Валдай халқаро баҳс клуби Сочида ташкил қилган йиғилишда нутқ сўзлаган Россия президенти Владимир Путин Украинанинг собиқ президенти Виктор Янукович мамлакатда нотинч вазият юзага келган пайтда пойтахтни тарк этиб хато қилганлигини урғулади. Ўша пайтда Янукович билан телефон орқали суҳбат ўтказганлиги ҳақида гапирган Путин, Янукович Европа давлаларининг ваъдаларига ишониб шу аҳволга тушганлигига ишора қилди.
“Ўша пайтда Янукович менга феврал битимини имзолаганлигини айтиб, вазият бироз тинчиганлиги ва конференцияга иштирок этиш учун Ҳарковга боришни режалаштираётганлигини билдирди. Мен бу ҳолатдан ташвишланиб, – бундай вазиятда пойтахтни ташлаб кетса бўладими – деб сўрадим. У эса – менимча бўлади. Ўртада имзоланган битимлар бор. Европа давлатларининг ташқи ишлар вазирлари бу битимлар учун кафолат берди – деб жавоб берди”, “Европа давлатлари ташқи ишлар вазирларининг имзолари бўлишига қарамай, Янукович Киевдан чиқиши билан қурол ишлатиш йўли билан ҳукумат бинолари эгаллаб олинди”, деди Россия президенти.
Шунингдек, Путин аввал бошдан Украинанинг Европа иттифоқига аъзо бўлишига алоқадор бир қанча мавзуларда баҳс мунозараларга киришиш истаги борлигини билдирди. Путиннинг билдиришича, Украинанинг Европа Иттифоқига аъзо бўлиши ҳақида Россия ҳукумати замонавий услубда мунозара шаклини таклиф қилган. Бироқ, тарафлар Россиянинг таклифига қулоқ солишни истамаган.
“Замонавий услубда қўлимиздаги далиллар ва фактларни уларга тақдим қилдик. Юзага келиши эҳтимолдан холи бўлмаган муаммоларни уларга ҳисобот сифатида тақдим қилдик. Аммо бизни тинглашни ёки биз билан гаплашишни истаган киши топилмади. Украинанинг мураккаб сиёсати ҳозирги аҳволга олиб келди. Бир қанча инсонлар ўлиб кетди”, деди Россия президенти.
Путин нутқи давомида мустақилликни ҳурмат қилишини билдирган бўлса-да, аммо Украина мустақиллигини тан олмаслигини қайд этди.
“Биз мустақиллик ҳуқуқларини ҳурмат қиламиз, аммо Ғарблик шерикларининг дастаги билан Киевда инқилоб уюштириб, Қрим халқининг келажагини хавотир остига қўядиган бу мустақилликни тан олмаймиз. Биз Россия ва Украина алоқаларининг яхшиланишини кутяпмиз”, деди Владимр Путин.
