Марказий ҳарбий округи расмий вакили полковник Ярослав Рощупкиннинг хабар қилишича, 2016 йилгача Россия Қирғизистондаги Қант авиабазасини Су-25СМ русумидаги ҳужумчи самолётлари билан тўлиқ қайта қуролллантиради.
“Шундай самолётлардан бештаси бу йил олиб келинади”, – деди Рощупкин ва “авиабазани янги русумдаги самолётлар билан қайта қуроллантириш 2016 йилга қадар тугаллаш режаланган”ини маълум қилди.
Ўтган йилнинг апрел ойида Қант авиабазасига такомиллаштирилган Су-25 етказиб келингани хабар қилинган бўлса, декабр ойида Қирғизистонга яна бешта Су-25СМ русумидаги самолётлар олиб келингани маълум бўлган эди.
Туркистон:
АҚШ ва Россия Марказий Осиё устидан ўз назоратларини сақлаб қолиш учун Афғонистон “таҳдиди”дан унумли фойдаланиб бу минтақага кўпроқ қурол-яроқ олиб киришга ҳаракат қилишмоқда
Ўтган ой охирида АҚШ давлат котибининг Марказий Осиё масалалари бўйича ёрдамчисининг ўринбосари Даниэл Розенблум АҚШ Ўзбекистонга 308 дона M-ATV русумидаги зирҳли машина ва бошқа турдаги 20 дона ремонт-эвaкуaция мaшинaсини етказиб беришини маълум қилиши ортидан, Россия Қант авиабазасини кучайтирш ҳаракатини бошлаб юборди.
Марказий Осиёда бошланган норасмий қуролланиш пойгасидан ким манфаатдор бўлиши мумкин!?
Албатта бу қуролланиш пойгаси муайян мақсадлар сари атайин йўналтирилган. Бу мақсадлар ичида қурол сотиш ортидан иқтисодий, сиёсий, стратегик ва геосиёсий манфаатлар бор. Бу манфаатлар бир томонлама йўналганида муаммо унчалик хавфли бўлмас эди. Лекин мавжуд вазиятда, бир нечата томонларнинг манфаати тўқнаш, бир бирига мутлоқ қарама-қарши келиб қолган. Уларнинг ҳар бири ўз манфаатларини илгари суриб, минтақадаги муайян давлатларни ўз қарашлари томон етаклаш орқали бирга уларни қуроллантириб боришмоқда. Бу Ўрта Осиёда яшаётган бир бирига қардош халқлар давлатларининг, бир бирлари билан ўрталаридаги барча алоқаларининг кескинлашиб бораётганида, сезиларли натижа бераётганидан дарак бериб бормоқда.
Мавжуд вазиятда Россия томонидан олиб борилаётган ва имкон қадар бўрртириб ва ваҳимали қилиб кўрсатишга интилаётган “исломий хавфдан АҚШ ва Хитой ҳам ўз манфаатлари йўлида фойдаланиб қолишга шошилишмоқда. Лекин шунга қарамай вазият кескинлашиб бораверади. Чунки бу етакчи давлатларнинг ҳар бири ўз манфаатларидан келиб чиққан ҳолда дунёқарашларида ҳам бир бирларидан кескин фарқ қилишади. Улар вазиятларни ўз дунёқарашларига бўйнсудиришга урунишади. Табиийки ўз таъсири остидаги давлатларни ҳам шу манфаатлари томон йўналишга мажбурлашади. Натижада бир минтақада ҳар хил кўзқарашлар асосида йўналтирилган бир бирига кескин қарама қарши давлатлар пайдо бўлади. Бу қарама-қаршиликларнинг кучайиб бориши, уларни бир бирларидан хавфсирашларини кучайтириб бораверади. Бу жараён, минтақада куролланиш пойгасини, бир бирларига бўлган муомилаларида кескинлик ва устиларида турган катта давлатларга бўлган боғлиқликларини кучайтириб бораверади.