Кирғизистоннинг Жалолобод вилоятида юзага келган норозилик акцияси оқибатида бир неча кундан буён тўсиб қўйилган Ош-Бишкек йўли бугун қайта очилди. Йўлни тўсиб қўйган намойишчилар янги губернатор Медер Усенов озодликка чиқарилгандан сўнг йўлни очишди. Шунингдек улар норозилик акциясига қатнашган кишиларни жазога тортилмаслигини талаб қилишмоқда.
Бугун бошвазир Жонтўра Сотибалдиев Жалолободга бориб митингчилар билан учрашди.
Бошвазир норозилик акциясига қатнашиб йул тўсган кишиларни қонунни ҳурмат қилишга чақирди. Қамоқдаги депутатларнинг иши судга ошганинни ва ҳокимиятни куч билан босиб олиш жиноят эканлигини эслатиб ўтди.
Айни пайтдапрезидент Алмазбек Атамбаев бугун эрталаб куч ишлатар органлирининг етакчилари билан ўтказган мажлисда йўл тўсиш ва давлат идораларини босиб олишга бошчилик қилган ва бу ишларни уюштирган кишиларни жавобгарликка тортиш лозимлигини айтиб ўтди.