимоий алоқаларга оид Ислом ҳукмлари ва буларнинг аёллар, болалар, оилавий ҳаёт ва жамиятдаги таъсири устида баҳс юритилади.
Хусусан конференцияда Исломнинг аёлларга муомаласини бузиб кўрсатиш учун ишга солинган “тенг ҳуқуқлилик”, “Аёл эркинлиги”, каби фикрларга кенг ўрин берилади. Энг муҳими ҳозирги жамиятнинг турли қатламларида аёллар дуч келаётган сон-саноқсиз муаммоларни қандай ҳал қилиниши ва аёлларни зулмдан қутқаришнинг ҳақиқий йўли ҳам ёритиб ўтилади.