24-29 август кунлари Хитойнинг Ички Мўғулистон провинциясида Шанхай ҳамкорлик ташкилотига аъзо давлатларнинг “Тинч миссия – 2014” қўшма ҳарбий машғулотлари бўлиб ўтади. Унда 7 минг ҳарбий хизматчи қатнашиши кутилмоқда.
“Синьхуа” агентлиги хабарига кўра, машғулотларда Хитойдан 5 минг, Россиядан 900 (шунингдек, 4 та Су-24 қирувчи самолёти ва 8 та Ми-8МТ вертолёти), Қозоғистондан 300, Тожикистондан 200, Қирғизистондан эса 500 нафар ҳарбий хизматчи иштирок этади.
Ҳарбий машғулотдан кўзда тутилган мақсад ШҲТга аъзо давлатлар ўртасида хавфсизлик, жумладан, террорчилик ва минтақавий таҳдидларга қарши кураш бўйича ҳамкорликни мастаҳкамлашдир.
