“НАТОнинг эшиклари доимо очиқ. Ҳеч қандай учинчи давлат НАТОнинг кенгайиб боришига қаршилик қилиш учун ВЕТО қўя олмайди”, деди Фог Расмуссен.
НАТОга аъзо давлатларнинг ташқи ишлар вазирлари йиғилиши олдидан нутқ сўзлаган Расмуссен ўтган йиғилишда НАТОга аъзо бўлиш ниятида бўлган тўрт давлат тарафидан тақдим қилинган келишмалар ва НАТО ташкилотининг “Очиқ эшик” сиёсати муҳокама қилинганлигини маълум қилди.
Бу келишмалар ҳам НАТОга, ҳамда унга аъзо бўлган давлатларга яхши натижалар келтиришини билдирган Расмуссен 4-5 сентябрда Британиянинг Уэльс шаҳрида ташкил қилинадиган НАТО олий йиғилишида бу мавзулар кўриб чиқилишини билдирди.
“Ҳар бир давлатларнинг турли соҳада қилиши керак бўлган вазифалари бор. Эшикдан киришлари учун керак бўлган ёрдамни берамиз”, деди Расмуссен.
НАТО бош котибининг билдиришича, йиғилишда Украина масаларига тегишли сиёсат сабабли Россия ва НАТО алоқалари қайта кўздан кечирилиши ва бундан сўнг ташланадиган қадамлар белгиланиши талқин қилинади. Агар Россия Украинадаги можарога барҳам беришга ҳисса қўшмаётганлиги маълум бўлса, НАТО Кремлга қарши кучлироқ санксиялар қўллаши мумкин. Расмуссеннинг фикрича, Россия Украина юзасидан халқаро хавотирларни инобатга олмаяпти.
Аммо Россия НАТОнинг ҳар қандай кенгайишини, хусусан ўзининг чегарасига яқин минтақалар ҳақида гап кетганда бу нарсани ўзи учун таҳдид деб билади.