Мусулмонларнинг қони тўкилиши, фуқароларнинг портловчи бочкалар ёрдамида қирғин қилиниши Американи ва бутун дунёни ташвишлантирмайди!
2012 йил август ойидан бошлаб қонхўр Башарнинг режими портловчи бочкалар қўллай бошлади. Ўшандан буён бегуноҳ фуқаролар ўлдирувчи қуроллар ва бу бочкалар келтирган вайроналар остида қолиб кетди… Булар бошқа бомба ва ракеталарга нисбатан арзон тушади ва ҳукумат кучлари томонидан хавф солувчи қурол сифатида қўлланиши қулай. Чунки бунинг учун ортиқча меҳнатга ҳожат йўқ, уларни тикучарларга ортиб, ердаги фуқароларга даҳшат солиш ва эркак, аёл, болаларни ажратмай қириб ташлаш учун осмондан ёғдирилса, бас! Ҳисоботларда айтилишича, Сурияда қарийб 6000 портловчи бочка қўлланган ва бунинг оқибатида 20 минг шахс ҳалок бўлган.
Афтидан, БМТ қошидаги Хавфсизлик Кенгаши чиқарган бу қуролларни ишлатишни тақиқлаш тўғрисидаги 2139 сонли қарор ижроси обдан кузатилмаган кўринади. Буни расмий матбуот ҳам очиқ айтмоқда. Асаднинг Суриядаги мусулмонлар қонини тўкишга ташналиги кучайди ва у бу портловчи бочкаларни янги-янги минтақаларда ҳам бемалол қўлламоқда. Биргина Хьюман Райтс Вотч ташкилоти мазкур қарор чиқарилгандан бошлаб, 2014 йил 14 июлга қадар портловчи бочкалар ёрдамида Ҳалабнинг ўзида 650 марта ҳужум қилинганини ҳисоблаган. Шунга қарамай, Қўшма Штатлар ва Европа ҳукуматлари айрим жамоалар томонидан уруш жиноятлари содир этилиши ҳақида чиқарилган ҳисоботларга ғоят кескин муносабатда бўляпти-ю, бир вақтнинг ўзида, малай ҳукмдорларининг улкан ҳажмда ва систематик тарзда амалга оширган ва ҳамон амалга ошираётган мана шундай ваҳшийликларга панжа орасидан қарамоқда. Уларнинг бундай шубҳали сукутлари Ироқда ҳам тоифачи режимни Суриядаги ҳамкасби йўлидан боришга ундамоқда. Оқибатда у ҳам Ироқнинг турли ерларида, Фаллужадан тортиб, Карма, Тикрит, Байжи ва Мосулгача айни бочкаларни кенг кўламда қўллади…
Қўшма Штатлар ҳамда Европа ҳукуматларининг бундай иккиюзламачилиги Сурия ва Ироқдаги малайлари томонидан амалга оширилаётган қатли омларга индамай қараб туришларида ҳамда яҳудийлар давлатини ҳўлу қуруқни баравар ёқаётган Ғазодаги қутурган ҳужумлари давомида қўллаб-қувватлашларида намоён бўлмоқда. Буларнинг бари бу ҳукуматларнинг инсонпарварлик, инсон ҳаёти ва ҳурматига қайғуриш… каби даъволари умуман куракда турмайдиган ёлғон, адаштирувчи даъволар эканига шубҳасиз очиқ далолат қилмоқда! Бу ҳукуматларнинг истисносиз ҳаммасини на инсон ҳуқуқлари ва на уларнинг молларию жонлари заррача ташвишлантирсин. Баъзан шунинг гувоҳи бўласизки, улар мусулмонларга қилинаётган ҳужумларни қоралайди ҳам. Чунки бундай қоралаш уларнинг қандайдир манфаатларига хизмат қилаётган бўлади, қачон манфаатларига хизмат қилмаганда эса, малайлари ва иттифоқчилари содир этаётган хунрезликларга кўз юмиб туришаверади… Шу боис айтиш мумкинки, бундай қотил режимларни исломий юртларга ўтқазиб қўйишдан мақсад, мусулмонларни бўлиб ташлаш, куч-қудратларини парчалаш, юртларини бир-бирлари билан қирпичоқ бўладиган давлатчаларга ажратиб ташлашдир, токи, бу мустамлакачи давлатларга уларнинг бойликларини талаш ва ҳукмронлик қилиш осон бўлсин, бундан ҳам муҳими, Пайғамбарлик минҳожи асосида тўғри йўлни тутувчи Халифалик давлатининг барпо этилишига тўсиқ қўйишсин. Албатта, ушбу Халифалик уларнинг сохта даъволарини, найрангларини очиб ташлайди, ёлғончи тилларини кесиб олади ҳамда – биз ҳақиқат, адолат ва инсон ҳуқуқлари ҳомийларимиз, дея оламга жар солган иддиоларини ўзларига қайтариб уради, алҳол, улардан бошқа ҳеч ким ер юзини фасодга тўлдиролмайди. Бироқ бу ҳаракатлари шармандали омадсизликдан ўзга нарса эмас, албатта. Биз Ҳизб ут-Таҳрир аъзолари Ислом Уммати дунёнинг бошқарув тизгинини ўз қўлига олиш арафасида турганига чуқур ишонамиз ва бу Аллоҳга асло қийин эмас.
«Улар Аллоҳнинг нурини оғизлари билан ўчирмоқчи бўлишади, Аллоҳ эса, гарчи кофирлар истамасалар-да, Ўз нурини тўла ёйгувчидир. У гарчи мушриклар истамасалар-да, Ўз Росулини ҳидоят ва ҳақ дин билан юборган зотдир» [Тавба 32]
Ҳизб ут-Таҳрирнинг марказий матбуот бўлими
Манзил: алМазраа – «Колумбиа Центр» – блок б – иккинчи қават
Почта қутиси 145010
телефон: 00961 1 30 75 94
уяли телефон: 00961 71 72 40 43
электрон почта: media@hizb-ut-tahrir.info
