Туркия президенти Ражаб Тоййиб Эрдоган Лотин Америкасига уюштирган сафаридан қайтаётиб, самалётда журналистларнинг саволларига жавоб берди. Президент эрдугон сўзи давомида АҚШ президенти Барак Обама билан ўзаро муносабатлари ёмонлашлигини билдирди. Эрдоганнинг маълум қилишича, икки раҳбар ўртасидаги алоқалар аввал анча яхши бўлган, аммо кейинги пайтларда тушуниб бўлмайдиган даражада орага совуқлик тушган.
“Обама илк президентлик мансабига келганда у билан алоқаларимиз жуда яхши эди. Ҳатто – ўзингизга яхши маълум – бизни Оқ уйда оилавий меҳмон қилишарди. Биргаликда бир қанча йиғилишлар ўтказдик. Аммо бу учрашувлардан сўнг ўртадаги муносабат тушуниб бўлмайдиган даражада ўзгара бошлади”, деди Эрдоган.
Эрдоган Мексикада турган пайтда АҚШ президенти Барак Обамани Шимолий Королинада қатл қилинган уч мусулмоннинг ўлдирилишига нисбатан баёнот бермаганликда айблаган эди.
“Агарки бундай ҳодиса қаршисида сиз сукут сақлайдиган бўлсангиз, дунё сизга ҳам сукут сақлайди”, деб айтган эди жумладан Президент Эрдоган АҚШ президенти Обама ва унинг идорасини танқид қилиб.
Журналистлар айни масалада ҳам Эрдоганга савол беришди. Бунга жавобан Эрдоган “нима бўлганидан хабарим бор эди. Обамага нисбатан қаттиқ ёки юмшоқ гап бўлди, дейишингиз мумкин. Бу сизга ҳавола. Аммо бир ҳодиса юз берса мен мурожаат қиладиган шахс ўша давлатнинг президентидир. Менинг мурожаатим ана ўшаларга қаратилган. Агар бу ишлар бизнинг мамлакатда юз берганида эди, жим қараб турмас эдик. Бир қанча мисоллар келтиришим мумкин. Масалан, элчихонага ҳужум уюштирилганда ўз муносабатимизни билдирдик. “Инқилобий озодлик халқ партияси фронти” ҳақида барча изланиш натижаларини АҚШ билан ўртоқлашдик. Стротегик иттифоқ шуни талаб қилади. Биз ҳам улардан худди шу нарсани кутамиз”, деди Туркия президенти.
Айтиб ўтиш жоизки, Эрдугоннинг танқидидан сўнг АҚШ президенти Обама Шимолий Королинада уч мусулмон ўлдирилгани ҳақида баёнот бериб, содир этилган жиноятни ваҳшийлик ва қабиҳлик деб атади.
Туркистон:
Эрдоган, ўзини очиқ бир хақиқатни тушуна олмагандай кўрсатаяпти. АҚШ каби давлатлар, фақат бошқа давлатлар ички ишларига киришишга ўрганишган. Ўзларининг ички ишларига бошқа давлат расмийларининг бурун суқишларини ёқтиришмайди. Эрдоган ўз ўрнини билиб юрмаса, илгариги Гулдек таъсирсиз призидентга айланиб қолиши мумкин. Хорликни қабул қилдингми, ортидан келадиган бало ва офатларини хам тўғри қабул қил. Ҳатто Францияга улар билан қўл ушлашиб, мусулмонларга қарши юриш қилишинглар ҳам, сизларни улар сафига кирита олмайди. Фақат дининглардан очиқ воз кечишинглар билан уларнинг бирига айлана оласизлар.