Қирғизистон президенти Алмазбек Атамбаев 17 декабр куни “Российская газета”га берган интервьюсида, “Мен Евроосиё иқтисодий иттифоқига қўшилганимиздан сўнг, дастлабки вақтларда бизларни қийин вазиятлар кутиб тургани тўғрисида айтиб ўтишим керак”, – деди.
Унинг сўзларига кўра, муҳими, интеграция жараёнлари республиканинг иқтисодий ривожланиш суръатини пасайишига йўл қўймасликдан иборат.
“Ўтаётган йил оғир бўлганига қарамай, бизда барқарор ўсиш суръатлари бор. Қолган аъзо давлатлар билан тенг ҳуқуққа эга бўлишимиз учун айнан ҳозир бошимизни баланд кўтарган ҳолда иттифоққа аъзо бўлишимиз шарт. Мамлакат учун бошқа чора йўқ”, – деди Атамбаев.
Президентнинг маълум қилишича, интеграция учун шароитлар яхши. “Биз Божхона иттифоқига аъзо давлатлар томонидан жиддий кўмак олдик. Россия билан ҳамкорликда низом жамғармаси 500 миллион доллар бўлган қирғиз-рус Тараққиёт жамғармасини ташкил этдик. Бундан ташқари, Россия томони жамғармага Қирғизистон ҳукумати кафолатисиз 500 миллион доллар миқдорида юқори имтиёзли заём жалб этиш мажбуриятини олди. Дастлабки 100 миллион доллар жорий йилнинг 31 декабрига қадар жамғармага келиб тушади”, – деди президент.
Туркистон:
Путин президенти Алмазбек Атамбаевга танлаш ихтиёрини бермаган ҳолда Қирғизистонни Божхона иттифоқига аъзо бўлиши учун очиқдан-очиқ босим ўтказиб келмоқда.
Гарчи, БИ аъзо бўлишни салбий оқибатларидан ижобий томони кўпроқ деб оддий халқни ишонтиришга ҳаракат қилишаётган бўлсада, Қирғизистон ҳукумати ўз мамлкатини чўкаётган кемага олиб киришаётганини англаб етмаётган ёки буни билиб турсада ўз ҳокимиятини сақлаб қолишдан бошқа муаммоси йўқлигини ошкор этиб қўймоқда.
