Савол жавоб майдони

Ва алайкум ассалом ва раҳматуллоҳи ва барокатуҳ.

Аллоҳ Таоло ҳаром қилган иш билан шуғулланган мўмин билган заҳоти тавба қилиши шарт ва бу билан ўзини Аллоҳ олдида поклаган бўлади. Эришган мукофотлари ёки давлат томонидан берилаётган ойлик фақат шу ҳаром иш қилганлиги учун берилаётган бўлса ундан вос кечиш керак. Бу судҳўрлик билан шуғулланиб юрган вақтларида судҳўрлик ҳаром қилинган воқеъликка ўҳшайди. Ҳукмини билмаслик ҳам ҳукми аввал нозил бўлмаганга тўғри келади. Аллоҳ Таоло айтади:

الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنْ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُوْلَئِكَ أَصْحَابُ النَّارِ هُمْ فِيهَا خَالِدُونَ
Судхўр бўлган кимсалар (қиёмат кунида қабрларидан) турмайдилар, магар жин чалган мажнун каби турадилар. Бунга сабаб уларнинг: «Байъ (одди-сотди) ҳам судхўрликнинг ўзи-ку?» — деганларидир. Ҳолбуки, Аллоҳ байъни ҳалол, судхўрликни ҳаром қилган. Бас, кимга Парвардигоридан мавъиза — насиҳат етгач (судхўрликдан) тўхтаса, у ҳолда аввал ўтгани ўзига ва унинг иши Аллоҳга (топширилади). (Яъни Ўзи хоҳласа афв қилар). Ва ким (судхўрликка) қайтса, ўшалар жаҳаннам эгаларидир ва унда абадий қолажаклар. [2:275]

Аммо ушбу унвон ва дипломлар спортнинг бошқа турларига ҳам умумий бўлиб, бошқаларидан фарқ қилмайдиган бўлса, уни ҳам, у сабабли берилаётган ойлик мукофот пулини ҳам олишда хеч кароҳияти йўқ. Чунки спорт иши Исломда ҳаром қилинган иш эмас, аксинча у иш тарғиб қилинга. Бу ишлар ҳам спортга рағбатлантириш жумласига кирганлигидан уни олишдан манъ қиладиган нарса мавжуд эмас.
Муттақий.