Муборак замин борасида қабул қилинган шармандалик ва хоинлик ҳужжати

331
0

بِسْمِ اللهِ الرَّحْمٰنِ الرَّحِيمِ

Муборак замин борасида қабул қилинган шармандалик ва хоинлик ҳужжати

«Maannews.net» веб-сайтида (ҳижрий 1442 йил 9 ражаб, милодий 2021 йил 21 феврал)да нашр қилинган хабарда бундай дейилади:

«Фаластин маъмурияти АҚШнинг янги маъмуриятига йўллаган биринчи сиёсий мурожаатида Фаластин фракциялари, шу жумладан Ҳамас томонидан эришилган асосий келишувларни кўрсатиб ўтди.

«Amad.ps» веб-сайтида Фаластиндаги барча фракциялар 1967 йилги ҳудудларда Фаластин давлати барпо этилишига, унинг пойтахти Шарқий Қуддус бўлишига ҳамда халқ қаршилик ҳаракати тинч йўл билан давом этишига содиқдирлар, дейилади.

Фаластин вазири Ҳусайн Шайх сайловлар ва асосий қонунга киритилган ўзгартиришлар бўйича мажбуриятларга оид номани Давлат котибининг Исроил-Фаластин ишлари бўйича ёрдамчиси Ҳодий Амрга топширди.

Ҳужжат номзод кўрсатиш учун сайлов шартини (номзодга ариза, 4-иловани) ҳам ўз ичига олган бўлиб, унда «сайловда иштирок этмоқчи бўлган ҳар бир шахс аризага имзо чекмоғи ҳамда асосий қонунни ва ундаги Фаластин Озодлик Ташкилоти тасдиқлаган ва қабул қилган сайловлар тўғрисидаги қонунни ва унга киритилган ўзгартиришни қабул қилмоғи, Фаластин Озодлик Ташкилотини Фаластин халқининг ягона қонуний вакили, деб билмоғи шарт», дейилган».

Роя:

Бу ҳужжатдан Фаластин Озодлик ташкилотининг нақадар хоинлиги, ўзини Фаластин халқининг ягона қонуний вакили эканини даъво қилиб, халқ номидан Фаластиннинг аксар қисмидан воз кечишда қатъий тургани ва ўз хиёнатини ўраб ҳам ўтирмаётгани очиқ кўриниб турибди. Яна бу ҳужжатдан сайловлар Американинг «икки давлат» лойиҳасига, яъни Фаластиннинг аксар қисми яҳудий вужудига берилиши кўрсатилган лойиҳага асослангани ҳам кўриниб турибди. Бундан ташқари, бу сайловлар Фаластин масаласини тугатиш учун мустамлакачи Ғарб томонидан белгиланган халқаро қонунга таянади. Зеро, Фаластин Озодлик ташкилотининг хоинлигига рози бўлиш ва бу хоинликни шахснинг сайлов ва маъмуриятда қатнашиши учун зарурат, деб билиш, юртни ва одамларни зое қилган бу ташкилотни Фаластин аҳлининг ягона қонуний вакили, деб ҳисоблаш ҳамда Фаластин режимига киришни ва сайловларда қатнашишни истаганлар учун, истаса-истамаса, бу сайловларни асосий ғоя, деб билиш, буларнинг барчаси сайловларда иштирок этишнинг асосий талабларидан биридир.

Фаластин режими ушбу ҳужжат билан ўзининг хоинлигини ҳамда Аллоҳдан ҳам, Росулидан ҳам, мўминлардан ҳам уялмаслигини кўрсатиб қўйди. У гўёки: бизнинг ботқоққа тушишни истаган киши, аввал балчиқ сувидан ичиши, аммо ботқоққа киришдан олдин – бирон бир баҳона қолмаслиги учун – нимага кетаётганини билиши керак, демоқда. Режим унинг ботқоғига тушаётган кишидан хиёнатни хиёнатлигини билиб, онгли ҳолда қилишини, токи, режим билан ҳокимиятда шерик бўлаётганда – ён бериш, сотқинлик қилиш, икки давлат лойиҳасига рози бўлиш, яҳудий вужуди билан хавфсизлик ва мудофаа ҳамкорлиги ўрнатиш каби хоинликларда – режимдан ўзиб кетмаслигини хоҳлайди.

Фаластин аҳли бундай очиқ хиёнатни кўргандан кейин, режимнинг кирдикорларини очиб ташлаши ва сайловларининг ён бериш ва воз кечишга асосланган сайлов эканини фош этиши лозим. Улар шуни яхши билишлари керакки, бу сайловлар аслида бир қурол бўлиб, ундан Озодлик ташкилоти ўз хиёнатини охирига етказиб, Фаластин масаласини яҳудийлар фойдасига ҳал этиши учун унга қонунийлик тусини бериш кўзланган. Бу сайловлар Озодлик Ташкилотининг ҳамда режим ва гумашталарининг қора бозоридир. Шунинг учун одамлар бу сайловларда мутлақо қатнашмаслиги керак. Фаластин аҳли Фаластин масаласининг эгаси бўлмиш Ислом Умматига шуни кўрсатсинларки, Озодлик ташкилоти фақат ўзига ҳамда унинг қанотлари остига кирганларга мансуб, аммо Фаластин аҳлига ҳам, унинг масаласига ҳам мансуб эмас. Билъакс, бу режим ушбу муборак замин масаласини исломий маъно-мазмунидан узиб, йўқ қилиш учун Фаластин аҳли бўйнига қадалган қиличдир… мустамлакачилар қўлидаги қуролдир…

Фаластиндаги фракциялар шуни англаб етмоқлари керакки, Озодлик ташкилоти аллақачон сохта режим эвазига Фаластин масаласини сотиб бўлган. Режим эса, босқинчи яҳудийларга хизмат қилувчи хавфсизлик органига айланган бўлиб, Озодлик ташкилоти ҳам, режим ҳам интилишга ва унинг йўлида рақобатлашишга лойиқ ўлжа эмас. Шунингдек, бу фракциялар Озодлик ташкилотидан, режимдан, уларнинг сайловларию ҳужжатларидан, ҳаммасидан қўлни ювиб қўлтиққа урмоқлари ва уларнинг бир бўлагига айланмасликлари лозим. Аллоҳ Таоло айтади:

مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعاً إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ وَالَّذِينَ يَمْكُرُونَ السَّيِّئَاتِ لَهُمْ عَذَابٌ شَدِيدٌ وَمَكْرُ أُوْلَئِكَ هُوَ يَبُورُ

«Ким куч-қудратни истайдиган бўлса, бас барча куч-қудрат Аллоҳникидир. (Ҳар бир) хуш сўз Унга юксалади ва яхши амални ҳам (Аллоҳ Ўз даргоҳига) кўтаради. Ёмон макр-ҳийлалар қиладиган кимсалар учун эса қаттиқ азоб бор ва уларнинг макрлари ҳам ҳалок бўлади (пучга чиқади)» [Фотир 10]

Роя газетасининг 2021 йил 3 март чоршанба кунги 328-сонидан

LEAVE A REPLY

Please enter your comment!
Please enter your name here