Сурия пойтахти Дамашқ атрофида тобора таъсири ортиб бораётган “Жайшул Ислом” жиҳодий гуруҳининг раҳбари Зеҳран Аллушнинг билдиришича, АҚШ ҳукумати билан Сурия режими ўртасида келишим тузилган. Келишимга кўра, АҚШ ва Асад режими ўртасида Дамашқ атрофини мухолиф гуруҳлардан тозалаш устида қарор қилинган.
“Марказий разведка бюросининг (МРБнинг) масъул ходимлари билан Сурия режимининг мансабдор шахслари ўртасида йиғилиш бўлиб ўтди. Асаднинг одамлари билан МРБнинг масъул ходимлари Дамашқ атрофидаги 40 км масофани Мужоҳидлардан тозалашга келишиб олишди”, деди “Жайшул Ислом” жиҳодий гуруҳининг қўмондони.
Шунингдек Жиҳодий гуруҳ раҳбари Зеҳран Аллуш Ғута шаҳрининг қамал қилинишига ва у ердаги мусулмонларнинг очликдан ўлаётганилигига нисбатан бутун дунё эътиборсиз қолаётганини қаттиқ танқид остига олди. Кобанини Ғутага қиёслаган Аллуш жаҳон оммавий ахборот воситаларини ҳам ёлғончиликда айблади.
“Жайшул Ислом” қўмондони Асад режими тарафидан қамал қилиниши оқибатида мусулмонлар очликдан ўлаётганига эътиборни жалб қилар экан, бутун дунё бунга эътибор бермай, фақат Кобанига қараб қолгани ҳақида сўз юритди. Қўмондонга кўра, бу соҳада жаҳон оммавий ахборот воситалари катта рол ўйнаб бермоқда.
“Кичкинагина бир шаҳар. Исми Кобани. Бутун дунё тўпланиб ўша шаҳар ҳақида гап юритишмоқда. Барча оммавий ахборот воситалари фақат ўша ер ҳақида хабар тарқатишмоқда. Аммо Ғутада нима бўлаётгани ҳақида ҳеч ким қизиқмайди. Ғута тамоман Режимнинг қамали остида. У ерга ҳаводан ҳужумлар уюштирмоқда. Бироқ бу ердаги ҳодисаларга Кобани ҳодисаларига қаралганидек, эътибор берилмаяпти. Оммавий ахборот воситалари ёлғон хабарлар тарқатишмоқда. Бу ерда (Ғутада) бўлаётган ҳодисалар ҳақида ҳеч бири гапиришмайди. Топган-билгани Кобани. Чунки бу ерда сунний мусулмонлар бор, чунки бу ерда мусулмонларнинг суворийлари бор”, дея оммавий ахборот воситаларини танқид қилди “Жайшул Ислом” жиҳодий гуруҳининг қўмондони Зеҳран Аллуш.
