Россиядаги Ҳизбут-Тахрир йигитлари янги синовларга дуч келмоқдалар. Мамлакатнинг барча ерларида қўрқоқ ва жоҳил судялар тарафидан олиб борилаётган ва ҳеч қандай ақлий асосга эга бўлмаган сохта судлар давом этмоқда. Уларнинг судга тортилишининг ягона сабаби Қуръони Карим ва хижоб таъқиқланганлигига, болалар таълим оладиган исломий даргоҳларнинг ёпилишига, исломий адабиётларнинг таъқиқланганлигига ва мусулмонларга қарши уюштирилаётган таъқибларга қарши норозилик намойишларига қатнашганликларидир.
Татаристондаги Қозон шаҳар суди 30-сентябр куни биродаримиз Асгат Хафизов устидан чиқарган қарорга Олий апелляцион суд ҳеч қандай ўзгартириш киритмай, ўз хукмида қолдирди. Яъни биродаримиз устидан чиқарилган бир йиллик оғир меҳнатли қамоқ жазоси аввалги ҳолича қолдирилди.
Шунингдек, 30-сентябрда Татаристоннинг Набережные Челны шаҳрида Ҳизб йигитлари устидан суд жараёнлари бўлиб ўтди. 1973 йилда туғилган Риёзов Пўлатга бир йилу тўрт ой қамоқ жазоси берилди. 1971 йилда туғилган Радиф Басиров, 1973 йилда туғилган Рамил Қўчқоров ва 1968-йилда туғилган Ойбек Бекназаровлар устидан эса бир йиллик кузатув остидаги қамоқ хукми чиқарилди. Улар 21 январдан буён оёққа тақиладиган электрон халқа билан уй қамоғида сақланаётган эдилар.
Шунингдек яна бир неча биродарларнинг суд жараёнлари Қозон шаҳрида давом этмоқда. 1978 йилда туғилган Азат Хасанов 27 сентябрь куни Татаристон вилоятидаги ФСБга хат олиб борган эди. Шундан кейин уни экстремистик фаолият юритганликда айблаб қамоққа олишди. 1976 йилда туғилган Элдор Шайҳутдинов Қозон шаҳрида жойлашган Кремль биносидаги Россия хокимиятига хат олиб борган эди. Шундай сўнг у ҳам қамоққа олиниб, экстремистик фаолият олиб борганликда айбланди. 1983-йилда туғилган Линар Галимов эса 25 январдан буён уй қамоғида сақланмоқда. У норозилик намойишида қатнашгани учун экстремистик фаолият юритганликда айбланди.
1952 йилда туғилган Эльмир Ийманов 9 сентябр куни қамоққа олинди. У Январь ойидан буён уй қамоғида сақналиб келаётган эди. Ҳозирда Қозон шаҳридаги марказий қамоқҳонада сақланмоқда. Эльмир рус ҳукумати тарафидан Татаристондаги черков атайин ёқиб юборилгандан кейин Чернобиль шаҳрида ўтказилган мусулмонларни қамоққа олиш, қийнаш таҳдид қилиш ҳодисаларини фаол тарзда ёритгани учун экстремистик фаолият юритганликда айбланди.
2-октябрьда Челябинск шаҳрида тўрт киши қамоққа олинди. Уларга нисбатан жиноят кодексининг 205-модда, 2-бандига кўра жиноий иш қўзғатилди ва беш йилдан ўн йилгача қамоқ жазоси белгиланди. Шунингдек ўтган хафтада Татаристон пойтахти Қозонда 8 нафар мусулмонлар Ҳизб ут-Таҳрирга аъзоликда гумонланиб қамоққа олиндилар.
Россияда репрессияга дучор бўлаётган йигитлар рўйхатини узоқ давом эттириш мумкин. Россия хукумати Исломга даъват қилишни ва ўз динларига амал қилиб яшашга дават қилишни экстремизм ва терроризм деб атамоқда. Ҳукумат терроризм ва экстремизга қарши кураш баҳонасида тақволи мусулмонларни таъқиб остига олиш, қамаш ва уларнинг қариндош-уруғларини қўрқитиш каби жиноятларни амалга оширмоқда. Бу хокимият қанчалик тубанликка ботиб бормоқда!!
Буларнинг барчаси Россия режимининг нақадар тубанлигини кўрсатиб турибди, улар қамчи ва репрессив жинояткорона услубларини ишлатиб Аллоҳнинг нурини ўчиришга уринмоқдалар. Агар улар ўзларининг тоғут сафдошларининг сийратларидан ибрат олганларида эди, бу қўллаётган услубларининг ҳеч қандай натижа бермаслигини англаб етар эдилар.
Аллоҳ Таоло айтади:
﴿أَفَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ ۚ كَانُوا أَكْثَرَ مِنْهُمْ وَأَشَدَّ قُوَّةً وَآثَارًا فِي الْأَرْضِ فَمَا أَغْنَىٰ عَنْهُمْ مَا كَانُوا يَكْسِبُونَ﴾.
”Ер юзида юриб ўзларидан олдингиларнинг оқибати қандай бўлганлигига назар солмайдиларми, улар булардан кўра қувватлироқ ва улардан кўра ер юзида асарлари қувватлироқ бўлган эдилар, бас уларга касб қилган нарсалари асқотмади”.
Эй Аллоҳ, албатта биз ёлғиз Сенгагина ишонамиз. Аллоҳ бизга вакил жиҳатидан етарлидир, Аллоҳим биродаларимизни қадамларини собитқадам қил, уларнинг қалбларига хотиржамлик бер, бу Сенинг йўлингдаги даъватдир, Сен Ўзингни йўлингга эргашганларга ғалаба ва мукофот беришни ваъда қилгансан:
﴿وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا ۚ يَعْبُدُونَنِي لَا يُشْرِكُونَ بِي شَيْئًا ۚ وَمَنْ كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ﴾
“Аллоҳ сизлардан иймон келтириб, солиҳ амал қилганларга уларни ер юзида худди уларда олдин ўтганларни халифа қилганидек халифа қилишни, улар учун Ўзи рози бўлган динни мустаҳкамлашни ва уларнинг хавф хатарларидан сўнг омонликни бадал қилиб беришни ваъда қилди. Улар Менгагина ибодат қилурлар ва Менга ҳеч нарсани ширк келтирмаслар. Шундан кейин ҳам ким куфр келтирса, бас, ана ўшалар, ўзлари фосиқлардир”.
Ҳизбут–Тахрирнинг марказий матбуот бўлимининг аъзоси
Эльдор Ҳамзин
22.10.2014й.
