Муборак рамазон ойини (ҳилолини) кузатиш натижаси эълони
Аъузу биллаҳи минаш шайтонир рожим
Бисмилла ҳирроҳманир роҳим
«Рамазон ойидирки, бу ойда одамлар учун ҳидоят бўлиб ва ҳидоят ва фурқон (ҳақ билан ботилни ажратгувчи)нинг очиқ оятлари бўлиб Қуръон нозил қилинган. Бас, сизлардан ким бу ойга ҳозир бўлса, рўза тутсин. Ва ким хаста ёки мусофир бўлса, у ҳолда (рўза тутолмаган кунларининг) саноғини бошқа кунларда (тузалгач ёки сафардан қайтгач) тутади. Аллоҳ сизларга енгилликни истайди, сизларга оғир бўлишини истамайди. Бу саноқни тўлдиришингиз ва ҳидоят қилгани сабабли Аллоҳни улуғлашингиз учундир. Шояд шукр қилсангиз»[Бақара 185]
Аллоҳга ҳамд бўлсин. Аллоҳнинг Росулига, ул зотнинг оилалари, саҳобалари ва ул зот билан дўст бўлганларга ҳамда ул зотга эргашиб, йўлидан юрган, Ислом ақидасини ўзининг фикратига асос қилиб олган, шаръий аҳкомларни эса амалларига ўлчов ва ҳукмларига манба қилган зотларга салоту саломлар бўлсин, аммо баъд:
Бухорий ўзининг саҳиҳида Муҳаммад ибн Зиёд орқали ушбу ҳадисни келтирди. Муҳаммад ибн Зиёд айтади, мен Абу Ҳурайра Gнинг Набий A ёки Абу Қосим A бундай дедилар, деганини эшитгандим:
«صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا عِدَّةََ شَعْبَانَ ثَلاَثِينَ»
«Ойни кўриб рўза тутинглар (рўзани бошланглар), ойни кўриб оғиз очинглар (рўзани тугатинглар), агар ҳаво булут бўлса, шаъбон ойининг саноғини тўла ўттиз кун қилинглар».
Жумадан шанбага ўтар кечасида муборак рамазон ойини кузатилгандан кейин ойни шаръий кўриш билан кўрилгани ўз исботини топмади. Шунга кўра, демак, эртага шанба куни инша Аллоҳ шаъбонни тўлиқ охирига етказилиб, ўттиз кун қилинади ва эртаси якшанба куни муборак рамазон ойининг биринчи куни бўлади.
Шу муносабат билан бизга Ҳизб ут-Таҳрир амири улуғ олим Ато ибн Халил Абу Роштадан – у кишини Аллоҳ Ўз ҳифзу ҳимоясида асрасин – қуйидаги нутқ келди:
(Бисмиллаҳир Роҳманир Роҳим
Аллоҳга ҳамд бўлсин. Аллоҳнинг Росулига, ул зотнинг оилалари, саҳобалари ва ул зот билан дўст бўлганларга салоту саломлар бўлсин, ва баъд:
Даъватни кўтариб чиқаётган содиқ, мухлис биродарларга…
Ер юзининг барча жойларидаги бутун мусулмонларга…
Ассаламу алайкум ва роҳматуллоҳи ва барокатуҳ…
Мен Аллоҳ Субҳанаҳудан мусулмонларнинг тутган рўзаларини, ибодатда қоим бўлишларини қабул қилишини сўраб қоламан. Аллоҳ Субҳанаҳу барчамизни олдин қилган гуноҳларимизни Набий A айтганларидек мағфират қилсин. Набий A Бухорий ва Муслим Абу Ҳурайрадан ривоят қилган ҳадисда бундай дедилар:
«مَنْ صَامَ رَمَضَانَ، إِيمَانًا وَاحْتِسَابًا، غُفِرَ لَهُ مَا تَقَدَّمَ مِنْ ذَنْبِهِ»
«Кимки рамазон рўзасини имон билан ва ажр умид қилиб тутса унинг олдинги гуноҳлари мағфират қилинади». Абу Ҳурайра Gдан қилинган бошқа ривоятда эса Росулуллоҳ A бундай дедилар:
«مَنْ قَامَ رَمَضَانَ إِيمَانًا وَاحْتِسَابًا، غُفِرَ لَهُ مَا تَقَدَّمَ مِنْ ذَنْبِهِ»
«Кимки рамазонда имон билан ва ажр умид қилиб қоим бўлса унинг олдинги гуноҳлари мағфират қилинади».
Ҳурматли биродарлар, Аллоҳ Субҳанаҳу ҳижратнинг иккинчи йилида шаъбон ойида рамазон ойи рўзасини фарз қилди. Бу ой Аллоҳ Қуръонни нозил қилган ойдир.
«Рамазон ойидирки, бу ойда одамлар учун ҳидоят бўлиб ва ҳидоят ва фурқон (ҳақ билан ботилни ажратгувчи)нинг очиқ оятлари бўлиб Қуръон нозил қилинган» [Бақара 185]
Бу ой Аллоҳ Умматни нусрат ва аниқ фатҳ билан икром қилган ой ҳамдир. Чунки катта Бадр жанги рамазоннинг ўн еттинчисида бўлган. Ўшанда мушриклар катта мағлубиятга учрашган… Ана шундан кейин бу улуғ ойда бошқа ҳал қилувчи жанглар бўлиб ўтди. Ҳижратнинг саккизинчи йили муборак рамазон ойининг йигирманчисида рўй берган Маккаи Мукаррама фатҳидан бошлаб ҳозирги Куфа шаҳрининг яқинида – у форс Ярмукидир – бўлиб ўтган Бувайб жангигача шу улуғ ойда бўлди. Ҳижрий 31 йил 14 рамазонда бўлиб ўтган ўша жангда мусулмонлар Мусанно қўмондонлигида ғалаба қозондилар. Ана шундан кейин ҳижрий 223 йил 17 рамазонда Мўътасим қўмондонлигида Амурия фатҳ этилди. Ҳижрий 658 йил 25 рамазонда эса мусулмонлар мўғул-татарларни мағлуб этган Айн Жолут жанги бўлиб ўтди. Бу улуғ ойда бундан бошқа ғалабалар ҳам бўлди…
Рўза шундай қилиб олдидан ҳам, ортидан ҳам ботил яқин йўлолмайдиган Қуръони Карим билан ҳамда фатҳ ва нусрат билан боғланди… Рўза жиҳод билан ҳам боғланди… Рўза яна Аллоҳ ҳукмларини татбиқ этиш билан боғланди… Аллоҳ Субҳанаҳу ҳукмлари бир-биридан асло ажралмаслиги кўзи ва басирати (қалб кўзи) бор ҳар бир кишига маълумдир. Ибодатлар бўлсин ёки жиҳод, муомалалар, ахлоқ, сулук бўлсин ёки ҳадлар ва жиноятлар бўлсин, буларнинг барчаси битта мишкот-манбадандир. Кимки Китоби Карим оятларини ва ҳадиси шарифларда келган нусусларни тадаббур қилса буни аниқ кўради. Мусулмон Зикрул Ҳаким оятларидан ушбу оятни тиловат қилади
«Намозни тўкис адо қилинг» [Бақара 43]
Ушбу оятни ҳам тиловат қилади:
«Улар ўртасида Аллоҳ нозил қилган нарса билан ҳукм қилинг» [Моида 49]
Бу оятни ҳам тиловат қилади:
«Сизларга рўза тутиш фарз қилинди» [Бақара 183]
Ушбуни ҳам тиловат қилади:
«Сизларга жанг қилишингиз фарз қилинди» [Бақара 216]
У шунингдек ҳаж ҳақида Росулуллоҳ A ҳадисларида қуйидагини ҳам ўқийди:
«خُذُوا عَنِّي مَنَاسِكَكُمْ»
«Маносик (ҳаж ибодат)ларингизни мендан (таълим) олинглар». Бу ҳадисни Байҳақий ўзининг Сунан кубросида Жобирдан чиқарди. Мусулмон ҳадлар ҳақида ушбуни ҳам ўқийди:
«خُذُوا عَنِّي، خُذُوا عَنِّي، قَدْ جَعَلَ اللهُ لَهُنَّ سَبِيلاً، الْبِكْرُ بِالْبِكْرِ جَلْدُ مِائَةٍ وَنَفْيُ سَنَةٍ، وَالثَّيِّبُ بِالثَّيِّبِ جَلْدُ مِائَةٍ، وَالرَّجْمُ»
«Мендан олинглар, мендан олинглар, Аллоҳ уларга бир йўлни белгилади. Уйланмаган йигит бокира қиз билан зино қилса юз дарра урилиб бир йилга сургун қилинади. Уйланган киши жувон билан зино қилса юз дарра урилиб тошбўрон қилинади». Бу ҳадисни Муслим Убода ибн Сомитдан чиқарди. Мусулмон муомалалар ҳақида ушбуни ўқийди:
«البَيِّعَانِ بِالخِيَارِ مَا لَمْ يَتَفَرَّقَا–أو قال حتى يتفرقا-»
«Бир бири билан олди-сотди қилувчи икки киши модомики ажралиб кетишмаган бўлса – ёки то ажралиб кетгунгача, деди – ихтиёрлидир». Бу ҳадисни Бухорий Ҳаким ибн Ҳизомдан чиқарди. У шунингдек халифага байъат бериш ҳақида қуйидагини ўқийди:
«وَمَنْ مَاتَ وَلَيْسَ فِي عُنُقِهِ بَيْعَةٌ، مَاتَ مِيتَةً جَاهِلِيَّةً»
«Кимки бўйнида байъат бўлмаган ҳолда ўлса жоҳилият ўлимини топибди». Бу ҳадисни Муслим Абдуллоҳ ибн Умардан чиқарди. Шундай қилиб демак Ислом жузларга бўлинмайдиган бир бутундир. Шунинг учун уни давлат, ҳаёт ва жамиятда татбиқ этиш учун унга даъват ҳам биттадир. Демак кимки дин ҳаётдан ажралган ёки дин сиёсатдан ажралган деб Аллоҳ оятларини бир-биридан ажратиб ташлайдиган бўлса гуноҳи азим ва жуда катта жиноят қилибди. Бундай гуноҳ ва жиноят ўз соҳибини дунёда расволик, охиратда эса аламли азоб сари олиб кетади.
Сўзим ниҳоясида шуни айтмоқчиманки, Аллоҳ Субҳанаҳу Бақара сурасидаги беш рўза ояти орасида дуони зикр қилди. Аллоҳ Субҳанаҳу бундай деди:
«Бандаларим сиздан (эй Муҳаммад) Мен ҳақимда сўрасалар, Мен уларга яқинман. Менга дуо қилган пайтларида дуогўйларининг дуосини ижобат қиламан. Бас, ҳақ йўлга юришлари учун (улар ҳам) Менинг (даъватимга) жавоб қилсинлар ва Менга имон келтирсинлар»[Бақара 186]
Бир-бирига қаттиқ алоқадор бу икки нарсани алоҳида келтириш алоҳида келтирувчининг азаматига бир далилдир. Чунки Аллоҳ Субҳанаҳу рўзага буюргандан кейин дуога ҳам буюрди. Сўнг дуо шаънини улуғлаш учун рўза оятларини мукаммал охирига етказди. Шунинг учун рамазонда дуони кўп қилинглар. Зеро Росулуллоҳ A Аҳмад Абу Ҳурайрадан ривоят қилган ҳадиси шарифда бундай деганлар:
«ثَلَاثَةٌ لاَ تُرَدُّ دَعْوَتُهُمْ: الإِمَامُ الْعَادِلُ، وَالصَّائِمُ حَتَّى يُفْطِرَ، وَدَعْوَةُ الْمَظْلُومِ تُحْمَلُ عَلَى الْغَمَامِ، وَتُفْتَحُ لَهَا أَبْوَابُ السَّمَاوَاتِ، وَيَقُولُ الرَّبُّ عَزَّ وَجَلَّ: وَعِزَّتِي لَأَنْصُرَنَّكَ وَلَوْ بَعْدَ حِينٍ»
«Уч кишининг дуоси рад этилмайди: одил имом-халифанинг, рўзадорнинг то оғзини очгунча ва мазлумнинг дуоси. Бу дуолар булутлар узра кўтарилади, уларга самовот эшиклари очилади, Робб Азза ва Жалла бундай дейди: Иззатимга қасамки, сенга бир оз вақтдан кейин бўлса ҳам албатта ёрдам бераман». Демак дуонинг рўза оятлари орасида зикр этилгани рўза ойида уни кўп қилишга ундашга далолатдир ҳамда дуо фазлининг баёни ва ижобат қилиниши ҳақидаги башоратдир. Зеро Аллоҳ яқин, ижобат қилувчи Зотдир.
Ва энг охирида шуни айтаманки, Аллоҳ биздан рози бўлиши ва олдинги гуноҳларимизни мағфират қилиши учун рўзага ҳарис бўлишимиз вожиб бўлганидек, рошид Халифаликни тиклаб исломий ҳаётни қайта бошлашга ҳаракат қилишга ҳам шундай ҳарис бўлишимиз вожибдир. Чунки биз ўшандагина Аллоҳ ҳукмларини татбиқ этиб дунёда зафар топувчилардан, Росулуллоҳ Aнинг рояси, Уқоб рояси, Ла илаҳа иллаллоҳ Муҳаммадур Росулуллоҳ рояси соясида яшовчилардан бўламиз. Биз Аллоҳ Субҳанаҳу изни ила охиратда ҳам зафар топувчилардан, ҳеч қандай соя бўлмайдиган, фақат У Зотнинг соясигина бўладиган кунда У Зотнинг соясида сояланувчилардан бўламиз. Натижада дунё ва охират ҳовлисида зафарга эришамиз. Бу эса буюк зафардир.
Вассаламу алайкум ва роҳматуллоҳи ва барокатуҳ
Биродарингиз Ато ибн Халил Абу Рошта – Ҳизб ут-Таҳрирнинг амири) тамом.
Аллоҳ Ҳизб ут-Таҳрир амири улуғ олим Ато ибн Халил Абу Роштага бу гўзал сўзлар ва сидқидилдан қилинган мурожаат учун баракот это этсин… Мен шунингдек, Ҳизб ут-Таҳрирнинг марказий матбуот бўлими раисининг ва матбуот бўлими ходимларининг мана шу улуғ ой муносабати билан Ҳизб ут-Таҳрир амири улуғ олим Ато ибн Халил Абу Роштага ва барча мусулмонларга йўллаган табригини етказишдан ҳам бахтиёрман. Аллоҳ Субҳанаҳудан бизни ушбу фазилатли рамазон ойида дўзахдан озод этилган бандалар жумласидан қилишини ҳамда Лайлатул Қадрда ҳозир бўлган ва унинг ажрига эришган зотлардан қилишини сўраб қоламан…
Эй барча жойдаги мусулмонлар… Мана Аллоҳ бизга марҳамат кўрсатиб бизни муборак рамазон ойига, тоат-ибодатлар, фатҳ ва ғалабалар ойига етказди. Шундай экан Аллоҳга ўзингиздан бир яхшиликни кўрсатинг, Аллоҳ Субҳанаҳуга тақарруб ҳосил қилишда жидду жаҳд қилинг. Биз сизларни буюк позицияни эгаллашга чақирамиз. Зеро бундай позиция Роббул оламинни рози қилади, зиммани поклайди, Умматни у азият чекаётган мусибатлардан халос қилади, унинг шавкатини синдириш, устидан зўравонларча ҳукмронликни сақлаб қолиш ва давлатининг ҳаёт майдонига яна қайтишига йўл қўймаслик мақсадида унга қарши қилинаётган оламий тил бириктирувдан уни халос қилади… Мана ҳозир Ироқда фалокатлар юз бермоқда, Сурияда мусулмонлар устига итдек ташланишмоқда, Фаластинда Ақсо Масжиди босқинчилар зўравонлиги остида асирликда қолмоқда, Марказий Африкада эса мусулмонлар қирғин қилинмоқда, бошқа юртларда ҳам босқинчилар изғимоқда, қирғин, қувғин, ҳурмат ва муқаддас нарсаларни поймол қилишлар юз бермоқда. Агар мусулмонларнинг Халифалиги бўлганида эди бу фожиалар асло юз бермаган бўларди. Агар мусулмонларнинг ишларини ғамхўрлик билан бошқарадиган, уларни ва манфаатларини сергак туриб ҳимоя қиладиган бир халифаси бўлганида эди бу фожиалар асло юз бермаган бўларди…
Шунинг учун биз сизларни Ҳизб ут-Таҳрир аъзолари билан биргаликда Ислом ва мусулмонлар дахлсизлигининг ҳимоячиси бўлмиш Халифаликни, Роббимиз ваъдаси ва Набиййимиз A башорати бўлмиш Халифаликни тиклаб Аллоҳнинг динини ҳаёт майдонига қайтариш учун бор куч ва тезлик билан ҳаракат қилишга чақирамиз…
Эй мусулмонлар: Биз Умматнинг мухлис фарзандларини Исломий Умматга қарши тўқилаётган фитна тўрларидан, тазйиқ, қамал ва тил бириктирувдан огоҳлантириб келяпмиз. Бу фитна тўрларидан мақсад мусулмонларни ўз динида тубанларча ён беришга, натижада адоватли, маккор Ғарб қаршисида тиз чўкишга мажбурлашдир. Шунинг учун қарорингиз узил-кесил, кескин ва аниқ бўлсин, тиз чўктириш мақсад қилинган маккорона «ёрдам»ларга йўқ денг, душман билан алоқаларни яхшилаш мақсад қилинган ҳаром пулларга йўқ деб айтинг… Эй мусулмонлар, хиёнаткор Ғарб ечимларини кескин рад этинг, олди-сотди, малайлик ва хиёнат фитналарини бўғиб ташланг, меҳмонхоналарда ағанаб ётган алдамчи оппозицияларни ағдариб ташланг… уларнинг демократия деган сохта нарсаларини ҳам, усти ялтироқ маданиятларини ҳам асло қабул қилманг. Зўр куч ва баланд овоз билан рошид Исломий Халифаликни баралла эълон қилинг. Халифаликда Қуръони Карим дастур (конституция), улуғ шариат қонун ва Пайғамбаримиз Муҳаммад A сийрати тариқат ва минҳож бўлади…
Мана сизнинг ҳизбингиз бўлмиш Ҳизб ут-Таҳрир қизиб бораётган фикрий кураш ва сиёсий олишувга кириб сизларга маккор Ғарбнинг режаларини фош қилиб бермоқда, сизларга Исломнинг мустақим йўлини аниқ кўрсатиб бермоқда. Шундай экан ўзингизнинг покиза қўлингизни унинг қўлига беринг. Шояд Аллоҳ бизнинг қўлимизда нусрат ва ғолибликни битиб, Исломий Халифаликни тикласак. Шояд Аллоҳ Ҳизб ут-Таҳрир амири, улуғ олим Ато ибн Халил Абу Рошта қўлида аниқ фатҳни битса. Натижада унга халифа сифатида Аллоҳнинг Китоби ва Улуғ Пайғамбари Суннати асосида байъат берасиз. Халифаликда Аллоҳнинг ҳаниф шариатини қоим қиласиз ва Ислом даъватини бутун оламларга ҳидоят машъали сифатида кўтариб чиқасиз.
Эй армия зобитлари, эй қувват эгалари, эй қудрат эгалари, шуни яхши билингларки Аллоҳ Ўз динига албатта ёрдам беради. Шундай экан бу буюк шарафни қўлдан бой бермаслик учун Уммат сафига қўшилинг. Ўшанда Аллоҳ розилигига, дунё ва охират азизлигига эришиб зафар топасиз.
Аллоҳим, осмонлар ва ер Роббиси, бизни яқинда тез орада иккинчи тўғри йўлни тутувчи Халифаликда мусулмонлар халифасига байъат бериш билан шарафлантир…
Аллоҳим омин, омин, омин.
Вассаламу алайкум ва роҳматуллоҳи ва барокатуҳ
Шанба куни ҳижрий 1435 йил шаъбон ойининг охирги ўттизинчи куни.
Усмон Баххош
Ҳизб ут-Таҳрирнинг
марказий матбуот бўлими раиси
|
