Барча Ислом ўлкаларида, хусусан, Ироқ ва Афғонистонда қўли мусулмонларни қонига беланган Британиянинг собиқ бош вазири Тони Блэр Миср президенти Абдулфаттоҳ ас-Сисининг яқин маслаҳатчисига айланди. Маълум бўлишича, Тони Блэр яқинда Мисрнинг президенти этиб сайланган ас-Сисига бизнес имкониятлари ва иқтисодий ислоҳотлар ўтказишга доир масалаларда маслаҳатчи вазифасини бажаради.
Британияда чиқадиган “The Guardian” газетаси тарқатган хабарга кўра, Тони Блэр бирлашган араб амирликлари тарафидан молиялаштирилган дастур остида бизнес имкониятлари ва иқтисодий ислоҳотга оид масалаларда ас-Сисига маслаҳатчи бўлиш учун у билан битим тузган.
Газета Блэрнинг сўзчиси бу ҳақида айтган гапларини ҳам чоп қилди. Сўзчининг билдиришича, собиқ президентнинг маслаҳатчилиги ҳеч қандай шахсий манфаат учун эмасдир. У фақатгина маслаҳатчилик хизматини амалга оширади ва йиғилишларга иштирок этади.
“Блэр ас-Сиси ҳукуматининг ислоҳот мавзуси дастакланиши лозимлигига ишонади. Бунинг учун у ҳар қандай ёрдам қўлини чўзишга тайёр”, дея билдирди Блэрнинг сўзчиси.
Шунингдек хабарда 1997-2007 йилларда Британиянинг бош вазири лавозимида ишлаган 61 ёшли Тони Блэр демократик йўл билан сайланган Мисрнинг биринчи президенти Муҳаммад Мурсийни қулатилишига сабаб бўлган ҳарбий тўнтаришни дастаклаганлиги ҳам зикр қилинади.
Туркистон:
2011 йилдан шу кунгача Тони Блер Қозоғистонда Назарбаевга иқтисодий ислохотлар ясаш ва сиёсий модринизацияланиш бўйича маслахатчи бўлиб, хизмат хаққи йилига 8 миллион фунт стерлин белгиланган. 2012 йилга келиб, унинг талаби билан хизмат хаққи икки баробарга кўтарилди. Охирги йиллари Қозоғистон унга 16 миллион фунт стерлен тўлаб келади.
2014 йилга Қозоғистон ташқи қарз миқдори бир йилда 8.6 % га ортиб 148.7 миллион доллор билан кириб келди. Унинг 2012 йилдаги ташқи қарзи 136.9 миллиард доллор бўлган, 2013 йилга келиб 142.6 миллион доллорга ортди.
Тони Блерга бунинг қизиғи йўқ, у давлатларни шу шароитда яшашга ўргатади. Яъни қарзга ботиб, хақдор ташкилотлар эгалари бўлган катта давлатларга тобеъ бўлиб яшашни ўргатади. Унга юклатилган вазифа хам шу, бошқарув осон бўлиши учун давлатларни қарзга ботириш.
