Америка Ўзбекистондаги Андижон шаҳридаги қирғинга тўққиз йил ўтганидан кейин «йиғи-сиғи» қилиб сохта кўз ёшларини тўкяпти!
Американинг Ўзбекистондаги элчихонаси Ўзбекистон тоғути ва унинг югурдак жаллодлари 2005 йил май ойида Андижон шаҳрида амалга оширган жирканч, тубан қирғин жиноятига тўққиз йил тўлиши муносабати билан бир баёнот чиқарди. Ўшанда хавфсизлик кучлари ўта фожеали турмуш шароитларидан ва адолатсиз режимнинг зулм сиёсатларидан норози бўлиб намойишга чиққан намойишчиларнинг қонини дарё қилиб оқизган эди. Америка баёнотида қуйидагилар келди: «Тўққиз йил олдин Андижонда рўй берган ҳодисаларга шунча йил тўлиши муносабати билан Қўшма Штатлар ана шу фожеанинг барча қурбонларига чуқур таъзия билдиради ҳамда барқарор ва тинч келажакни бино қилиш йўлида ўзаро ярашувга ва фуқаролар ҳуқуқини ҳурмат қилишни кафолатлаш масъулиятини ҳис қилишга чақиради».
Мана шу қуруқ, пуч гаплар билан АҚШ ҳукумати Ўзбекистондаги Умматимизнинг оғриқ-аламлари ва жароҳатлари устида рақс тушмоқчи, шу мақсадда Америка жиноятчи Каримов қирғин қилган қурбонлар устида «тимсоҳ кўз ёшлари»ни тўкмоқда. Афғонистондан тортиб Покистон, Яман ва Сомалигача «дрон» самолётлари билан юзлаб ҳужумларни қилишдан уялмаётган Америка шундай сохта кўз ёшларини тўкмоқда. Бундан ташқари унинг Абу Ғурайб, Гуантанамо ва Баграм қамоқларидаги олам фахрланаётган «шарафли» ҳазорий «ютуқ»ларининг узун рўйхати ҳам бор! (АҚШнинг қизил танли ҳиндуларни оммавий равишда қирғин қилиш, африкаликларни қулга айлантириш, кимёвий қурол билан қирғин қилишдаги «порлоқ» мустамлакачилик тарихини, Вьетнамдаги «ютуқ»лари… ва бошқа қилмишларини-ку айтмай қўя қолайлик… Унинг бундай жиноятлари рўйхатини узоқ давом эттириш мумкин)!!
Тинч намойишчиларнинг қони тўкилган даҳшатли Андижон қирғини Америка элчихонасида ҳар эҳтимолга қарши қайд этиб қўйилган шунчаки бир ҳодисадир, холос. Аслида эса Американи қурбонлар ва уларнинг яқинлари туйғулари борасида олди-сотди қилиб савдолашишдан бошқа нарса қизиқтирмайди. Ироқ, Сурия ва Афғонистонда оммавий қирғин қуроллари билан қирғин қилиш тўхтамаётган бир пайтда Америка «бўриси»нинг ювошгина қўзичоқ терисини ёпиниб олаётганини кўрар эканмиз шоирлар амири Шавқийнинг қуйидаги сўзлари ҳақ эканини биламиз:
Воизлар либосин кийволиб тулки
Бизларга чиройли сўзласа ҳатто
Воажаб тулкининг дини бор экан
Насиҳат олайлик демоқлик хато
Европа Иттифоқи ҳам ёмонликда ўзининг «эгизаги» Америкадан асло қолишмайди. Чунки ҳеч нарсага арзимайдиган юзаки жазо чораларидан кейин Европа Иттифоқи Каримовнинг қизил хоч делегациясига баъзи қамоқларни программалаштирилган тарзда бориб кўришига рухсат беришига эришди. Шундан кейин Европа Иттифоқи ноғора қоқиб, оламни бошига кўтариб ўзининг жазо чоралари самара бергани тўғрисида хурсанд бўлиб ҳамма ёққа жар солди. Лекин бу иттифоқ Каримов ва унинг югурдак жаллодларининг алдамчилигини тушунгач қизил хоч ўзининг бўлғуси зиёратини бекор қилган пайтда биз европаликлардан ҳеч нарсани эшитмадик! Мусулмонларнинг ҳокимлари эса Халифалик давлатини тиклашга ҳаракат қилиб даъватни етказаётганларга қарши курашиш билан банд. Бу малайлар ўзларининг ўтмишдошлари фиръавнлар ва тоғутлар қисмати нима бўлганидан ғафлатда бўлиб, даъватни етказаётганларга қарши қандай зўравонликларни қилиш тўғрисида шайтоний ҳийлаларни ишлаб чиқишда бир-бирлари билан ким ўзарга мусобақалашишмоқда!
Эй Исломий Уммат! Ҳақ Таборака ва Таоло бундай дейди:
óOèdqàÿÏ%ur}(Nåk¨XÎ){tbqä9qä«ó¡¨B
«Уларни тўхтатиб туринглар! Чунки улар сўралгувчидирлар» [Соффат 24]
Ўзбекистон фиръавнининг жиноятлари қурбонлари виждонингиз ва имонингизга мурожаат қилиб ҳайқирмоқда. Аллоҳ ҳаққи ўзларига ёрдам беришингизни сўраб сизларга ҳайқирмоқда. Ҳадисда қуйидаги сўзлар келган:
«اَلْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
«Имом бамисоли ортида туриб жанг қилинадиган ва ҳимояланиладиган бир қалқондир». Шундай экан, Халифаликни тиклашга ва битта имомга байъат беришга ҳаракат қилиб зиммангиздаги масъулиятни адо этиб покланинг. Зеро ўшанда мустамлакачининг сиртмоғидан ва унинг маҳаллий малайлари зулмидан халос бўласиз, дунё ва охират азизлигига эришиб зафар топасиз.
Усмон Баххош
Ҳизб ут-Таҳрирнинг
марказий матбуот бўлими раиси
Манзил: алМазраа – «Колумбиа Центр» – блок б – иккинчи қават
Почта қутиси145010
телефон: 00961 1 30 75 94
уяли телефон: 00961 71 72 40 43
электрон почта: media@hizb-ut-tahrir.info
