Россия президенти 2014 йилнинг кузида Токиога сафар қилиши режалаштирилган эди. Бироқ, Японияда чоп этиладиган “Kyodo” нашрининг хабар қилишича, АҚШ сўровига биноан Япония Бош вазири Синдзо Абе Путин сафарини кечиктирди.
Нашрнинг ҳукуматга яқин манбасининг сўзларига кўра, Вашингтон Бош вазир Синдзо Абега Путиннинг сафарини қолдиришни сўраб мурожаат қилган.
“Украина инқирози ортидан АҚШ ва Япония биргаликда Россияга нисбатан чекловлар жорий қилган Европа давлатлари билан ҳамқадам бориш зарурлигини Токио тушуниб турипти,”- деди манба.
Манбанинг қўшимча қилишича, Япония бош вазири Россия президенти билан ноябр ойида Пекинда бўлиб ўтадиган Осиё-Тинч океани иқтисодий ҳамкорлиги саммитида учрашиш ниятида. АҚШ ва Россия ўртасидаги муносабатларга қараб Путиннинг Токиога сафари келаси йилнинг баҳорига ёки кейинроққа белгиланиши мумкин.
