Хитой ҳукумати умумий қиймати 150миллиард долларни, йўлнинг узунлиги 6 минг километрни ташкил этувчи Буюк ипак йўлини қайта тиклашни режалаштирмоқда. Мазкур ипак йўли Қирғизистон, Ўзбекистон, Туркманистон ва Эрон давлатлари орқали ўтиб Туркияга етиб боради.
Хабарга кўра, қурилажак темир йўлнинг бошланиш нуқтаси Хитойнинг Шинжон-Уйғур вилоятидан бошланади. Бу йўл, Карс-Ахалқала-Тбилиси- Баку темир йўли орқали Кавказ ҳудудини бирлаштиради. Бу эса йўловчи ташиш кўламини оширади.
Темир йўл 2030 йилга бориб қуриб битказилади. Мазкур йўналишдаги йўловчи ташувчи поездларнинг тезлиги соатига 200 километрни, юк поездларники эса 160 километрни ташкил этиши айтилмоқда.
Туркистон:
Хитой Россиянинг позициялари заифлашиб бораётганидан, шу билан параллел АҚШнинг Россия билан геополитик қарама-қаршиликларининг кучайиб бораётганидан ўз манфаатлари йўлида унумли фойдаланиб қолмоқчи. Россиянинг бу ҳолати АҚШ учун айни муддаодир. Чунки у минтақадаги Россиянинг қувватини заифлаштиришда айнан Хитойнинг очкўз ва халқаро сиёсатдаги мавқейини кучайтиришга бўлган интилишидан фойдаланади.
Россия энди Хитойни илгаригидек халқаро майдонда бошқара олмаслигини ва бунинг буёғи у билан ўзаро тенглик муносабатлар қуриш асосида ҳамкорликларнинг янги стратегиясини тузиш кераклигини англаб етди. Бунга уни АҚШнинг Хитойни худди Германия сингари ўз қаноти остида дунёда ҳақиқий етакчи давлатлар сафида иш олиб бора оладиган бўлиши мумкинлигига ишонтира олгани ва шу билан бир қаторда Россиянинг халқаро майдонда обрўсизланиб бораётгани сабаб бўлди.
Бу дунё геопалитикасини ўзгартириб юбориши мумкин бўлиб турган катта лойиҳалардан АҚШнинг кутаётган яна бир катта мақсади ҳам бор. У Россия, Хитой ва Ҳиндистоннинг ўрталарида мавжуд ёки кутилаётган ҳар қандай ҳамкорлик ёки яқинликларни бузиб юборишга қаратилган ҳаракатлардир.
Марказий Осиё ва Кавказ минтақалари эса юқоридаги катта давлатлар
ўрталаридаги муносабатларини тартиблаштириб олишлари, тўғрироғи уларнинг ўрталарида олиб бориладиган доимий курашлардаги жанг майдони бўлиб туришда давом этади. Бу кураш уларнинг
сиёсий, стротегик, иқтисодий ва ҳоказо геополитик манфаатларига асосланган бўлиши мумкин.
