بسم الله الرحمن الرحيم
Хабар ва таҳлил
Хабар:
Россиянинг “Правда” газетаси 7 октябрь 2014 йилда ёзишича, Тожикистон ҳукумати 18та шаҳарда мухолифатга қарашли бўлган интернет тармоқларидаги 200та сайтни ёпиб қўйган. Интернет-провайдерлари шахсларини сир тутиш хуқуқидан фойдаланган холда ушбу чекловни давлат алоқа тармоғи идорасига айтишаётган бўлса, Маҳаллий оммавий ахборот воситалари ҳамда ижтимоий тармоқни текширувчи мутахассислар интернетга бундай чекловларнинг қўйилишини “Группа 24” мухолифат ташкилоти раҳбарларининг 10 октябрь куни Душанбеда Раҳмонов ҳокимиятига қарши намойишга чақируви билан боғламоқдалар.
Таҳлил:
2012 йилда асос солинган “Группа 24” ташкилоти Россиядаги Тожикистон меҳнат муҳожирларини Эмомали Рахмонов режимини ағдариб ташлаш учун ташвиқот олиб борган. Бироз олдин интернетда “Группа 24” рахбарининг Душанбеда хокимиятни истеъфога чиқишини талаб қилиб кўчаларга чиқишга чақирган мурожати тарқатилган эди. Тожикистон хукуматининг ушбу мурожаатга бўлган реакциясини кўп кутишга тўғри келмади , яъни зудлик билан мамлакатда фавқулодда ҳолат эълон қилинди. Интернет билан телефон хизматларини вақтинча тўхтатиб қўйилди, жумъа хутбалари полициянинг кучайтирилган назорати остида ўтказиладиган бўлди. Тожикистон бош прокуратураси мухолифатни мамлакатда режимни тўнтаришга уринганликда айблади. 2012 йил 9 октябрда Тожикистон олий суди “Группа 24” жамоасини экстремистик гуруҳ, деб, эълон қилди ва унинг Тожикистондаги фаолияти тақиқлаб қўйилди. “Группа 24” жамоаси раҳбари, собиқ ишбилармон Умарали Қувватов фирибгарликда айбланиб, халқаро қидирувга берилди.
“Центр Азия” ахборот агентлиги Россиянинг “Независимая” газетасига таяниб, провокацион маколани чоп этди. Унда шундай дейилади: ”Душанбедаги ҳозирги ҳолат 1979 йилдаги Эрон революциясини эслатмоқда. Группа 24” жамоасини информацион алоқалар соҳаси бўйича вакили Александр Маҳамадали “Независимая назета”сига берган интервюсида – норозилик намойиши катта сонли ёшлар, талабалар ва ҳатто мактаб ўқувчилари томонидан қўллаб-қувватланди, деди. Унга кўра, бир неча минг намойишчилар Тожикистон пойтахтида хавфсизлик кучлари ва полиция томонидан ҳеч қандай қаршиликка учрамай эркин ҳаракат қилишмоқда.
“Милиция намойишчиларга нисбатан илиқ муносабат билдириб, табассум ила намойишчилар билан бир бирини қучишмоқда. Норозилик намойишларни ва юришларни тарқатиб юборишга уриниш хақида ҳеч қандай гап-сўз йўқ. Шундан келиб чиқиб биз, ички ишлар вазирлиги, миллий хавфсизлик ва харбий ходимларнинг 40-50% ни биз билан бирга эканлини таъкидлашга асосимиз бор, деб, тахмин қила оламиз”, деди Александр Маҳамадали
Ижтимоий тармоқларда “Группа 24” вакиллари, Хўджантни ўз назоратига олганликлари, мухолифат тарафдорларини Хисор томонида чиқиш қилганликлари, Кўлобда кўп сонли митинглар ташкил қилганликлари хақида хабар берди.
Аслини олганда, Тожикистонда ҳеч қандай норозилик намойиши бўлгани йўқ. Бироқ Раҳмоновнинг ўз тахтини йўқотишдан безовта бўлишинини сабаби бор. Чунки, Россияда ишлаш учун мамлакатни тарк этган бир миллионта тожикистонликлар бор. Уларни кўпчилиги тоғни урса талқон қиладиган ёшлардан иборат. Демак, улар ўз мамлакатларидаги сиёсий вазиятни ўзгартирмоқчи бўлсалар Раҳмонов уларни тўхтата олмайди.
Тожикистон армияси эса Ўрта Осиёдаги, Совет иттифоқи давридан қолган эски харбий техникалар билан жихозланган энг кучсиз армиядир. Мамлакат барқарорлигининг асосий омили эса 2004 йилда ташкил қилинган Россиянинг 201 базаси бўлиб, у Россия қуролли кучларини ташқаридаги энг катта харбий қисми ҳисобланади. Ушбу 201 базани қисмлари Тожикистоннинг Душанбе, Кулоб ва Қўрғонтепада шахарларида жойлашган ва жами 7500та харбийлардан иборат. База таркибида мотоўқчи, танклар бўлинмаси, снайпер ва алоқа роталари, мухандислик бўлинмалари, зенит ракетали қисм ва ўзиюрар артеллерия батальони мавжуддир. Тожикистон ўз харбий учқичларига эга эмас. Унинг ҳаво ҳавзасини Россия харбий хаво кучлари қўриқлайди.
Раҳмонов режими Кремлнинг доимо қаттиқ назорати остидалиги кўриниб турибти. Мухолифатнинг норозилик намойишлари ва бошқарув режимни тўнтариш ҳақидаги баёнотлари эса Кремлнинг жирканч қадамларидан ўзга нарса эмас. Чунки нефт ишлаб чиқариш борасида Россияда чигал вазиятлар кечаётган бир пайтда Хитой билан Тожикистон ўртасидаги алоқалар Кремлни безовта қилмоқда.
Кремл даромад манбаларидан яна биридан маҳрум бўлишни истамайди. У бу ишлар билан Раҳмоновга ўз ўрнини ҳамда хўжайини ким эканини эслатиб қўймоқда. Кремл Раҳмоновни ўзгартириш нияти йўқ, бироқ унга Россияни рухсатисиз хеч қандай қарор қабул қилишига ҳам йўл бермоқчи эмас.
Раҳмоновнинг йигирма йиллик диктаторлик бошқаруви ҳукумат сиёсатига қарши, аччиқ вокени ўзгартиришга ва мамлакатни тараққий этиши учун харакат қилган, ўнлаган гуруҳларни вужудга келтирди. Мустамлакачилар бу ҳаракатларни ўз манфаатларига ишлата олди. Пировардида эса бу ҳаракатларни барчаси муваффақиятсизликка учраб, тожик халқида ғамгинлик ва умидсизликдан ўзга нарса қолдирмади. Бу эса ўша ҳаракатлардаги дастурларнинг аниқ-тиниқ эмаслигига бориб тақалади. Чунки уларда аниқ программалари бўлмаган ва уларнинг етакчиларини харакатлари эса туйғуларгагина асосланган реакцион ҳаракатлардир.
Биз бугунги кунда, Кремл ўз манфаатлари йўлида фойдаланаётган бошқа бир реакцион ҳаракатни гувоҳи бўлмоқдамиз. Кремл ҳукумати Россиядаги Тожикистонлик мухожирларнинг иш шароитларининг ёмонлигидан фойдаланиб, Тожикистон президенти Эмомали Раҳмоновга босим бермоқда.
Эй мусулмонлар! Туб ўзгариш бу – мамлакатни бошқараётган шахсларни ўзгартиришда эмас, балки айнан режимни ўзгартиришда рўёбга чиқади. Масалан, Миср, Тунис ва Ливияда юз берган ҳодисаларни олиб кўрайлик. Ҳокимлар кетди, лекин уларни ўрнига уларданда ёмонроқ ҳокимлар келишди.
Эй мусулмонлар! Ҳар бир ҳаракат ақидага асосланмоғи лозим. Биз мусулмонларнинг ақидамиз эса Исломдир. Аллоҳ Азза ва Жалла марҳамат қилади:
وَرَضِيتُ لَكُمُ الإِسْلاَمَ دِيناً
Ва сизлар учун (фақат) Исломни дин қилиб танладим. (Моида:3)
Ҳар бир ҳаракатларимиз фақат ва фақат Исломга биноан бўлмоғи лозим. Аллоҳ Таоло айтади:
وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ
Кимда-ким Исломдан ўзга дин истаса, бас (унинг «дини» Аллоҳ ҳузурида) ҳаргиз қабул қилинмайди. (Оли-Имрон:85)
Биз – Хизб ут – Тахрир жамоаси – пайғамбарлик минҳожи асосидаги Халифалик давлатида Исломий яшаш тарзини тиклаш учун Ислом асосида барпо бўлдик ва шу асосда тўлиқ дастурни кўтариб чиқмоқдамиз. Қуръон ва Суннатга таянган пайғамбарлик тариқатини тутувчи Хизб ут – Тахрир жамоасига қўшилинг!
Буни Хизб ут – Тахрир марказий ахборот идораси аъзоси
Элдар Ҳамзин
Хизб ут – Тахрир марказий ахборот идораси радиоси учун ёзди
