Остонада 15 январда Украинадаги вазият масаласида Россия, Украина, Германия ва Франция вакилларининг юқори даражадаги учрашуви бўлиб ўтади.
Мазкур учрашув ҳақида АҚШ Давлат департаменти расмий вакили Жен Псаки Украина масаласида яхши томонга ўзгариш бўлишига умид билдирди.
У Вашингтоннинг мазкур музокараларда иштирок этиши режалаштирилмагани, аммо АҚШ учрашувнинг қандай самара билан якунланишини кузатишини маълум қилган. Шунингдек Псаки “Россия ва айирмачилар ўз мажбуриятларини бажаришлари лозимлигини” таъкидлаган.
Журналистлар саволларига жавоб берар экан Псаки, Россияга нисбатан санкциялар амалда Украина масаласида “илгари силжишлар” бўлгандагина юмшатилишини айтиб ўтган.
Туркистон:
Қрим аннексия қилиниши ортидан АҚШ бошчилигида Россияга қарши халқаро жазо чораларининг жорий қилиниши ва нефт нарҳларининг жаҳон бозорида тушиб кетиши Россия иқтисодини издан чиқишига ва рублни кескин қадрсизлаишига сабаб бўлди. Бу ходисалар ортидан айрим тахлилчилар Россияни 2015 йилда турғунлик даври кутиб тургани ҳақида башорат қила бошлашди.
Владимир Путин Россияни бугунги ҳолга тушиб қолишига асосий сабабчи ўзи бўлсада, аммо халқ эътиборини чалғитиш учун бунга АҚШ ва Ғарб давлатлари томонидан қўлланилаётган жазо чоралари сабаб бўлаётгандек кўрсатишга ҳаракат қилмоқда. Ҳатто Путин Федерал Мажлис олдидаги йиллик мурожаатида Ғарбга нисбатан очиқчасига таҳдид ҳам қилиб кўрди, бироқ, АҚШ ва Европа давлатлари унинг бу таҳдидига ортиқча эътибор қаратишмагач, ортга чекинишга мажбур бўлди ва ўзи билан Ғарб ўртасида воситачилик қилишга Назарбоевни жалб қилди.
Назарбоев ўзига топширилган вазифани 2014 йилнинг 5-6 декабр кунлари Қозоғистонга келган Франция президенти Франсуа Олланд билан Владимир Путин ўртасида учрашув ташкил этишдан бошлади. Франсуа Олланд Парижга қайтишда Москвада тўхтаб ўтди. Путин ва Олланд “Внуково-2” аэропортида 2 соатга яқин “қизғин” суҳбат ўтказишди. Мазкур учрашувдан сўнг иккала президент ҳам ўтказилган учрашувнинг фойдали бўлгани, Ураинадаги кризис тинч йўллар билан ечилиши ҳақида фикр аламашганларини урғуловчи баёнотлар тарқатдилар. Путин эса, Украинанинг бутунлиги сақланиб қолиши кераклигини ҳам гапириб ўтди.
Шундан сўнг Назарбоев 22 декабрь куни Украинага расмий ташриф борди ва ўзини Россия ва Украина ўртасида воситачилик қилишга тайёр эканлигини маълум қилди. 15 январ куни Остонада бўлиб ўтадиган учрашув ҳам Назарбоевнинг Украинага қилган сафари доирасида белгиланган бўлиб, бу учрашувда Россия жазо чораларидан қутулиш учун Украинага нисбатан эгаллаган позициясидан чекиниши эҳтимоли бор. Аммо АҚШ учун эса осасий масала Қрим ки Украина эмас, балки Россияни дунё сиёсатидан бутунлай четлатиб юборишдан иборат.
