Қирғизистон президенти Алмазбек Атамбаев Қозоғистон президенти Нурсултон Назарбоевнинг таклифига биноан 7 ноябр куни давлат ташрифи билан Қозоғистонга борди.
Ташриф доирасида Алмазбек Атамбаев Қозоғистон президенти Нурсултон Назарбоев ва Бош вазири Карим Масимов билан учрашиши режалаштирилган.
Бундан ташқари, икки давлат президентлари раислигида Қирғизистон ва Қозоғистон Давлатлараро олий кенгашининг 4-йиғилиши бўлиб ўтади.
Остонага етиб келиши билан Қозоғистоннинг 24.kz телекaнaлигa берган интервьюсида Алмазбек Атамбаев қирғиз-ўзбек муносабатларининг ҳозирги аҳволига тўхталиб ўтди.
Хусусан¸ Aлмaзбек Aтaмбaев Ўзбекистон ҳукумaтининг Қирғизистондaги “Қaмбaр-Отa-1” ГЭСи қурилишигa нисбатан қаршилиги турли босим шаклида намоëн бўлаëтгани ва мамлакат жанубидаги вазиятни танг ҳолга солиб қўйганидан шикоят қилди:
“Ўзбекистонгa бунгaчa бир нечa бор тaклиф этгaнмиз, ҳозир ҳaм aйтмоқдaмиз – улaр “Қaмбaр-Отa-1” ГЭСининг қурилишига ўз ҳиссaсини қўшсa бўлaди. Ўтмиш хотирaси билaн яшaш керaк эмaс. Қўшнини душмaн қaтори кўриш ҳaм тўғри эмaс. Гaзни ўчирди, темир йўлгa чеклов киритди. Қўшнилaр бир-биригa ёрдaм беришлaри керaк. “Қaмбaр-Отa-1” ГЭСи нaфaқaт Қирғизистонни, бaлки қўшни ўлкaлaрни ҳaм электр энергияси билaн тaъминлaй олaдигaн лойиҳaдир. Буни кўзи кўр одaмгинa кўрмaйди ёки кўришни истaмaйди”, – деди Қирғизистон президенти.
Шундан сўнг Алмазбек Атамбаев Қозоғистон президенти Нурсултон Назарбаев билан тор доирада музокаралар ўтказди.
Нурсултон Назарбоев Қирғизистон президентининг ташрифи икки мамлакат ўртасидаги тарихий ришталар ва иқтисодий алоқаларни янада мустаҳкамлашга хизмат қилишига умид билдирди.
Шунингдек, Нурсултон Назарбоев Қозоғистон ва Қирғизистон ўртасидаги сиёсий, маданий ва иқтисодий алоқаларни ривожлантириш ва мустаҳкамлашга қўшган ҳиссаси учун Аламзбек Атамбаевга I даражали “Дўстлик” орденини тақдим этди.
Учрашув якунида ОАВлари учун уюштирилган қўшма матбуот анжуманида Нурсултон Назарбаев Қирғизистонга электр етказиб берилишини маълум қилди.
Алмазбек Атамбаев илтимосига биноан Қозоғистон Қирғизистонга электр энергияси етказиб берадиган бўлди.
Нурсултон Назарбаевнинг сўзларига кўра, Қозоғистон Қирғизистонга 2014 йилда 400 миллион кВт-соат ва 2015 йили 1,4 миллиард кВт-соат электр энергияси етказиб беради.
“Бизлар учун техник ҳаражатлар бўлишига қарамай, биз бу муаммони хал қиляпмиз. Ўз навбатида қирғиз дўстларимиз биз учун муҳим бўлган суғориш мавсумида сув билан таъминлаш тўғрисидаги келишувни бажаришга ваъда беришмоқда”, – деди Нурсултон Назарбаев.
Қозоғистон президенти Назарбаев “ҳиммати”дан руҳланган Алмазбек Атамбаев, Қирғизистонда электр таъминотида узилишлар бўлмаслигини айтди.
“Дарҳақиқат, биз ҳозир электр етказиб бериш тўғрисидаги қарорни имзоладик, Худога шукур, энди Қирғизистонда электр энергиясида узилишлар бўлмайди”, – деди Атамбаев.
