Туркистон:
Сўнгги вақтларда қирғиз матбуоти Қирғиз миллий қадриятларига бўлган эътиборни кучайтириб юборди. Бу президент Атамбаевнинг 2014 йил ниҳоясига бағишланиб ўтказилган хавфсизлик тизимида сўзлаган нутқига асосланиб олиб борилаётгани, айтилмоқда.
Қирғизистон ҳукумати учунчи кучлар таъсири остида илгариги Ўзбек ҳукумати босиб ўтган йўналиш бўйича бормоқчи. Миллий мафкурани илгари суриб диндан йироқ, миллатчилик туйғулари ўткир бўлган фуқороларни қўллаш орқали, уларни Ислом динига, унинг ақида ва қадриятларига қарши йўналтирмоқчи. Демак, Ўзбекистонда уюштирилган 1999 йил 16 феврал воқеаси каби, махсус уюштирилган қўпорувчилик амалиёти ҳам амалга оширилиши мумкин. Негаки ўша вақтда Ўзбекистонга маслахатчилик қилган қувватлар (учунчи кучлар) эндиликда Қирғизистонни ҳам шу йўналиш томон тортмоқда. Фақат мақсадлари бошқа бўлиши мумкин. Ўзбекистонда диктатура ўрнатиш бўлган бўлса, Қирғизистонда аксинча, беқарорлик пайдо қилишни қасд қилишаётган кўринади.
Телевидения орқали қирғиз йигитлари, “ҳақиқий йигит ўз миллати қадриятларини ҳамма нарсадан устун қўйиши лозим”, “араб ва бошқа миллатлардан келаётган кийиниш маданиятларини инкор қиламиз”, “фақат қирғиз миллий қадриятларини тан олишимиз керак”, каби маъноларда масалаларни кўтариб, кенг маслахат ва бахс мавзулари уюштирилмоқда.
Шу ўринда табиий савол туғилади, Қирғизистоннинг деярли ярмини ташкил этувчи бошқа миллат вакиллари ҳам ўзларини ҳақиқий эр санашса, улар ҳам ўз миллий қадриятлари учун курашишлари керак эмасми? Қирғизистон фуқороси бўлган, давлат фаровонлиги йўлида қирғиз миллати қатори ўз хиссасини қўшган бошқа миллат вакиллари қайси мафкура асосида яшашлари керак? Улар ўз миллатларидан воз кечиб, миллатини қирғиз қилиб олишсинми? Унда уларнинг юқорида айтилган ҳақиқий эркакликлари қаерда қолади?
Бошқа миллатлар ҳам ўз миллатининг қадр-қийматини кўтариш сари ҳаракатлар уюштиришса, 2010 йилда бўлганидек миллий тўқнашувлар бўлиши муқаррар. Қирғиз миллий мафкурасини илгари сураётган миллий элита вакиллари ёки шу миллий йўналишларга йўл очиб бериб, ўзи ҳам ўша миллатчилардан таъсирланган Қирғизистон ҳукумати бу саволларга жавоб бериши керак.
Қирғиз ҳукумати бу саволларга жавоб бера олмайди. Чунки миллатчилик мафкураси фақат бир миллат учун хизмат қилади, холос. У бошқа миллатлар устидан муайян бир миллатни устун қўйиш, қолганларни унга тобе қилиш ва камситиш асосида ишлай олади, холос. Шунинг учун Ҳизб ут-Таҳрирнинг “Ислом низоми” китобида миллатчилик робитаси (одамларни ўзаро боғлаб турувчи восита) ҳақида, “ миллатчилик фақат бошқа миллат ёки уруғлар устидан ҳукмронликка йўналтирувчи бузуқ ва доимо урушлар келтириб чиқарувчи робита”, дейилган.
Демократик ақидага асосланган Қирғизистон давлати учун миллий робита (боғловчи) нега керак бўлиб қолди?
Қирғиз сиёсий элитаси 2010 йилги Ош воқеаларини келтириб чиқаришда ушбу миллий туйғулардан фойдаланган эди. Ҳукумат аввал Бакиевни қувиб чиқариш мақсадида ўзбек миллий элитасидан фойдаланди. Бу хизматлари учун уларга ҳукумат креслоларининг 30% ини ваъда қилишган эди. Ўзбек элитаси ўз қувватидан руҳланиб кетиб Қирғизистоннинг жанубий минтақасидан ўзбек миллати учун автоном вилоят ажратиб беришларини талаб қила бошлганида ҳукумат қирғиз миллий элитасидан фойдаланиб миллатлараро уруш келтириб чиқарди. Натижада ўзбек миллий элитасини мамлакатдан қувиб чиқарди.
Ҳозир Қирғизистон ҳукумати яна қайта ўша қирғиз миллий элитасини ишга солмоқчи. Бу сафар Ислом ва мусулмонларга қарши. Агар Қирғиз сиёсий элитаси ўз вақтида ҳушига келиб олмаса, бу миллий мафкура яна урушга олиб бориши муқаррар.
Қирғиз миллатини Пайғамбаримиз соллаллоҳу алайҳи ва саллам “миллатчилик сассиқ нарса, ундан узоқлашинглар”, “миллатчилик қилганлар мендан эмас”, деган хадисларига асососланиб, бу ифлос фитналардан эҳтиёт бўлишга чақирамиз. Сизлардан Қирғизистонда қандай фойдаланишаётган бўлишса, Ўзбекистонда ўзбек миллатидан, Тожикистонда тожик миллатидан, Қозоғистонда қозоқ миллатидан худди шундай фойдаланишмоқчи. Миллатчилик мафкурасидан Ўрта Осиё давлат ва миллатлари ўрталарида жарлик пайдо қилиш ва вужудга келган жарликни янада кенгайтириш учун ишлатилмоқда. Мақсадлари ўз манфаатларига эришиш учун миллий урушлар пайдо қилиш учун қулай вазиятлар пайдо қилиб олиш.
Ҳукумат эса учунчи кучлар билан бирлашиб ҳокимиятдаги ўз ўринларини сақлаб қолмоқчи. Улар Қирғизистон халқи тақдирини ўз креслолари баробарида ўйлаганларида эди, бу қувватлар олиб келаётган лойиҳаларнинг бирортасига рози бўлишмаган бўлар эди.
Ислом ва мусулмонлар учунчи кучлар учун қандай тўсиқ ва муаммолар пайдо қила оладилар
Ўрта Осиёда жуда катта обрўга эга бўлган Шайх ул-Ислом Рошод қори Камоловни қамоққа олиниши, Ҳизб ут-Таҳрир йигитларини таъқиб остига олинишларининг барчасидан, ҳозирда илгари сурилаётган миллий мафкура учун йўл очиш мақсади кўзлангани аниқ. Ислом ва ҳақиқий мусулмонлар миллатчилик каби ифлос мафкурани қабул қилиб, дунёю охирати манфаатларидан воз кечишдан кўра, ҳар қандай тазйиқлар остида бўлса ҳам иймонини саломат сақлаб қолишни афзал билишади.
Юқоридаги йигитлар иншаАллоҳ ўшалар туркумидан. Биз 1998 йилдан буён Ўзбекистон жаллоди Каримов режимининг жуда қаттиқ тазйиқлари ҳам уларни динларидан қайтариб, ўзбек миллатчиларига айлантира олмаганига гувоҳмиз. Каримов ўз миллий мафкурасини Ислом мафкурасига қарши қўйган урушда мутлоқ мағлуб бўлди. Унинг ортида ҳам айни вақтда қирғиз режими ортида турган куфр системаси турган эди. Қирғизистон ҳам Каримовдан ошира олмайди.
