Cоvid-19 вакциналари синовдан ўтказилмай сотувга чиқарилганлиги маълум бўлди

319
0

vid-19 вакциналари синовдан ўтказилмай сотувга чиқарилганлиги маълум бўлди

Европада фаолият юритувчи кўплаб фармацевтика ширкатларининг юқори лавозимли масъуллари иштирокида Европа Парламентида сессия ташкил этилди. Мазкур сессияда Европа Парламенти аъзолари томонидан фармацевтика ширкат вакилларига саволлар берилди. АҚШнинг Pfizer ширкатининг юқори лавозимли масъули Жанин Смолл ўз баёнотида Pfizer ширкати Ковид-19 вакциналарини синовдан ўтказмаган ҳолда, яъни у вирус юқишининг олдини олиш ёки олмаслигини аниқламай туриб сотувга чиқариб юборганлигини тан  олди.

Европа Парламенти аъзоси голландиялик Роб Росс сессияда Смоллга “Ковид-19 вакцинаси бозорга чиқарилишидан аввал вирус тарқалишининг олдини олиши ёки олмаслиги борасида Pfizer ширкати уни синовдан ўтказганми? илтимос ҳа ёки йўқ деб аниқ жавоб айтинг” дея савол берди. Pfizer фармацевтика ширкатининг бош директори Альберт Бурланинг ўрнидан йиғилишда иштирок этаётган Смолл, бу нозик саволга барчани ҳайратга солган эътироф билан жавоб берди. Pfizer ширкатининг вакили Ковид-19 вакциналари синовдан ўтказилмаганини тан олар экан, “Вакциналар сотувга чиқарилишидан олдин касаллик юқишининг олдини олиши ёки олмаслигини билмас эдик. Биз илм-фандан ортда қолмаслигимиз ва бозор қандай тортишини ўрганишимиз керак эди”, дея жавоб берди.

Аммо Pfizer фармацевтика ширкати вакцинани бозорга чиқараётганда касаллик юқишининг олдини олади, деб сотувга чиқарган эди. Шунингдек, баъзи олимлар ҳам “ҳамма инсонлар жамият соғлигини ўйлаган ҳолда ваксина олишга мажбур” эканлигини олға суришган эди. Pfizer ширкати вирусга қарши ишлаб чиққан ушбу вакцина бизнесидан 2021 йилдан бери 10 миллиард доллар фойда кўргани қайд этилган.

Изоҳ: Капитализмда моддий манфаатлар асосий ўринни эгаллаши ҳеч кимга сир эмас. У қаерга кириб бормасин, у ерда оддий аҳоли ҳалокатга маҳкумдир, фақат капиталист пулдорларгагина омад кулиб боқади. Капитализм ҳазоратига кўра, агар фойда келтирса илмий тадқиқотларни ҳам ўзларига хизмат қиладиган қилиб сохталаштиришга монеълик йўқ, гарчи бундан инсоният ҳаёти хавф остида қолса ҳам. Шунинг учун кўплаб капиталистик лойиҳалар инсоният учун аниқ зарарли бўлса ҳам, моддий фойда келтирганлиги сабабли барча зарарлардан кўз юмилади.

 Афсуски, ҳатто тиббиёт соҳаси ҳам капитализмнинг манфаат ботқоғидан ва очкўзлигидан омон қолмади. Бугунги кунда фармацевтика ширкатларининг энг биринчи мақсади доим моддий фойдани қўлга киритиш бўлиб қолди. Айниқса ковид-19 пандемияси каби оммавий касаллик ваҳимаси тарқалган пайтда капиталистлар очкўз истакларини қондириш учун тиббиёт соҳасини манфаат манбасига айлантириб олишди. Капитализмнинг манфаатпарастлиги туфайли тиббиётнинг қарийб барча соҳаларида коррупция кенг тарқалган.

 Pfizer фармацевтика ширкати аввал ҳам артрит (бўғинлар шамоллаши) касаллигига қарши сеlebrex препарати устида тўрт йил тадқиқот олиб борган ва ушбу препаратни истеъмол қилган кўп беморлар юрак хуружи ва қон томир касаллигидан азият чекканлигини аниқлагандан кейин ҳам, уни сотувга чиқариб юборган эди. Ҳатто бу препаратни қабул қилиш натижасида юрак хуружи ва қон қуюқлашишга мубтало бўлганларнинг сони кундан кунга ортганлиги аниқланган бўлса-да Pfizer ширкати celebrex препаратини реклама қилишни давом эттираверди. Агар препаратлар устидан назорат қилувчи ташкилот бу ширкатни тўхташга мажбур қилмаганда, ширкат реклама қилишни давом эттираверарди.

 Буларнинг барчаси капитализмнинг ҳаёт ҳақидаги қарашининг табиий натижасидир. Капитализм ҳазоратидаги бундай ҳолатга ҳайрон бўлишга ҳожат йўқ. Чунки бу ҳазорат фақат моддий бойлик орттириш учун ҳар қандай йўлни ўзига мубоҳ қилиб олган. Шундай экан чириб қолган бундай ҳазоратни таг-туби билан қўпориб ташлаб, унинг ўрнига Инсониятга ҳаёт бахшида этадиган Ислом ҳазоратини тиклаш лозимдир.

 Зоҳид Заргар

LEAVE A REPLY

Please enter your comment!
Please enter your name here