Қирғизистонда мусулмонлар билан ҳукумат ўртасидаги алоқа кимнинг манфаати учун таранглашди?
Қирғизистон режими сўнгги пайтларда мусулмонларга қарши қатор хавфли амалиётларга қўл урди. Аввалда соқол ва ҳижобни таҳқирлаш каби услублар билан уруш бошлади. Бироқ Қирғизистонда исломий онг муҳити кенг тарқалгани боис ўзининг айни режасини амалга ошира олмади. Натижада, одамлар ўртасидаги ушбу онгга қарши курашиш механизмини ишлаб чиқиш зарур, деган хулосага келди. Бу ишни турли йўналишларда бажармоқда. Масалан, миллийликка асосланган «Тангричилик» каби куфр ҳаракатларининг тарқалишига қулай муҳит яратиб беришди. Телевидениеда махсус программа ишлаб чиқиб, «Таблиғ» жамоаси ва Росулуллоҳ Aнинг Суннатларини тирилтиришга ҳаракат қилувчи бир неча даъватчиларнинг Исломга даъват қилиш услубларини, кийимларини танқид қилишди. Кейин даъватни етказаётган аёлларимиз ва қизларимизни қамашни бошлашди. Мактаб ўқувчиларига бутпарастлар тамғаси ёпиштирилган «форма»ларни тиқиштиришиб, ҳамма ўқувчиларга мажбуран кийдиришга уринишди. Афтидан, бу атайин қилинган иш. Чунки улар мусулмонларнинг бундай кийим кийишга асло рози бўлмасликларини яхши билишади. Режимнинг бундай ишларни қилишдан мақсади, ўзлари «мўътадиллар ва экстремистлар», дея мусулмонлар ўртасида тугамас жанжал ва низолар келиб чиқишига замин яратиш. Бироқ у Исломнинг ҳақиқий андозасини олган кишилар ақлларига таъсир ўтказолмади, ҳаётимизга ўзининг андозасини зўрлаб киритишга ҳалигача муваффақ бўлолгани йўқ.
Қирғиз ҳукумати ўзининг бу ва бошқа уринишлари асло фойда бермаслигига ишонч ҳосил қилгач, баъзи хорижий нуфузли кучлар босими остида Ислом ва мусулмонларга қарши уруш қилишга ўзбек ва рус режимлари услубида киришиб, Дилёр Жумабоевни қамоққа олиш амалиётини ишлаб чиқишди.
Дилёр Ҳизб ут-Таҳрир аъзоси сифатида нафақат Қирғизистонда, балки бутун Ўрта Осиёда танилган. У Ҳизб тарихида биринчи бўлиб расман «Онг» телерадиокомпаниясини очган. Унинг ҳукумат олиб бораётган халққа қарши фитналарни фош этувчи телекўрсатувларини қирғизлар билан ўзбеклар бир неча ой томоша қилганлар. Ҳукумат бу станциянинг шуҳрати ортиб бораётганини кўргач, станцияга турли босимлар ўтказа бошлади, биродаримиз Дилёрнинг радиодаги чиқишларини аста-секин ман қила бошлади. Бироқ шунга қарамай, Дилёр янги-янги услублар билан Уммат манфаатларини ҳимоя қилиш йўлида ўз курашини давом эттирди.
Мисол учун, туғруқхоналарда эркак шифокорлар ишлай бошлаганда, бунга биринчи бўлиб Дилёр қарши чиқди. Шунда орган ходимлари уни чақиришиб, энди, биз бирорта ҳам аёл то эри рухсат бермагунча эркак доя олдига бормайдиган қиламиз, деган даъволарни қилишди. Дилёр эса – бу нарса Аллоҳнинг шариатида ҳаром эканлиги ва биз шунга риоя қилишимиз шартлиги учунгина мен бунга қаршиман, шунинг учун эркаклар туғруқхонада ишламасликлари керак, деди ва шундай бўлди ҳам.
Биз Дилёрнинг диққат билан олиб борган тадқиқоти натижасида шуни тушуниб етганмизки, Қирғизистонда улкан электр энергияси ишлаб чиқарилишига қарамасдан, одамлар қаттиқ қийинчиликда яшамоқдалар. Дилёр электр узаткич асбоб ускуналарини сотиб олиш ва уларни таъмирлаш ишлари учун – ҳолбуки, бу давлатнинг вазифасига кирадиган ишлар – одамлардан маблағ ундириш каби ҳукуматдагилар одатланиб қолган ишларга қарши жиддий кураш олиб борди. Унга шу курашини тўхтатиши эвазига бир миллион қирғиз соми миқдорида пора таклиф қилишди, у эса уларнинг бундай пора таклиф қилиш қилмишларини телеэкранларда фош қилиб юборди. Ҳолбуки, унинг ва оиласининг молиявий жиҳатдан оғир аҳволдалиги барчага маълум эди. Шунда унга қарши давлат миқёсида кураш бошланди. Чунки у одамлар бошига тушаётган барча муаммолар ва қийинчиликларга юртда кенг тарқалган коррупция сабаб эканини очиб ташлаганди. Уни сохта айбловлар билан таъқиб қила бошлашди. Дилёр шуларга қарамай, курашини давом эттириб, ҳукуматдан одамлардаги эски электр тақсимлагични янгилаб беришни, бунинг эвазига улардан пул ундирмасликни талаб қилди ва бу талабида қаттиқ турди. Ҳукуматдагилар эса Дилёр оиласини турли баҳоналар билан икки йил электр таъминотисиз қолдиришди. Аммо қўни-қўшнилари унинг оиласини ўз ҳисоблагичлари орқали электр билан таъминлаб туришди, бунинг оқибатида қўшнилар ҳам қаттиқ огоҳлантирувлар олдилар. Бироқ шунга қарамай, уни навбатлашиб электр билан таъминлашда давом этишди, чунки Дилёр халқ фарзандига айланиб бўлган эди.
Дарвоқе, режим Дилёрни қамаш учун сабаб топди, балки ўйлаб топди. Бироқ Дилёр ўзининг сиёсий фаолиятини қамоқда ҳам давом эттирди. Қамоқхонадаги вазиятни қонун доирасига қайтаришни, гигиена шароитларини ўнглашни, маҳбусларга берилаётган еб бўлмайдиган даражадаги ёмон озиқ-овқатларни яхшилашни талаб қилди. Ваҳоланки, унинг ўзига шундоқ ҳам қамоқ ташқарисидан овқат етказилиб турарди ва қамоқхона овқатини ейишга эҳтиёжи ҳам йўқ эди.
Дилёр билан бирга ўтирган маҳбусларнинг айтишича, уни бир неча бор қийноққа ҳам солишган, бироқ ўз фикрида қатъий сабот билан тураверган. Бир куни қамоқхона мудири унинг олдига кириб, истасанг, бундай хатти-ҳаракатларингни тўхтатишинг эвазига мен сенга «очил дастурхон» уюштириб бераман, дейди. Дилёр эса унга – агар сен айтган шароитни менгагина эмас, барча маҳбусларга таъминлаб бера олсанг, шунда бу ҳаракатларимни тўхтатишим мумкин, деб жавоб беради. Шунда уни алоҳида «камера»га жойлаштиришиб, укол қилишиб қандайдир дори билан заҳарлашади. У тўрт кун қимирлай олмай ётади, унга ҳеч қандай тиббий ёрдам кўрсатишмайди, ёлғиз Аллоҳ Роҳманур Роҳимнинг изни билангина тирик қолади.
Ҳукуматнинг Дилёрга ўтказган босимлари бир лаҳза ҳам унинг фаолиятини тўхтата олмади. Дилёр ҳукуматнинг бирор мусулмонни қамоққа тиқиш учун ўтказган ҳар бир амалиётини муҳосабасиз ўтказиб юборган эмас. Чунки у қўл қовуштириб турмасди, қўлида камераси билан ҳар қандай тўсиқни ёриб ўтарди, қамоққа олиш учун келганларнинг ичкаридаги тинтув ёки бошқа амалиётларини ҳар бирини диққат билан кузатиб, уларга ўзлари одатланишиб қолган сохта «ашёвий далил» ташлаб қўйишларига имкон бермас эди.
Ҳа, Дилёр кўп мусулмонни қамалишдан қутқариб қолган ва одамларга муаммоларини ҳал этишга жуда кўп ёрдам берган, одамлар ҳам ноқонуний солиқлар юклаш, сохта улкан жарималар солиш туфайли ҳукумат томонидан бошларига тушган қийинчиликларида ҳамда газ ва электр билан боғлиқ муаммоларида унга мурожаат қиладиган бўлиб қолган.
Мана, режим 2014 йил 13 сентябрда Дилёрни қамоққа олишга қарор қилди.
Қамоққа олинишдан бир неча кун олдин Дилёр ўз уйи кузатув остида эканини сезиб қолади, ҳатто рус миллатига мансуб шубҳали кимсаларни ушлаб олиб, милиция бошқармасига топширади. Бошқарма бошлиғи эса уларни қўйиб юборади ва Дилёрга очиқчасига – мени нотўғри тушунма, дейди. Ҳақиқатдан ҳам улар Дилёрни қамоққа олиш ишининг нақадар жиддийлигини билишган.
13 сентябр саҳар олтилар чамасида Давлат миллий хавфсизлик хизмати ходимлари унинг уйини қуршаб олишади. Юзларига ниқоб таққан, автоматлар билан қуролланган махсус хавфсизлик кучлари дарвоза устидан ошиб туша бошлашади, Дилёрнинг улардан оила аъзоларининг кийиниб олишлари учун вақт беришларини талаб қилишига қарамасдан, уйига бостириб киришади. Дилёр бундай қонунбузарлик хатти-ҳаракатларидан шошганча аёлларини ҳимоя қилишга киришади, аммо уларни ваҳшиёна дўппослашларига, тепкилашларига дучор бўлади…
Шовқинни эшитиб, Дилёрни ҳимоя қилгани маҳалла оқсоқоли билан масжиддаги кишилар келади, аммо махсус кучлар автоматлари билан уларни турта-турта ҳовлидан чиқариб юборишади ва дарвозани ичкаридан беркитиб олиб, ҳеч кимни киритишмайди. Одамлар тўпланиб кетади, шунда хавфсизлик кучлари вазият хавфли тус олаётганини тушунишиб, ҳовли қуршовини мустаҳкамлаш учун бошқармадан қўшимча кучлар чақиришади…
Дилёрнинг уйида ўтказилаётган тинтув ва сўроқлар олти соат давом этди. Одамлар шунча вақт мобайнида Дилёрни сўз билан бўлса ҳам ҳимоя қилиш мақсадида унинг ҳовлиси яқинида, қуршов ташқарисида тўпланиб турдилар, уларнинг сони тобора кўпайишдан тўхтамади…
Эй Қирғизистондаги мусулмонлар!!!
Сиз ўғирлаб кетиляпсиз! Улар сизни бемалол талаш ва халқингиз бойликларини кўпроқ сотиб юбориш учун ҳамда болаларингизни ўзларига арзон ишчи кучига айлантириб олиш мақсадида сизнинг манфаатингизни ҳимоя қилаётган Дилёр каби ўз олдига тўсиқ бўлаётганларни йўқ қилишмоқчи. Буни амалга ошириш учун эса Ўзбекистон йўлидан юриб, турли номлар қўйиш билан мусулмонлар бирлигини бўлиш учун имом-хатиблар ва дин арбобларидан иборат хоинларни ишга солишмоқда.
Ўзбекистонда Каримов 16 феврал ҳодисаларини ишлаб чиқиб, бу ишда мусулмонларни айблади. Аммо Қирғизистонда эса сиз мусулмонлар шуни яхши билингки, халққа мусулмонлар томонидан ҳеч қандай таҳдид йўқ. Мабодо оддий одамлар учун бирор таҳдид пайдо бўлса ҳам, бунинг ортида албатта кофирларнинг ўзлари турган бўлади.
Шунинг учун барчамизнинг хавфсизлигимиз ва бирдамлигимиз учун биз сизни юртда кечаётган ҳодисаларга ўз таъсирингизни ўтказишга тарғиб қиламиз. Бу эса сиздан алданмасликни, холисликни, ҳалол ва ҳаром асосидаги имоний муҳитни ушлашни талаб қилади.
Ҳизб ут-Таҳрирнинг Қирғизистондаги матбуот бўлими раиси
Расмий сайт: http://hizb-turkiston.net
Электрот почта: webmaster@hizb-turkiston.net
