Европа давлатлари ташқи ишлар вазирларининг муштарак қарорига биноан ҳозирда Россияга нисбатан амалга оширилиб келинаётган санкция яна олти ой давом этади. Европа иттифоқи янги санкциялар қўллаш ёки қўлламаслик тўғрисида қарор қилгани йўқ. Бироқ Голландия ташқи ишлар вазири Берт Кундерс Европа Иттфоқининг Россияга нисбатан жорий қилган санкциясини узайтириш ҳақида қарор қабул қилинганлигини бирдирди. Ўз навбатида Россия ҳам бу санкциялар жавобсиз қолмаслигини айтиб келади.
АҚШнинг молия вазири Жейкоб Лью Украина президенти Петро Порошенко билан Киевдаги учрашувида АҚШнинг Украина борасидаги позициясини маълум қилди. Жейкоб Льюга кўра, АҚШ ҳукумати Украина шарқидаги зиддиятни Минск келишимига мувофиқ дипломатик йўл билан ечиш тарафдоридир. Акс ҳолда Америка Россияга нисбатан босимни кучайтириш учун янги қадамлар ташлаши мумкин.
Жейкоб Льюнинг маълум қилишича, кейинги ҳафтада АҚШ конгресида кўриб чиқиладиган Американинг бюджет лойиҳасига Украинага ёрдам бериш пункти ҳам қўшимча сифатида кўриб чиқилади. Вашингтон билан Киев ўртасида икки миллиард доллар кредит бериш ҳақида битим мавжуд.
Чоршанба куни кечки маҳалда Украина президенти Петро Порошенко АҚШ вице-президенти Жо Байден билан телефон орқали суҳбат ўтказди. Украина президентининг сайтида ёзилишича, телефон суҳбатида Байден Украинанинг шарқидаги вазият давом этаверса Россияга нисбатан санкциялар яна кучайтирилиши мумкин, деб айтган.
АҚШ вице-президенти Россия очиқ турда ўзининг тинчлик битими ҳақидаги вазифасини бузаётганлигини қўшимча қилди.
